കേരള സംസ്ഥാന പിന്നാക്ക വിഭാഗ കമ്മീഷൻ മാർച്ച് 18 രാവിലെ 11ന് തിരുവനന്തപുരം വെള്ളയമ്പലം അയ്യൻകാളി ഭവനിലുള്ള കമ്മീഷന്റെ കോർട്ട് ഹാളിൽ സിറ്റിങ് നടത്തും. വീരശൈവ എന്ന വിഭാഗത്തിന് ആനുകൂല്യങ്ങൾ നിഷേധിക്കുന്നതായി ചൂണ്ടിക്കാട്ടിയുള്ള പരാതി, കോനാർ വിഭാഗത്തെ സംസ്ഥാന ഒ.ബി.സി.

ഒറ്റപ്പാലം ശിശുവികസനപദ്ധതി ഓഫീസ്, ഒറ്റപ്പാലം പ്രൊജക്ടിന് കീഴില്‍ പത്ത് അങ്കണവാടികളിലേക്ക് സക്ഷം പദ്ധതി പ്രകാരം ഇ.സി.സി.ഇ ലേണിങ് മെറ്റീരിയല്‍സ് വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ടെന്‍ഡറുകള്‍ മാര്‍ച്ച് 16ന് ഉച്ചയ്ക്ക് 12 വരെ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍: 0466 2245627, 8138813129.

1995 ജനുവരി ഒന്ന് മുതല്‍ 2024 ഡിസംബര്‍ 31 വരെ വിവിധ കാരണങ്ങളാല്‍ എംപ്ലോയ്മെന്റ് രജിസ്ട്രേഷന്‍ പുതുക്കാത്ത സീനിയോരിറ്റി നഷ്ടപ്പെട്ട വിമുക്തഭടന്മാരായ ഉദ്യോഗാര്‍ത്ഥികള്‍ക്ക് രജിസ്ട്രേഷന്‍ പുതുക്കാന്‍ അവസരം. 2026 ഏപ്രില്‍ 30 വരെ പുതുക്കാമെന്ന് ജില്ലാ സൈനികക്ഷേമ ഓഫീസര്‍ അറിയിച്ചു.

ജില്ലാ ആശുപത്രിയിലെ മാനസിക ആരോഗ്യ വിഭാഗം, ജില്ലാ മാനസിക ആരോഗ്യ പരിപാടിയുടെ ഭാഗമായി ധോണിയിലെ ഡേ കെയര്‍ സെന്ററിലേക്ക് പ്രതിദിനം രോഗികള്‍ക്ക് ഉച്ച ഭക്ഷണവും ലഘു ഭക്ഷണം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മാര്‍ച്ച് 21 ഉച്ചയ്ക്ക് രണ്ട് വരെ സ്വീകരിക്കും. അന്നേദിവസം മൂന്നിന് ക്വട്ടേഷന്‍ തുറന്ന് പരിശോധിക്കും. ഫോണ്‍: 04912533327

വനിത ശിശു വികസന വകുപ്പിന് കീഴില്‍ ആലത്തൂര്‍ ഐ.സി.ഡി.എസ് പ്രൊജക്ട് ഓഫീസ് പരിധിയില്‍ പത്ത് അങ്കണവാടികളിലേക്ക് സക്ഷം അങ്കണവാടി നവീകരണ പദ്ധതി 2024-25 ന്റെ  ഭാഗമായി മിനി ഫ്രിഡ്ജ്, സ്മാര്‍ട്ട് ടി.വി, സ്റ്റീല്‍ കണ്ടയ്നര്‍, സ്റ്റീല്‍ റാക്ക്, കിച്ചണ്‍ റാക്ക്, കുക്കര്‍ എന്നിവ വിതരണം ചെയ്യുന്നതിനും ബാല പെയിന്റിങ് ചെയ്യുന്നതിനും താല്‍പര്യമുള്ളവരില്‍ നിന്ന് ടെന്‍ഡര്‍ ക്ഷണിച്ചു. ടെന്‍ഡറുകള്‍ മാര്‍ച്ച് 16 പകല്‍ 11.30 വരെ സ്വീകരിക്കും. അന്നേ ദിവസം ഉച്ചയ്ക്ക് ഒന്നിന് ടെന്‍ഡര്‍ തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 04922- 225747, 9188959759

