കണ്‍സ്യൂമര്‍ ഫെഡിന്റെ സഹായത്തോടെ പ്രാഥമിക സഹകരണ സംഘങ്ങള്‍ നടത്തുന്ന നീതി മെഡിക്കല്‍ സ്റ്റോറുകളുടെ പ്രവര്‍ത്തന-അവലോകന യോഗം ജില്ലാ സഹകരണ ബാങ്കിന്റെ ഹെഡ് ഓഫീസ് സമ്മേളന ഹാളില്‍ ചേര്‍ന്നു.

കണ്‍സ്യൂമര്‍ ഫെഡ് ചെയര്‍മാന്‍ എം.മെഹബൂബ് യോഗം ഉദ്ഘാടനം ചെയ്തു. ജില്ലാ സഹകരണ സംഘം ജോയിന്റ് രജ്‌സ്ട്രാര്‍ (ജനറല്‍) എം.കെ.ബാബു അധ്യക്ഷനായി. കണ്‍സ്യൂമര്‍ ഫെഡ് സ്‌പെഷല്‍ ഓഫീസര്‍ അബ്ദുള്‍ റഷീദ്, ജില്ലാ ബാങ്ക് ജനറല്‍ മാനെജര്‍ എ.സുനില്‍കുമാര്‍, പ്ലാനിങ് അസി.രജിസ്ട്രാര്‍ ഇ ഹരിദാസ്, റീജനല്‍ മാനെജര്‍ ശുഭ തുടങ്ങിയവര്‍ സംസാരിച്ചു. 
 

സാമൂഹിക നീതി  വകുപ്പിന്റെ ആഭിമുഖ്യത്തില്‍ ജില്ലാ പഞ്ചായത്തും ഗ്രാമ-ബ്ലോക്ക് പഞ്ചായത്തുകളും സംയുക്തമായി നടപ്പാക്കുന്ന ഭിന്നശേഷിക്കാര്‍ക്കുള്ള മുച്ചക്ര വാഹന വിതരണത്തിന്റെ രണ്ടാം ഘട്ട ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ.ശാന്തകുമാരി നിര്‍വഹിച്ചു.

ആദ്യഘട്ടത്തില്‍ 12,89,800 രൂപ ചെലവിട്ട് 20 വാഹനങ്ങളും രണ്ടാം ഘട്ടത്തില്‍ 20,63,680 രൂപ ചെലവിട്ട് 32 വാഹനങ്ങളുമാണ് വിതരണം ചെയ്തത്. കരിമ്പ, മുണ്ടൂര്‍, ഓങ്ങല്ലൂര്‍, കാരാകുറിശ്ശി, തേങ്കുറിശ്ശി, തൃക്കടീരി, നെല്ലായ, തച്ചമ്പാറ, എരിമയൂര്‍ ഗ്രാമപഞ്ചായത്തുകളിലെ 32 ഗുണഭോക്താക്കള്‍ക്ക് മുച്ചക്രം നല്‍കിയത്. 

സംസ്ഥാന എക്സൈസ് വകുപ്പിലെ ജീവനക്കാരുടെ കലാ-കായിക കഴിവുകള്‍ പ്രോത്സാഹിപ്പിക്കുന്നതിനായി നടത്തുന്ന 15-മത് സംസ്ഥാന എക്സൈസ് കലാ-കായിക മേള നവംബര്‍ 10,11,12 തീയതികളില്‍ പാലക്കാട് നടത്തും. നവംബര്‍ 11 രാവിലെ 8.30ന് ഗവ.                     വിക്ടോറിയ കോളെജില്‍ എക്‌സൈസ്-തൊഴില്‍ വകുപ്പ് മന്ത്രി  ടി.പി.രാമകൃഷ്ണന്‍ കലാ-കായികമേള ഉദ്ഘാടനം ചെയ്യും. ഗവ.വിക്ടോറിയ കോളെജ് മൈതാനം, ഓഡിറ്റോറിയങ്ങള്‍, കോട്ടമൈതാനം, ടൗണ്‍ സ്‌ക്വയര്‍ ക്‌ളബ്, മാധവ രാജ ക്ലബ്ബ്  എന്നിവിടങ്ങളിലാണ് മത്സരങ്ങള്‍ നടക്കുക.

കൊച്ചി: കേരളത്തില്‍ കുടുംബ ബന്ധങ്ങളുടെ ശൈഥില്യം വര്‍ധിക്കുന്നുവെന്ന് വനിത കമ്മീഷന്‍ അദ്ധ്യക്ഷ എം സി ജോസഫൈന്‍ പറഞ്ഞു. എറണാകുളം വൈഎംസിഎ ഹാളില്‍ വനിതാകമ്മീഷന്റെ മെഗാഅദാലത്ത് ഉദ്ഘാടനം ചെയ്യുകയായിരുന്നു  എം സി ജോസഫൈന്‍. വിദ്യാഭ്യാസ, രാഷ്ട്രീയ, സാമൂഹിക, സാമ്പത്തിക രംഗങ്ങളില്‍ വന്‍ മുന്നേറ്റം ഉണ്ടായിട്ടുപോലും കുടുംബ ബന്ധങ്ങളിലെ പ്രശ്‌നങ്ങളും സ്വത്തുതര്‍ക്കവും സംബന്ധിച്ച പരാതികള്‍ കേരളത്തില്‍ ധാരാളമായി വരുന്നു.  

