കണ്ണൂര്‍ സര്‍വ്വകലാശാലയിലെ വിവിധ വകുപ്പുകളിലെയും സെന്ററുകളിലെയും യു.ജി/പി.ജി പ്രവേശനത്തിന് ഓണ്‍ലൈനായി അപേക്ഷിക്കാനുള്ള തീയതി നീട്ടി. ജൂണ്‍ 13ന് വൈകിട്ട് അഞ്ച് വരെ അപേക്ഷിക്കാം. പ്രോസ്‌പെക്ടസ് ഉള്‍പ്പെടെ കൂടുതല്‍ വിവരങ്ങള്‍ admissions.kannuruniversity.ac.in ല്‍ ലഭ്യമാണ്.
ഫോണ്‍: 0497-2766388, 7356948230

വള്ളിക്കോട് ഗ്രാമപഞ്ചായത്തില്‍ മഴക്കാലപൂര്‍വ പ്രവര്‍ത്തനങ്ങളുടെ ഭാഗമായി മുഴിക്കല്‍ ജംഗ്ഷന്‍ മുതല്‍ താഴൂര്‍ പമ്പ് ഹൗസ് വരെ ശുചീകരണം നടത്തി. ഗ്രാമപഞ്ചായത്ത് പ്രസിഡന്റ് ബീന സോമന്‍ ഉദ്ഘാടനം ചെയതു. ബ്ലോക്ക് പഞ്ചായത്ത് പ്രസിഡന്റ് റോബിന്‍ പീറ്റര്‍, ഗ്രാമപഞ്ചായത്ത് വൈസ് പ്രസിഡന്റ്  ജോര്‍ജ് വര്‍ഗീസ്, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ പ്രസന്ന രാജന്‍, ബ്ലോക്ക് അംഗം എസ് സുമേഷ്, വാര്‍ഡ് അംഗം ആര്‍ മോഹനന്‍ നായര്‍, ഗ്രാമപഞ്ചായത്ത് സെക്രട്ടറി, അസിസ്റ്റന്റ് സെക്രട്ടറി, പഞ്ചായത്ത് ഉദ്യോഗസ്ഥര്‍, ഹരിതകര്‍മ സേനാംഗങ്ങള്‍, കുടുംബശ്രീ പ്രവര്‍ത്തകര്‍, ആരോഗ്യ പ്രവര്‍ത്തകര്‍ തുടങ്ങിയവര്‍ പങ്കെടുത്തു.

വെള്ളമുണ്ട ഗ്രാമ പഞ്ചായത്തിലെ കണ്ടത്തുവയല്‍, വാരാമ്പറ്റ, തരുവണ ഹോമിയോ ഡിസ്‌പെന്‍സറികളിലേക്കും പീച്ചാംങ്ങോട് ഐസിഡിഎസ്, വെള്ളമുണ്ട ഐടിഐ എന്നിവടങ്ങളിലേക്കും പാര്‍ട്ട് ടൈം ക്യാഷ്വല്‍ സ്വീപ്പര്‍ നിയമനത്തിനായി കുടുംബശ്രീ അംഗങ്ങളില്‍ നിന്നും അപേക്ഷ ക്ഷണിച്ചു. അപേക്ഷ ഫോറം കുടുംബശ്രീ ഓഫീസിലും നോട്ടീസ് ബോര്‍ഡിലും ലഭ്യമാണ്. ഉദ്യോഗാര്‍ത്ഥികള്‍ അപേക്ഷ ജൂണ്‍ ഏഴിന് വൈകിട്ട് അഞ്ചിനകം സി.ഡി.എസ് ഓഫീസില്‍ നല്‍കണം. ഫോണ്‍: 9562106327

കോളിയാടി -നെന്‍മേനി ഗ്രാമപഞ്ചായത്തിലെ വെറ്ററിനറി ഡിസ്‌പെന്‍സറിയ്ക്കു കീഴിലുള്ള പുത്തന്‍കുന്ന്, അമ്പുകുത്തി വെറ്ററിനറി സബ്‌സെന്ററുകളില്‍ താത്ക്കാലിക കാഷ്വല്‍ പി.ടി.എസ് നിയമനം നടത്തുന്നു. എസ്.എസ്.എല്‍.സി / തത്തുല്യം, കുടുംബശ്രീയില്‍  അംഗത്വം എന്നിവയാണ് യോഗ്യത. പ്രദേശവാസികള്‍ക്കും പ്രവൃത്തി പരിചയമുള്ളവര്‍ക്കും മുന്‍ഗണന.  ഉദ്യോഗാര്‍ത്ഥികള്‍ യോഗ്യത സര്‍ട്ടിഫിക്കറ്റുകളുടെ അസ്സല്‍, സാക്ഷ്യപ്പെടുത്തിയ പകര്‍പ്പ് എന്നിവ സഹിതം മെയ് 29ന് രാവിലെ 11.30ന് കോളിയാടി ഗ്രാമപഞ്ചായത്ത് ഓഫീസില്‍ കൂടിക്കാഴ്ചക്ക് എത്തണം.