കെ.എസ്.ആര്‍.ടി.സി - വിത്തുണ്ണി റോഡില്‍ ടാറിങ് പ്രവൃത്തി നടത്തുന്നതിനാല്‍ ഇന്ന് (മാര്‍ച്ച് 14)മുതല്‍ പ്രവൃത്തി തീരുന്നത് വരെ വാഹന ഗതാഗതം പൂര്‍ണമായി നിരോധിച്ചതായി പൊതുമരാമത്ത് വകുപ്പ് നിരത്ത് സെക്ഷന്‍ നമ്പര്‍ 1 അസി. എഞ്ചിനീയര്‍ അറിയിച്ചു.

ആലത്തൂര്‍ താലൂക്കില്‍ കോട്ടായി ശ്രീ ചിമ്പ ദേവസ്വം, ശ്രീ ചെമ്പ്രക്കുളം അയ്യപ്പന്‍ ക്ഷേത്രത്തില്‍ തികച്ചും സന്നദ്ധ സേവനത്തിനായി ട്രസ്റ്റിമാരെ നിയമിക്കുന്നു. താല്‍പര്യമുള്ള ഹിന്ദുമത വിശ്വാസികള്‍ ഏപ്രില്‍ നാലിന് വൈകീട്ട് അഞ്ചിനുള്ളല്‍ മലബാര്‍ ദേവസ്വം ബ്രോര്‍ഡ് പാലക്കാട് അസി. കമ്മീഷണര്‍ക്ക് അപേക്ഷ ലഭ്യമാക്കണം. അപേക്ഷാ ഫോം അസി. കമ്മീഷണര്‍ ഓഫീസില്‍ നിന്നും
 www.malabardevaswom.kerala.gov.in  ലും ലഭിക്കും. കൂടുതല്‍ വിവരങ്ങള്‍ക്ക് ഫോണ്‍: 0491 2505777.

ജില്ലാ സൈനിക് വെല്‍ഫയര്‍ ഓഫീസ് വഴി അടുത്ത അധ്യയന വര്‍ഷത്തേക്കുള്ള സൗജന്യ നൈപുണ്യ വികസന പരിശീലനത്തിന് അപേക്ഷ ക്ഷണിച്ചു.
മികച്ച തൊഴിലവസരങ്ങള്‍ ലഭ്യമാക്കുക എന്ന ലക്ഷ്യത്തോടെ കേരള സര്‍ക്കാര്‍ പൊതുമേഖലാ സ്ഥാപനമായ കെല്‍ട്രോണിന്റെ പാലക്കാട് നോളേജ് സെന്ററിലാണ് ക്ലാസുകള്‍ സംഘടിപ്പിക്കുന്നത്. മാര്‍ച്ച് 18 വരെ അപേക്ഷിക്കാം. താല്‍പ്പര്യമുള്ളവര്‍ കൂടുതല്‍ വിവരങ്ങള്‍ക്ക് പാലക്കാട് ജില്ലാ സൈനിക് വെല്‍ഫെയര്‍ ഓഫീസുമായി നേരിട്ടോ ഫോണ്‍ മുഖേനയോ 0491-2971633 ബന്ധപ്പെടേണ്ടതാണ്.

തൃത്താല മണ്ഡലത്തിൽ മുഖ്യമന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിയിൽ ഉൾപ്പെടുത്തി അഞ്ച് റോഡുകൾക്ക് കൂടി ഭരണാനുമതിയായി.90 ലക്ഷം രൂപയാണ് അഞ്ചു റോഡുകൾക്കായി അനുവദിച്ചിട്ടുള്ളത്. ഇതോടെ മുഖ്യമന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിയിൽ മാത്രമായി മണ്ഡലത്തിൽ നിർമ്മാണം നടത്തുന്ന റോഡുകളുടെ എണ്ണം 60 ആയി.