ബംഗാള്‍ ഉള്‍ക്കടലില്‍ രൂപപ്പെട്ട ഓഖി ചുഴലിക്കാറ്റിനെ തുടര്‍ന്ന് സംസ്ഥാനത്ത് പലഭാഗത്തും കനത്ത മഴയ്ക്കും കാറ്റിനും സാധ്യതയുളളതായി മുന്നറിയിപ്പുണ്ട്. അപകട സാധ്യതയുളളതിനാല്‍ അടുത്ത 24 മണിക്കൂര്‍ സമയത്തേക്ക് മത്സ്യത്തൊഴിലാളികള്‍ കടലില്‍ പോകരുതെന്ന് ഫിഷറീസ് കണ്‍ട്രോള്‍ റൂമില്‍ നിന്ന് അറിയിച്ചു. അടിയന്തര സാഹചര്യത്തില്‍ കണ്ണൂര്‍ ഫിഷറീസ് സ്റ്റേഷനില്‍ ആരംഭിച്ചിട്ടുളള 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുമായി ബന്ധപ്പെടണം. ഫോണ്‍: 0497 2732487, 9447141193, 9496007039.
പി എന്‍ സി/4572/2017

ജില്ലാ പദ്ധതി രൂപീകരണവുമായി ബന്ധപ്പെട്ട യോഗം ഡിസംബര്‍ അഞ്ചിന് കലക്ടറേറ്റ് കോണ്‍ഫറന്‍സ് ഹാളില്‍ ചേരും. പദ്ധതി റിപ്പോര്‍ട്ടും പവര്‍ പോയിന്റിനുളള സോഫ്റ്റ് കോപ്പിയും ഉപസമിതി കണ്‍വീനര്‍മാര്‍ ഡിസംബര്‍ നാലിന് ജില്ലാ പ്ലാനിംഗ് ഓഫീസില്‍ നല്‍കേണ്ടതാണ്.
 

    ശബരിമല തീര്‍ഥാടനം  പ്രമാണിച്ച് ഇന്ന് (2ന്) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    ട്രാവന്‍കൂര്‍  മെഡിക്കല്‍സ് പത്തനംതിട്ട, വട്ടത്തറയില്‍ ഡ്രഗ് ഹൗസ് കോഴഞ്ചേരി, കുതിരപ്പന്തിയില്‍ മെഡിക്കല്‍സ് മങ്ങാരം കോന്നി, ജെ ജെ മെഡിക്കല്‍സ് അടൂര്‍, വള്ളികുന്നേല്‍   മെഡിക്കല്‍സ് കുളനട, ജയ മെഡിക്കല്‍സ് കാവുംഭാഗം തിരുവല്ല, ചള്ളുമാട്ട് മെഡിക്കല്‍സ് പഴവങ്ങാടി റാന്നി. പടിഞ്ഞാറെ മണ്ണില്‍ മെഡിക്കല്‍സ് റാന്നി പെരുനാട്.                                                                       (38/17)

 ക്രിസ്മസ്-പുതുവത്സരാഘോഷങ്ങളോടനുബന്ധിച്ച് വ്യാജമദ്യത്തിന്റെയും മയക്കു മരുന്നുകളുടെയും കള്ളക്കടത്തും വിപണനവും സംഭരണവും തടയുന്നതിന് ഡിസംബര്‍  5 മുതല്‍ ജനുവരി 5 വരെ സ്‌പെഷ്യല്‍ എന്‍ഫോഴ്‌സ്‌മെന്റ്  ഡ്രൈവ്  പ്രഖ്യാപിച്ചു. ഇതിന്റെ ഭാഗമായി ജില്ലാതല കണ്‍ട്രോള്‍ റൂമുകള്‍, താലൂക്ക്തല സ്‌ട്രൈക്കിംഗ് ഫോഴ്‌സുകള്‍, ബോര്‍ഡര്‍ പട്രോളിംഗ് എന്നിവയുടെ ആരംഭിക്കുമെന്ന് ഡെപ്യൂട്ടി എക്‌സൈസ് കമ്മീഷണര്‍ അറിയിച്ചു.

