കേപ്പിന്റെ കീഴില്‍ മുട്ടത്തറ, പെരുമണ്‍, ആറന്‍മുള, കിടങ്ങൂര്‍, പത്തനാപുരം, പുന്നപ്ര, തലശ്ശേരി, വടകര, തൃക്കരിപ്പൂര്‍ എന്നിവിടങ്ങളില്‍ പ്രവര്‍ത്തിക്കുന്ന എന്‍ജിനീയറിംഗ് കോളേജുകളില്‍ ഒഴിവുളള സീറ്റുകളിലേക്ക് സ്‌പോട്ട് അഡ്മിഷന്‍ ആഗസ്റ്റ് ഒന്‍പതു മുതല്‍ നടത്തും. എന്‍ട്രന്‍സ് കമ്മീഷണര്‍ പ്രസിദ്ധീകരിച്ച സപ്ലിമെന്ററി റാങ്ക് ലിസ്റ്റില്‍ ഉള്‍പ്പെട്ടവര്‍ക്കും മെയിന്‍ റാങ്കില്‍ ഉള്‍പ്പെട്ട് ഇതുവരെ അഡ്മിഷന്‍ നേടാത്തവര്‍ക്കും അഡ്മിഷന്‍ നേടാം. യോഗ്യരായവര്‍ അസല്‍ രേഖകള്‍ സഹിതം ബന്ധപ്പെട്ട കോളേജ് പ്രിന്‍സിപ്പാള്‍ മുന്‍പാകെ ഹാജരായി അഡ്മിഷന്‍ നേടണം.

പി.എന്‍.എക്‌സ്.3416/17

വൊക്കേഷണല്‍ ഹയര്‍ സെക്കന്ററി കോഴ്‌സ് സര്‍ട്ടിഫിക്കറ്റ് നേടിയ ഉദേ്യാഗാര്‍ത്ഥികള്‍, എയര്‍മെന്‍ റിക്രൂട്ട്‌മെന്റ് റാലികളില്‍ പങ്കെടുക്കുന്നതിന് യോഗ്യരാണെന്ന് സെന്‍ട്രല്‍ എയര്‍മെന്‍ സെലക്ഷന്‍ ബോര്‍ഡ് അറിയിച്ചു. വൊക്കേഷണല്‍ ഹയര്‍ സെക്കന്ററി പരീക്ഷാ ബോര്‍ഡിന് കൗണ്‍സില്‍ ഓഫ് ബോര്‍ഡ്‌സ് ഓഫ് സ്‌കൂള്‍ എഡ്യൂക്കേഷന്‍ ഇന്‍ ഇന്ത്യ (COBSE) യില്‍ അംഗത്വം ലഭിച്ചതിനാല്‍ പ്ലസ് ടു അടിസ്ഥാന യോഗ്യതയായി നിശ്ചയിച്ചിരിക്കുന്ന എല്ലാ ഉദേ്യാഗങ്ങള്‍ക്കും തുടര്‍ പഠനത്തിനും വി.എച്ച്.എസ്.ഇ സര്‍ട്ടിഫിക്കറ്റ് നേടിയ ഉദേ്യാഗാര്‍ത്ഥികള്‍ യോഗ്യരാണെന്ന് വി.എച്ച്.എസ്.ഇ ഡയറക്ടര്‍ അറിയിച്ചു.

എസ്.സി.ഇ.ആര്‍.ടിയുടെ സഹകരണത്തോടെ ഐ.ടി അറ്റ് സ്‌കൂള്‍ തയാറാക്കിയ 'സമഗ്ര' ചോദ്യജാലകം പോര്‍ട്ടലിന്റെ പ്രകാശനം മുഖ്യമന്ത്രി പിണറായി വിജയന്‍ നിര്‍വഹിച്ചു. അധ്യാപകരുടെ പങ്കാളിത്തത്തോടെ വികസിപ്പിക്കുന്ന ചോദ്യബാങ്കാണ് പോര്‍ട്ടലിന്റെ പ്രധാന നേട്ടം. മൂല്യനിര്‍ണയ പ്രക്രിയയില്‍ എല്ലാ അധ്യാപകര്‍ക്കും പങ്കാളിയാകാനുള്ള സൗകര്യമാണ് പോര്‍ട്ടല്‍ വഴി തയാറാക്കുന്നത്. പൊതുപരീക്ഷകള്‍ ഇനി അധ്യാപകരുടെ പങ്കാളിത്തത്തോടെ വികസിപ്പിക്കുന്ന ചോദ്യബാങ്ക് അടിസ്ഥാനമാക്കി ചിട്ടപ്പെടുത്താനാണ് തീരുമാനിച്ചിട്ടുള്ളത്.

സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണത്തിന്റെ ഭാഗമായി 4000 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം ആഗസ്റ്റ് എട്ടിന് മുംബൈ ഫോര്‍ട്ടിലുളള റിസര്‍വ് ബാങ്കില്‍ നടക്കും. ഇ-കുബേര്‍ സിസ്റ്റത്തിലൂടെയാണ് ഇടപാടുകള്‍. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്‌സൈറ്റായ www.finance.kerala.gov.in ല്‍ ലഭിക്കും. (വിജ്ഞാപന നമ്പര്‍ എസ്.എസ്.1/299/2017-ധനവകുപ്പ് തീയതി 04.08.2017).

പി.എന്‍.എക്‌സ്.3412/17

കേരള അഡ്മിനിസ്‌ട്രേറ്റീവ് സര്‍വീസിന്റെ സ്‌പെഷ്യല്‍ റൂള്‍ രൂപീകരണവുമായി ബന്ധപ്പെട്ട് 17ന് രാവിലെ 10.30ന് സെക്രട്ടേറിയറ്റ് ദര്‍ബാര്‍ ഹാളില്‍ ചീഫ് സെക്രട്ടറിയുടെ അധ്യക്ഷതയിലുളള കമ്മിറ്റി സര്‍വീസ് സംഘടനകളുമായി ചര്‍ച്ച നടത്തും. സര്‍വീസ് സംഘടനയില്‍ നിന്നും രണ്ട് പ്രതിനിധികള്‍ വീതം യോഗത്തില്‍ പങ്കെടുക്കണം. വിശദവിവരങ്ങള്‍ www.prd.kerala.gov.in, www.prd.kerala.gov.in എന്നീ വെബ്‌സെറ്റുകളില്‍ ലഭിക്കും. കൂടുതല്‍ വിവരങ്ങള്‍ക്ക് ഉദേ്യാഗസ്ഥഭരണ പരിഷ്‌ക്കാര എ ആര്‍ (12) വകുപ്പുമായി ബന്ധപ്പെടണം. ഫോണ്‍: 0471 2518668, 0471 2517075

പി.എന്‍.എക്‌സ്.3411/17

സംസ്ഥാന ജൈവവൈവിധ്യ ബോര്‍ഡില്‍ അസിസ്റ്റന്റ് കം-ക്യാഷ്യര്‍ തസ്തികയിലെ ഒഴിവിലേക്ക് സര്‍ക്കാര്‍ വകുപ്പുകള്‍/പൊതുമേഖലാ സ്ഥാപനങ്ങള്‍/ബോര്‍ഡുകള്‍/കോര്‍പ്പറേഷനുകള്‍/ഭരണസ്ഥാപനങ്ങള്‍ എന്നിവിടങ്ങളിലെ സ്ഥിരം ജീവനക്കാരില്‍ നിന്നും ഡെപ്യൂട്ടേഷന്‍ നിയമനത്തിന് അപേക്ഷ ക്ഷണിച്ചു. 31 നകം അപേക്ഷിക്കണം. വിശദവിവരങ്ങള്‍ക്ക് www.keralabiodiversity.org

പി.എന്‍.എക്‌സ്.3410/17

തിരു-കൊച്ചി മെഡിക്കല്‍ കൗണ്‍സിലില്‍ 10931 -ാം നമ്പര്‍ വരെ രജിസ്റ്റര്‍ ചെയ്തിട്ടുളള ഹോമിയോപ്പതി ഡോക്ടര്‍മാര്‍ക്ക് ഹോളോഗ്രാം പതിച്ച അതീവ സുരക്ഷാ സര്‍ട്ടിഫിക്കറ്റ് നല്‍കുന്നത് സംബന്ധിച്ച വിവരം www.medicalcouncil.kerala.gov.in ല്‍ നല്‍കിയിട്ടുണ്ടെന്ന് രജിസ്ട്രാര്‍ അറിയിച്ചു.