പത്തനംതിട്ട സ്‌കൂള്‍ ഓഫ് അപ്ലൈഡ് സയന്‍സസില്‍ എംഎസ് സി എംഫില്‍, ഫിഷറീസ് ബയോളജി ആന്‍ഡ് അക്വാകള്‍ച്ചര്‍ കോഴ്‌സുകളില്‍ ഏതാനും സീറ്റുകള്‍ ഒഴിവുണ്ട്. കൂടുതല്‍ വിവരങ്ങള്‍ 04682323957, 9446705344 എന്നീ നമ്പരുകളില്‍ ലഭിക്കും. 
                                          

(പിഎന്‍പി 3010/17)

ബാങ്ക് വായ്പാ കുടിശ്ശിക ഈടാക്കുന്നതിന് കോഴഞ്ചേരി താലൂക്കില്‍ പത്തനംതിട്ട വില്ലേജിലെ വിവിധ തണ്ടപ്പേരുകളില്‍പ്പെട്ട നാല് ഹെക്ടര്‍ 85 ആര്‍ സ്ഥലം ഡിസംബര്‍ എട്ടിന് പകല്‍ 11.30ന് പത്തനംതിട്ട വില്ലേജ് ഓഫീസില്‍ ലേലം ചെയ്യുമെന്ന് റവന്യു റിക്കവറി സ്‌പെഷ്യല്‍ തഹസീല്‍ദാര്‍ അറിയിച്ചു.                             

(പിഎന്‍പി 3009/17)

ജില്ലയിലെ അഞ്ച് ബ്ലോക്കുകളില്‍ രാത്രികാല മൃഗചികിത്സ സേവനം നല്‍കുന്നതിന് കരാര്‍ വ്യവസ്ഥയില്‍ വെറ്ററിനറി സര്‍ജന്‍മാരെ നിയമിക്കുന്നു. പത്തനംതിട്ട മിനി സിവില്‍ സ്റ്റേഷനിലുള്ള ജില്ലാ മൃഗസംരക്ഷണ ഓഫീസില്‍ ഈ മാസം 16ന് രാവിലെ 11നാണ് കൂടിക്കാഴ്ച. താത്പര്യമുള്ള യോഗ്യരായ ഉദ്യോഗാര്‍ഥികള്‍ ബന്ധപ്പെട്ട സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്ക് ഹാജരാകണം.

കൂടുതല്‍ വിവരങ്ങള്‍ക്ക് ഫോണ്‍: 04682322762. 
                                                

(പിഎന്‍പി 3008/17)

ജനസേവന കേന്ദ്രങ്ങള്‍ക്ക് അനുമതി നല്‍കുമ്പോള്‍ തദ്ദേശ സ്വയംഭരണ സ്ഥാപനങ്ങള്‍ ജാഗ്രത പാലിക്കണമെന്ന് സംസ്ഥാന ഐടി മിഷന്‍ ഡയറക്ടര്‍ ശീറാം സാംബശിവ റാവു അറിയിച്ചു. അംഗീകൃത അക്ഷയ കേന്ദ്രങ്ങളല്ലാതെ ജനസേവന കേന്ദ്രങ്ങളെന്ന പേരില്‍ നിരവധി സ്ഥാപനങ്ങള്‍ പ്രവര്‍ത്തിക്കുന്നതായി ശ്രദ്ധയില്‍പ്പെട്ടിട്ടുണ്ട്.

അക്ഷയകേന്ദ്രങ്ങളിലൂടെ ബന്ധിപ്പിക്കാം
    

കേന്ദ്ര സംസ്ഥാന പദ്ധതിയായ ആം ആദ്മി ബീമാ യോജനയില്‍ നിലവില്‍ രജിസ്റ്റര്‍ ചെയ്തിട്ടുള്ള കുടുംബങ്ങള്‍ക്ക് ആനുകൂല്യങ്ങള്‍ തുടര്‍ന്നും ലഭിക്കുന്നതിന് ആധാര്‍ ബാങ്ക് വിവരങ്ങള്‍ പോളിസികളുമായി ബന്ധിപ്പിക്കണം.

ഇതിനായി ഗുണഭോക്താക്കള്‍ പോളിസി സര്‍ട്ടിഫിക്കറ്റും ബാങ്ക്, ആധാര്‍ വിവരങ്ങളുമായി അടുത്തുള്ള അക്ഷയ കേന്ദ്രങ്ങളെ സമീപിക്കണം. അഞ്ച് രൂപയാണ് ഫീസ്.                             

(പിഎന്‍പി 3006/17)    

കൃഷി വകുപ്പിന്റെ ആഭിമുഖ്യത്തില്‍ മത്സ്യതൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള തൊഴിലാളികള്‍ക്ക് പരിശീലനം നല്‍കുന്നു. പത്താം ക്ലാസ് പാസായ 20നും 45നും മധ്യേ പ്രായമുള്ളവര്‍ക്കാണ് പരിശീലനം. വിവിധ മത്സ്യബന്ധന രീതികള്‍, മത്സ്യബന്ധന ഉപകരണങ്ങള്‍, സുരക്ഷാ ഉപകരണങ്ങള്‍, നാവിഗേഷന്‍ ആന്‍ഡ് സീമെന്‍ ഷിപ്പ് എന്നീ വിഷയങ്ങളിലാണ് പരിശീലനം.