ആരോഗ്യവകുപ്പിന് കീഴില്‍ പ്രവര്‍ത്തിക്കുന്ന പനമരം സര്‍ക്കാര്‍ നഴ്‌സിംഗ് സ്‌കൂളിലേക്ക് ഒക്ടോബര്‍ മാസത്തില്‍ ആരംഭിക്കുന്ന ജനറല്‍ നഴ്‌സിംഗ് കോഴ്‌സിലേക്ക് അപേക്ഷ ക്ഷണിച്ചു. ഫിസിക്‌സ്, കെമിസ്ട്രി, ബയോളജി ഐച്ഛിക വിഷയമായെടുത്ത് 40 ശതമാനം മാര്‍ക്കേടെ പ്ലസ് ടു അഥവാ തത്തുല്യ പരീക്ഷ ജയിച്ചവര്‍ക്ക് അപേക്ഷിക്കാം. അപേക്ഷാ ഫോമും പ്രോസ്‌പെക്റ്റസും www.dhs.kerala.gov.in എന്ന വെബ്‌സൈറ്റില്‍ ലഭിക്കും.  അപേക്ഷകള്‍ പനമരം സര്‍ക്കാര്‍ നഴ്‌സിംഗ് സ്‌കൂള്‍ പ്രിന്‍സിപ്പലിന് ആഗസ്റ്റ് 27 വൈകീട്ട് 5   നകം ലഭിക്കണം.

 ഓണാഘോഷത്തോടനുബന്ധിച്ച് വ്യാജമദ്യ നിര്‍മ്മാണം, അനധികൃതമദ്യക്കടത്ത്, ലഹരിക്കടത്ത് തുടങ്ങിയ  കുറ്റകൃത്യങ്ങള്‍ തടയുന്നതിന് എക്‌സൈസ് വകുപ്പ് സ്‌പെഷ്യല്‍ ഡ്രൈവ് തുടങ്ങി. മീനങ്ങാടിഎക്‌സൈസ് ഡിവിഷന്‍ ഓഫീസ് കേന്ദ്രമായി 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമില്‍ വിവരങ്ങള്‍ അറിയിക്കാം.   അബ്കാരി/എന്‍.ഡി.പി.എസ് എന്നിവയുമായി ബന്ധപ്പെട്ട പരാതികളും, കൃത്യമായ വിവരങ്ങളും പൊതുജനങ്ങള്‍ക്കും, സന്നദ്ധ സംഘടനകള്‍ക്കും കണ്‍ട്രോള്‍ റൂമില്‍ അറിയിക്കാം.

2019ലെ  പ്രളയവുമായി ബന്ധപ്പെട്ട് റീ ബില്‍ഡ് കേരള വെബ്‌സൈറ്റില്‍ ഉള്‍പ്പെട്ട അപേക്ഷകരില്‍ ഇതുവരെയും ധനസഹായം ലഭിച്ചിട്ടില്ലാത്തവര്‍ ലാന്റ് റവന്യു കമ്മീഷണറേറ്റിലെ 0471 2325901 എന്ന ഫോണ്‍ നമ്പറില്‍ ആഗസ്റ്റ് 20നകം ബന്ധപ്പെടണം.

വയനാട് ജില്ലാ പഞ്ചായത്തിന്റെ നേതൃത്വത്തില്‍ തയ്യാറാക്കിയ ദുരന്തനിവാരണസേന ഡയറക്ടറി പ്രകാശനം ചെയ്തു. ജില്ലാപഞ്ചായത്ത് പ്രസിഡണ്ട് കെ.ബി. നസീമ ജില്ലാകലക്ടര്‍ ഡോ. അദീല അബ്ദുള്ളയ്ക്ക് ഡയറക്ടറി നല്‍കിയാണ് പ്രകാശനം ചെയ്തത്.  ജില്ലാപഞ്ചായത്ത് പരിശീലനം നല്‍കിയ ദുരന്തനിവാരണ സേനനാംഗങ്ങളുടെ വിവരങ്ങളടങ്ങിയ സമ്പൂര്‍ണ്ണ ഡയറക്ടറിയാണിത്. ജില്ലയിലുണ്ടായേക്കാവുന്ന പ്രളയവും ഉരുള്‍പ്പൊട്ടലും പോലെയുള്ള ദുരന്തങ്ങളെ ഫലപ്രദമായി പ്രതിരോധിക്കുന്നതിനാണ് പ്രാദേശികാടിസ്ഥാനത്തില്‍ ദുരന്ത നിവാരണ സേന രൂപീകരിച്ചത്.

*

*55 പേര്‍ക്ക് രോഗ മുക്തി*

വയനാട് ജില്ലയില്‍ ഇന്ന് (8.08.20) 10 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. ഒരാള്‍ ലണ്ടനില്‍ നിന്നും ഒരാള്‍ കര്‍ണാടകയില്‍ നിന്നും വന്നവരാണ്. 8 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 55 പേര്‍ രോഗമുക്തി നേടി.