പി.എന്‍.എക്‌സ്.3409/17

എറണാകുളം മഹാരാജാസ് കോളേജില്‍ രസതന്ത്ര വിഭാഗത്തില്‍ ഒഴിവുള്ള എഫ്.ഐ.പി സബ്സ്റ്റിറ്റിയൂട്ട് അധ്യാപക നിയമനത്തിന് യു.ജി.സി നിബന്ധനകള്‍ പ്രകാരം അതാത് മേഖലാ കോളേജ് വിദ്യാഭ്യാസ വകുപ്പ് ഉപമേധാവിയുടെ കാര്യാലയത്തില്‍ എഫ്.ഐ.പി സബ്സ്റ്റിറ്റിയൂട്ട് നിയമനത്തിനുള്ള യോഗ്യതാ ലിസ്റ്റില്‍ ഉള്‍പ്പെട്ടവരില്‍ നിന്ന് അപേക്ഷ ക്ഷണിച്ചു. ഉദ്യോഗാര്‍ത്ഥികള്‍ ഒന്‍പതിന് രാവിലെ 11 മണിക്ക് നടക്കുന്ന അഭിമുഖത്തില്‍ പങ്കെടുക്കണമെന്ന് പ്രിന്‍സിപ്പാള്‍ അറിയിച്ചു.

പി.എന്‍.എക്‌സ്.3408/17

ജൈവവൈവിധ്യ സംരക്ഷണ രംഗത്തെ അനുകരണീയ പ്രവര്‍ത്തനങ്ങള്‍ക്ക് സംസ്ഥാന വനം വന്യജീവി വകുപ്പ് 2017-18 വര്‍ഷത്തില്‍ വനമിത്ര അവാര്‍ഡ് നല്‍കുന്നു. 25,000 രൂപയും ഫലകവുമാണ് അവാര്‍ഡ്. കണ്ടല്‍ക്കാടുകള്‍, കാവുകള്‍, ഔഷധസസ്യങ്ങള്‍, കാര്‍ഷികം, ജൈവവൈവിധ്യം മുതലായവ പരിരക്ഷിക്കുന്ന പ്രവര്‍ത്തനങ്ങള്‍ക്ക് ഓരോ ജില്ലയിലും ഒരു അവാര്‍ഡ് വീതം നല്‍കും.

തിരുവനന്തപുരം ജില്ലയിലെ കാവുകള്‍ സംരക്ഷിച്ച് പരിപാലിച്ച് വരുന്നതിന് 2017-18 വര്‍ഷത്തില്‍ സാമ്പത്തിക സഹായം നല്‍കുന്നതിന് സംസ്ഥാന വനം വന്യജീവി വകുപ്പ് അപേക്ഷ ക്ഷണിച്ചു. വ്യക്തികള്‍, ദേവസ്വം, ട്രസ്റ്റുകള്‍ എന്നിവയുടെ ഉടമസ്ഥതയിലുള്ള കാവുകള്‍ക്കാണ് ധനസഹായം. താല്പര്യമുള്ള കാവുടമസ്ഥര്‍ കാവിന്റെ വിസ്തൃതി, ഉടമസ്ഥത തെളിയിക്കുന്ന രേഖകള്‍ സഹിതം തിരുവനന്തപുരം രാജീവ്ഗാന്ധി നഗറിലെ (പി.റ്റി.പി) സോഷ്യല്‍ ഫോറസ്ട്രി വിഭാഗം അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍ക്ക് സെപ്റ്റംബര്‍ 15 വരെ അപേക്ഷ സമര്‍പ്പിക്കാം. കാവുസംരക്ഷണത്തിന് മുന്‍പ് ധനസഹായം ലഭിച്ചവര്‍ അപേക്ഷിക്കേണ്ടതില്ല.