കാക്കനാട്: കോട്ടയം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (സോഷ്യല്‍ സ്റ്റഡീസ്) മലയാളം മീഡിയം (കാറ്റഗറി നമ്പര്‍ 660/12) തസ്തികയിലേക്കുള്ള ഇന്റര്‍വ്യൂവിന് അര്‍ഹരായവരുടെ ചുരുക്കപ്പട്ടിക പ്രസിദ്ധീകരിച്ചു. വിശദവിവരങ്ങള്‍ പിഎസ്‌സി വെബ്‌സൈറ്റില്‍. www.keralapsc.gov.in
  

കാക്കനാട്: കോട്ടയം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (മാത്തമാറ്റിക്‌സ്) മലയാളം മീഡിയം (കാറ്റഗറി നമ്പര്‍ 661/12) തസ്തികയിലേക്കുള്ള ഇന്റര്‍വ്യൂവിന് അര്‍ഹരായവരുടെ ചുരുക്കപ്പട്ടിക പ്രസിദ്ധീകരിച്ചു. വിശദവിവരങ്ങള്‍ പിഎസ്‌സി വെബ്‌സൈറ്റില്‍. www.keralapsc.gov.in
 

ചാവക്കാട് താലൂക്കിലെ ഒരുമനയൂര്‍-ചേറ്റുവ പ്രദേശത്തെ കണ്ടല്‍ വനം റിസര്‍വ്വ് വനമായി പ്രഖ്യാപിക്കുന്നു. ചേറ്റുവ പുഴയില്‍ ചുറ്റപ്പെട്ട് കിടക്കുന്ന സര്‍വെ നമ്പര്‍ 256/പി 3.3853 സെക്ടര്‍ പ്രദേശമാണ് റിസര്‍വ്വ് വനമായി പ്രഖ്യാപിക്കുന്നത്. ഇത് കൊണ്ട് തന്നെ ഈ ഭാഗത്തെ ഭൂമിയിലേക്ക് അവകാശവാദമുന്നയിക്കാനോ കൃഷി നടത്താനോ, കാട് വെട്ടിതെളിക്കാനോ പാടുളളതല്ല.

അവകാശവാദം ഉന്നയിക്കുന്നവരോ ആക്ഷേപമുളളവരോ ഉണ്ടെങ്കില്‍ ആറ് മാസത്തിനുളളില്‍ ആവശ്യമായ രേഖകള്‍ സഹിതം അപേക്ഷ നല്‍കണമെന്ന് സബ് കളക്ടര്‍ അറിയിച്ചു. അതിന് ശേഷം നല്‍കുന്ന അപേക്ഷകള്‍ പരിഗണിക്കുന്നതല്ല.
 

കാക്കനാട്: കണ്ണൂര്‍ ജില്ലയില്‍ ആരോഗ്യവകുപ്പില്‍ സ്റ്റാഫ് നഴ്‌സ് ഗ്രേഡ് 2 (എന്‍സിഎ എസ്‌ഐയുസി നാടാര്‍ കാറ്റഗറി നമ്പര്‍-442/15) തസ്തികയുടെ തിരഞ്ഞെടുപ്പിനുള്ള ഇന്റര്‍വ്യൂ ഇന്ന (നവംബര്‍ 17) രാവിലെ 10ന് കണ്ണൂര്‍ ജില്ല പിഎസ്‌സി ഓഫീസില്‍ നടക്കും.

പിഎസ്‌സി ഇന്റര്‍വ്യൂ

കാക്കനാട്: കാസര്‍ഗോഡ് ജില്ലയില്‍ ഹോമിയോപ്പതി വകുപ്പില്‍ നഴ്‌സ് ഗ്രേഡ് 2 തസ്തികയിലേക്ക് യോഗ്യത തെളിയിച്ചവര്‍ക്കുള്ള ഇന്റര്‍വ്യൂ കാസര്‍ഗോഡ് ജില്ല പി എസ് സി ഓഫീസില്‍ നവംബര്‍ 22, 23 തീയതികളില്‍ നടക്കും.

മനുഷ്യാവകാശ കമ്മീഷന്‍ സിറ്റിംഗ് ഇന്ന് (നവംബര്‍ 17) രാവിലെ 11 ന് തൃശൂര്‍ റസ്റ്റ് ഹൗസില്‍ നടത്തും.
 

കാക്കനാട്: വിമുക്തഭടന്മാരുടെ പുനരധിവാസത്തിനായി ഡയറക്ടര്‍ ജനറല്‍ റീസെറ്റില്‍മെന്റ് നവംബര്‍ 25 ന് മുംബൈയിലെ കൊളാബ മിലിറ്ററി സ്‌റ്റേഷനിലെ ഐഎന്‍എച്ച്എസ് അശ്വിനിക്ക് എതിര്‍വശത്തുള്ള ഗാരിസണ്‍ ബറ്റാലിയന്‍ ഗ്രൗണ്ടില്‍ എംപ്ലോയ്‌മെന്റ് സെമിനാര്‍ സംഘടിപ്പിക്കുന്നു. സ്‌പോട്ട് ഇന്റര്‍വ്യൂവിന് ഹാജരാകുന്നവര്‍ വിമുക്തഭട തിരിച്ചറിയല്‍ കാര്‍ഡും ആധാര്‍ കാര്‍ഡും അവശ്യ രേഖകളും ഹാജരാക്കണം. കൂടുതല്‍ വിവരങ്ങള്‍ക്ക് ബന്ധപ്പെടുക. 01126192356, 26171456. ഇമെയില്‍ - dirsedgr@desw.gov.in
 