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 862 ആയി. ഇതില്‍ 499 പേര്‍ രോഗ മുക്തരായി. രണ്ടു പേര്‍ മരണപ്പെട്ടു. നിലവില്‍ 361 പേരാണ് ചികിത്സയിലുള്ളത്. 342 പേര്‍ ജില്ലയിലും 19 പേര്‍ ഇതര ജില്ലകളിലും ചികിത്സയില്‍ കഴിയുന്നു.

ഇന്ന് രോഗം സ്ഥിരീകരിച്ചവര്‍:

മാനന്തവാടി നഗരസഭയിലെ ഡിവിഷന്‍ 21 കണ്ടെയ്ന്‍മെന്റ് സോണായും മുള്ളന്‍കൊല്ലി ഗ്രാമപഞ്ചായത്തിലെ വാര്‍ഡ് 18 ല്‍ ഉള്‍പ്പെടുന്ന പെരിക്കല്ലൂര്‍ 33 കവലയും കവലയോട് ചുറ്റുമുള്ള ഒരു കീലോമീറ്റര്‍ പ്രദേശവും മൈക്രോ കണ്ടെയ്ന്‍മെന്റായും ജില്ലാ കലക്ടര്‍ പ്രഖ്യാപിച്ചു.

ആഗസ്റ്റ് 7 നു രാവിലെ 8.30 മുതല്‍
ആഗസ്റ്റ് 8 രാവിലെ 8.30 വരെ ലഭിച്ച മഴ മില്ലിമീറ്ററില്‍.
(ബ്രാക്കറ്റില്‍ മഴ ബാധിക്കുന്ന നദീതടം/ പ്രദേശം)  

ജില്ലാ ആസൂത്രണ സമിതി യോഗം ആഗസ്റ്റ് 11 ന് ഉച്ചയ്ക്ക് 2.30 ന് ജില്ലാ പഞ്ചായത്ത് ഹാളില്‍ നടക്കും. ഗൂഗിള്‍ മീറ്റ് മുഖേനയാണ് യോഗം. പദ്ധതി ഭേദഗതികള്‍ക്ക് അനുമതി വാങ്ങാത്ത തദ്ദേശ സ്ഥാപനങ്ങള്‍ 10 ന് വൈകീട്ട് മൂന്നിനകം പദ്ധതികള്‍ ഡി.പി.സി അഗീകാരത്തിനു സമര്‍പ്പിക്കണമെന്ന് ജില്ലാ കലക്ടര്‍ അറിയിച്ചു.

തൊണ്ടര്‍നാട് ക്ലസ്റ്ററില്‍ കോവിഡ് നിയന്ത്രണ വിധേയമായി വരുന്ന പശ്ചാത്തലത്തിലും കാലവര്‍ഷം ശക്തമായ സാഹചര്യത്തിലും കുറ്റ്യാടി ചുരം ഗതാഗതത്തിനു തുറന്നു കൊടുക്കാന്‍ തീരുമാനിച്ചതായി ജില്ലാ കലക്ടര്‍ ഡോ. അദീല അബ്ദുള്ള അറിയിച്ചു. എന്നാല്‍ കുറ്റ്യാടി ഉള്‍പ്പെടെ ഒരു ചുരത്തിലൂടെയും രാത്രി യാത്ര അനുവദിക്കില്ല. അപകട സാധ്യത നിലനില്‍ക്കുന്നതിനാലാണ് വൈകീട്ട് ഏഴ് മുതല്‍ രാവിലെ ആറ് വരെ ഗതാഗത ഗതാഗത നിരോധനമുള്ളത്.

വാളാട് ക്ലസ്റ്ററില്‍ കോവിഡ് ഭീതി ഇപ്പോഴും നിലനില്‍ക്കുന്നതിനാല്‍ തൊണ്ടര്‍നാട് പ്രദേശത്തുള്ളവരും ജാഗ്രത കൈവെടിയരുതെന്ന് ജില്ലാ കലക്ടര്‍ അറിയിച്ചു.

ജില്ലയില്‍ കനത്ത മഴ തുടരുന്ന സാഹചര്യത്തില്‍ ജലനിരപ്പ് ഉയരുകയാണെങ്കില്‍ കാരാപ്പുഴ അണക്കെട്ടിന്റെ ഷട്ടറുകള്‍ 15 സെ.മീറ്ററില്‍ നിന്ന് 25 സെ.മീ ആയി ഉയത്താന്‍ ജില്ലാ കലക്ടര്‍ ഡോ. അദീല അബ്ദുള്ള അധ്യക്ഷതയില്‍ ചേര്‍ന്ന ജില്ലാ ദുരന്ത നവാരണ അതോറിറ്റി യോഗം തീരുമാനിച്ചു.