സമ്മതിദായകരുടെ ദേശീയ ദിനാഘോഷത്തോടനുബന്ധിച്ച് ഒമ്പത് മുതല്‍ 12 വരെ ക്ലാസുകളിലെ വിദ്യാര്‍ഥികള്‍ക്ക് തെരഞ്ഞെടുപ്പും തെരഞ്ഞെടുപ്പ് പ്രക്രിയകളും എന്ന വിഷയത്തില്‍ ജില്ലാതല ക്വിസ് മത്സരം നടത്തി. 

കലോത്സവങ്ങള്‍ മാതാപിതാക്കളുടെയും അധ്യാപകരുടെയും മത്സരമായി മാറരുതെന്ന് ജലവിഭവ വകുപ്പ് മന്ത്രി മാത്യു ടി. തോമസ് പറഞ്ഞു. പത്തനംതിട്ട റവന്യു ജില്ല സ്കൂള്‍ കലോത്സവം തിരുമൂലപുരം എസ്എന്‍വിഎസ് ഹൈസ്കൂളില്‍  ഉദ്ഘാടനം ചെയ്തു  സംസാരിക്കുകയായിരുന്നു അദ്ദേഹം. 

    കേരള കര്‍ഷക തൊഴിലാളി ക്ഷേമനിധി ബോര്‍ഡിന്‍റെ പത്തനംതിട്ട ഓഫീസില്‍ 2010-11 സാമ്പത്തിക വര്‍ഷത്തെ അതിവര്‍ഷാനുകൂല്യം നല്‍കിവരുന്നു. 2010 ഏപ്രില്‍ മുതല്‍ 2011 മാര്‍ച്ച് വരെ അപേക്ഷ നല്‍കി ആനുകൂല്യം ലഭിക്കാനുള്ള അപേക്ഷകര്‍ 0468 2327415 എന്ന നമ്പരില്‍ ബന്ധപ്പെടണം.   
       (പിഎന്‍പി 3657/17)     

    പത്തനംതിട്ട നഗരസഭയില്‍ ജനകീയാസൂത്രണ പദ്ധതിയില്‍ പട്ടികജാതി വനിതകള്‍ക്കുള്ള കോഴിവളര്‍ത്തല്‍ പദ്ധതിയിലേക്ക് അപേക്ഷിച്ചിട്ടുള്ള ഗുണഭോക്താക്കളുടെ യോഗം ഈ മാസം ഏഴിന് രാവിലെ 10ന് നഗരസഭയില്‍ നടക്കും. ഗുണഭോക്താക്കള്‍ യോഗത്തില്‍ പങ്കെടുക്കണമെന്ന് ചീഫ് വെറ്ററിനറി ഓഫീസര്‍ അറിയിച്ചു.                (പിഎന്‍പി 3656/17) 

കണ്ണൂര്‍ കലക്ടറേറ്റ് മൈതാനിയിലെ പാര്‍ക്കിംഗ് ഏരിയയോട് അനുബന്ധമായ വാണിജ്യ ആവശ്യങ്ങള്‍ക്ക് ഉപയോഗിക്കുന്ന ഭാഗം 2017 ഡിസംബര്‍ 10 മുതല്‍ 2018 ജനുവരി 31 വരെ വാണിജ്യപരമായ ആവശ്യങ്ങള്‍ക്ക് പാട്ടവ്യവസ്ഥയില്‍ ആവശ്യമുള്ളവര്‍ ഡിസംബര്‍ 7 ന് 3 മണിക്ക് മുമ്പ് അപേക്ഷ കണ്ണൂര്‍ ജില്ലാ കലക്ടര്‍ക്ക് സമര്‍പ്പിക്കണം.  പ്രതിദിനം കുറഞ്ഞ തുകയായി 7000 രൂപ നിശ്ചയിച്ചിട്ടുണ്ട്.  
പി എന്‍ സി/4589/2017

    കുടുംബശ്രീയുടെയും ജില്ലാ ഭരണകൂടത്തിന്‍റെയും ആഭിമുഖ്യത്തില്‍ പ്ലസ് വണ്‍ വിദ്യാര്‍ഥികള്‍ക്ക് നല്‍കുന്ന കരിയര്‍ വികസന പരിശീലനത്തിന്‍റെ ഈ മാസത്തെ ക്ലാസ് ഒമ്പതിന് രാവിലെ 9.30 മുതല്‍ കളക്ടറേറ്റ് കോണ്‍ഫറന്‍സ് ഹാളില്‍ നടക്കും. സൗജന്യ പരിശീലനത്തില്‍ പങ്കെടുക്കാന്‍ താത്പര്യമുള്ളവര്‍ 0468 2221807, 9447892142 എന്നീ നമ്പരുകളില്‍ രജിസ്റ്റര്‍ ചെയ്യണം. അര്‍ഹരായ വിദ്യാര്‍ഥികള്‍ക്ക് യാത്രാബത്ത ലഭിക്കും. 
                                                (പിഎന്‍പി 3655/17) 

 വിദ്യാര്‍ഥികളില്‍ ചരിത്രാവബോധവും പൈതൃകാഭിമുഖ്യവും വളര്‍ത്തുന്നതിനായി സംസ്ഥാന ആര്‍ക്കൈവ്‌സ് വകുപ്പ് സംഘടിപ്പിക്കുന്ന ചരിത്രക്വിസ് മത്സരം 'കേരള ചരിത്ര സമസ്യ'യുടെ സംസ്ഥാനതല മെഗാഫൈനല്‍ നാളെ (ഡിസംബര്‍ 5) കണ്ണൂര്‍ ചേംബര്‍ ഓഫ് കോമേഴ്‌സ് ഹാളില്‍ നടക്കും. കോഴിക്കോട്, എറണാകുളം, തിരുവനന്തപുരം എന്നീ മൂന്ന് മേഖലകളില്‍നിന്നായി ഒമ്പത് ടീമുകളാണ് മത്സരത്തില്‍ മാറ്റുരയ്ക്കുക. മേഖലാതല മത്സരങ്ങളില്‍ ഒന്ന്, രണ്ട്, മൂന്ന് സ്ഥാനം നേടിയവരാണ് പങ്കെടുക്കുന്നത്. വിജയികള്‍ക്ക് ഉച്ച 12.30ന് നടക്കുന്ന ചടങ്ങില്‍ തുറമുഖ, മ്യൂസിയം, ആര്‍ക്കൈവ്‌സ് വകുപ്പ് മന്ത്രി രാമചന്ദ്രന്‍ കടന്നപ്പള്ളി സമ്മാനം വിതരണം ചെയ്യും.