    സമ്പൂര്‍ണ എലിനശീകരണ നിവാരണ പദ്ധതി പ്രകാരം മെഴുവേലി ഗ്രാമപഞ്ചായത്ത് കൃഷിഭവനില്‍ നിന്നും സൗജന്യമായി എലിവിഷം വിതരണം ചെയ്യും. സൂക്ഷ്മ മൂലകം (മഗ്നീഷ്യം സള്‍ഫേറ്റ്) ആവശ്യമുള്ള വാഴ, തെങ്ങ് കര്‍ഷകര്‍ കൃഷിഭവനുമായി ബന്ധപ്പെടണം. 
                                            (പിഎന്‍പി 3647/17)

 തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളിയുടെ 2016-17 വര്‍ഷത്തെ എം.എല്‍.എമാര്‍ക്കുള്ള പ്രത്യേക വികസന നിധിയില്‍നിന്ന് മൂന്നര ലക്ഷം രൂപ കണ്ണൂര്‍ കോര്‍പറേഷന്‍ ചേലോറ സോണ്‍ പള്ളിപ്പൊയില്‍ ഡിവിഷനിലെ കാപ്പാട് വായനശാല (സംഗമം ലൈബ്രറി) കെട്ടിട നിര്‍മാണ പ്രവൃത്തിക്ക് വിനിയോഗിക്കുന്നതിന് ജില്ലാ കളക്ടര്‍ ഭരണാനുമതി നല്‍കി.

തെയ്യക്കാലത്തിന് മേളക്കൊഴുപ്പും വര്‍ണത്തിളക്കവും പകര്‍ന്ന് കേരളഭാഷാ ഇന്‍സ്റ്റിറ്റ്യൂട്ട് പയ്യന്നൂര്‍ ഗാന്ധിപാര്‍ക്കില്‍ 5 ദിവസങ്ങളിലായി സംഘടിപ്പിക്കുന്ന പുസ്തകോത്സവം  ഡിസംബര്‍ 3ന് തുടങ്ങും.
പുസ്തകോത്സവത്തിന്റെ ഉല്‍ഘാടനവും, ഡോ.വി.ലിസിമാത്യു രചിച്ച് ഇന്‍സ്റ്റിറ്റ്യൂട്ട് പ്രസിദ്ധീകരിച്ച 'കതിവന്നൂര്‍ വീരന്‍' മലകയറിയ ദൈവം ചുരമിറങ്ങിയ മനുഷ്യന്‍ (2-ാം പതിപ്പ്) എന്ന ഗ്രന്ഥത്തിന്റെ പ്രകാശനവും സി. കൃഷ്ണന്‍ എം എല്‍ എ  നിര്‍വഹിക്കും. തെയ്യം സെമിനാര്‍, തെയ്യംഫോട്ടോപ്രദര്‍ശനം എന്നിവയുടെ ഉല്‍ഘാടനവും മുഖ്യപ്രഭാഷണവും പ്രശസ്തനോവലിസ്റ്റ് എന്‍. പ്രഭാകരന്‍ നിര്‍വഹിക്കും.

    ജില്ലയില്‍ വിദ്യാഭ്യാസ വകുപ്പില്‍ യുപി സ്കൂള്‍ അസിസ്റ്റന്‍റ് (മലയാളം മീഡിയം) (ബൈ ട്രാന്‍സ്ഫര്‍) തസ്തികയിലേക്കുണ്ടായിരുന്ന റാങ്ക് പട്ടിക കാലാവധി പൂര്‍ത്തിയായതിനാല്‍ റദ്ദായതായി ജില്ലാ പിഎസ്സി ഓഫീസര്‍ അറിയിച്ചു.               (പിഎന്‍പി 3246/17)

കോഴിക്കോട് ഗവ. എഞ്ചിനീയറിങ്ങ് കോളേജില്‍ ടെക്യുപ് പ്രൊജക്ടിന്റെ നടത്തിപ്പിനായുളള ക്ലാര്‍ക്ക് കം ജൂനിയര്‍ അക്കൗണ്ടന്റിന്റെ  താല്‍ക്കാലിക ഒഴിവിലേക്കായി   സ്റ്റാഫിനെ നിയമിക്കുന്നതിനായി ഡിസംബര്‍ 12 ന്  രാവിലെ 10 മണിക്ക് ഇന്റര്‍വ്യൂ നടത്തും. യോഗ്യത : ബി.കോം വിത് കംമ്പ്യൂട്ടര്‍ ആപ്‌ളിക്കേഷന്‍/ബി.കോമും ഡി.സി.എ അല്ലെങ്കില്‍ തത്തുല്യമായതും. എക്‌സ്‌ടെണലി എയിഡഡ് പ്രൊജക്ടുകളില്‍ പ്രവൃത്തി പരിചയം അഭികാമ്യം.  താല്‍പര്യമുളളവര്‍ യോഗ്യതയും, പ്രവര്‍ത്തിപരിചയവും തെളിയിക്കുന്ന ശരിപകര്‍പ്പ് രേഖകളുമായി ഡിസംബര്‍ 12 ന് ഹാജരാവണം. ഫോണ്‍ : 0495-2383220.