കരാര്‍ ജീവനക്കാര്‍ ജോലി ചെയ്ത കാലയളവിലുള്ള നിയമാനുസൃത ആനുകൂല്യങ്ങള്‍ക്ക് അര്‍ഹരാണെന്ന് സംസ്ഥാന മനുഷ്യാവകാശ കമ്മീഷന്‍. പരാതിക്കാരനുംസാക്ഷരതാമിഷനില്‍ തൃശൂര്‍ ജില്ലാ അസിസ്റ്റന്റ് കോ-ഓര്‍ഡിനേറ്ററുമായിരുന്ന  എ.ജി പല്‍പ്പുവിനോട് വിവേചനപരമായ സമീപനം ഉണ്ടാകാന്‍    പാടില്ലെന്നും കമ്മീഷന്‍ അംഗം കെ. മോഹന്‍കുമാര്‍ ഉത്തരവില്‍ പറഞ്ഞു. 2003 മുതല്‍ 14 വര്‍ഷം തൃശൂര്‍ ജില്ലാ സാക്ഷരതാമിഷനില്‍ അസിസ്റ്റന്റ് കോ-ഓര്‍ഡിനേറ്ററായിരുന്ന എ.ജി പല്‍പ്പു 2017 ഫെബ്രുവരിയില്‍ ജോലിയില്‍ നിന്നും പിരിച്ചുവിട്ടു.  ഇ.പി.എഫ്,  റ്റി.എ,  സറണ്ടര്‍ ആനുകൂല്യങ്ങള്‍ നല്‍കിയില്ല.

മൈക്രോ ഫാസിസം അഥവാ സൂക്ഷ്മതലങ്ങളില്‍ ഇടപെടുന്ന ഫാസിസത്തിന്റെ ലക്ഷണങ്ങളാണ് ഇന്ത്യന്‍ സാമൂഹ്യവ്യവസ്ഥയില്‍ പ്രകടമാകുന്നതെന്നും മൈക്രോ ഫാസിസവും മാഫിയ മൂലധനവും ചേരുമ്പോള്‍ ഇരകളാവുന്നത്. റിപ്പോര്‍ട്ടര്‍മാരാണെന്നും കാലിക്കറ്റ് സര്‍വ്വകലാശാല ഇ.എം.എം.ആര്‍.സി ഡയറക്ടര്‍ ദാമോദര്‍ പ്രസാദ് പറഞ്ഞു. ദേശീയ മാധ്യമ ദിനാചരണത്തിന്റെ ഭാഗമായി ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പും തൃശൂര്‍ പ്രസ് ക്ലബും ചേര്‍ന്ന് സംഘടിപ്പിച്ച മാധ്യമങ്ങളും ഭരണനിര്‍വ്വഹണവും എന്ന സെമിനാറില്‍ വിഷയാവതരണം നടത്തുകയായിരുന്നു അദ്ദേഹം. ജനാധിപത്യത്തേയും സഹിഷ്ണുതയേയും എതിര്‍ക്കുക എന്നതാണ് മൈക്രോ ഫാസിസത്തിന്റെ രീതി.

കൊച്ചി: കേന്ദ്ര- സംസ്ഥാന സര്‍ക്കാരുകള്‍ നടപ്പാക്കുന്ന ആരോഗ്യ ഇന്‍ഷുറന്‍സ് പദ്ധതിയില്‍ അംഗങ്ങളാകുന്നതിന് നവംബര്‍ 20 വരെ അക്ഷയ കേന്ദ്രങ്ങള്‍ വഴി അപേക്ഷ സമര്‍പ്പിക്കാം. റേഷന്‍ കാര്‍ഡ് ഇല്ലാത്തവര്‍ക്കും ഗുണഭോക്താക്കളാകാം. പട്ടികജാതി/വര്‍ഗ വിഭാഗങ്ങളില്‍ പെടുന്ന വിവിധ ക്ഷേമനിധിയില്‍ ഉള്‍പ്പെട്ടവര്‍ മറ്റ് അര്‍ഹ വിഭാഗങ്ങള്‍ തുടങ്ങിയവര്‍ക്ക് രേഖകള്‍ സഹിതം തൊട്ടടുത്ത അക്ഷയ കേന്ദ്രങ്ങളെ സമീപിക്കാം.

ഇന്ത്യന്‍ തിരഞ്ഞെടുപ്പ് കമ്മീഷന്റെ ഉത്തരവുപ്രകാരം 9 മുതല്‍ 12 ക്ലാസ്സുകളിലെ വിദ്യാര്‍ത്ഥികള്‍ക്കായി ഇലക്ഷനും ഇലക്ഷന്‍ നടപടിക്രമങ്ങളും എന്ന വിഷയത്തില്‍ നടത്തുന്ന അഖിലഭാരത ക്വിസ് മത്സരത്തിന്റെ ഭാഗമായി ജില്ലാതല മത്സരം സംസ്ഥാന ഇലക്ടറല്‍ രജിസ്‌ട്രേഷന്‍ ഓഫീസറുടെ നിര്‍ദ്ദേശപ്രകാരം ഡിസംബര്‍ 1 ന് നടത്തും.