കോളിയാടി - നെന്‍മേനി  ഗ്രാമപഞ്ചായത്തിലെ ചീരാല്‍, കോളിയാടി പ്രദേശങ്ങളില്‍ ശുചീകരണ പ്രവൃത്തികള്‍ നടത്തുന്നതിന് ദിവസവേതനാടിസ്ഥാനത്തില്‍ ഉദ്യോഗാര്‍ത്ഥികളെ തെരഞ്ഞെടുക്കുന്നു. എസ്.എസ്.എല്‍.സി / തത്തുല്യതയുമാണ് യോഗ്യത. പ്രദേശവാസികള്‍ക്കും പ്രവൃത്തി പരിചയമുള്ളവര്‍ക്കും മുന്‍ഗണന. ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകളുടെ അസ്സല്‍, സാക്ഷ്യപ്പെടുത്തിയ പകര്‍പ്പ് എന്നിവ സഹിതം മെയ് 29ന് രാവിലെ 10.30ന് കോളിയാടി പഞ്ചായത്ത് ഓഫീസില്‍ കൂടിക്കാഴ്ചക്കെത്തണം

മീനങ്ങാടി ഐ.എച്ച്.ആര്‍.ഡി മോഡല്‍ കോളേജില്‍ മലയാളം, ഇംഗ്ലീഷ്,  ഇലക്ട്രോണിക്‌സ്, മാത്തമാറ്റിക്‌സ് വിഷയങ്ങളില്‍ അസിസ്റ്റന്റ് പ്രൊഫസര്‍ നിയമനം നടത്തുന്നു. മലയാളം വിഷയത്തിന് മെയ് 29ന് രാവിലെ 11നും ഇംഗ്ലീഷിന് അന്നേ ദിവസം ഉച്ചക്ക് രണ്ടിനും അഭിമുഖം നടക്കും. ഇലക്ട്രോണിക്‌സ് അസിസ്റ്റന്റ് പ്രൊഫസര്‍ തസ്തികയിലേക്ക് മെയ് 30ന് രാവിലെ 11 നും മാത്തമാറ്റിക്‌സ് അസിസ്റ്റന്റ് പ്രൊഫസര്‍  തസ്തികയിലേക്ക് അന്നേ ദിവസം ഉച്ചക്ക് ഒന്നിനും അഭിമുഖം നടക്കും. ഫോണ്‍: 04936-246446, 8547005077

സ്‌കൂൾ വാഹനങ്ങളുടെ മൺസൂൺകാല സുരക്ഷാ പരിശോധന

ജില്ലയിലേ വിവിധ ആരോഗ്യ സ്ഥാപനങ്ങളിലേക്ക് അഡ്ഹോക്ക് വ്യവസ്ഥയില്‍ ഡോക്ടര്‍ നിയമനം നടത്തുന്നു. എം.ബി.ബി.എസ്, ടി.സി.എം.സി രജിസ്‌ട്രേഷനുമാണ് യോഗ്യത. ഉദ്യോഗാര്‍ത്ഥികള്‍ യോഗ്യത സര്‍ട്ടിഫിക്കറ്റുകളുടെ അസല്‍, സ്വയം സാക്ഷ്യപ്പെടുത്തിയ പകര്‍പ്പ്, ബയോഡാറ്റ എന്നിവ സഹിതം ജൂണ്‍ മാസം മുതല്‍ എല്ലാ തിങ്കളാഴ്ചകളിലും രാവിലെ 11ന് ജില്ലാ മെഡിക്കല്‍ ഓഫീസില്‍ നടക്കുന്ന വാക്ക് ഇന്‍ ഇന്റര്‍വ്യൂവില്‍ പങ്കെടുക്കണം. ഫോണ്‍: 04935 240390

അമ്പലവയല്‍ ഗ്രാമപഞ്ചായത്തില്‍ മെയ് 29ന് നടത്താനിരുന്ന ആശാവര്‍ക്കര്‍ നിയമനത്തിനായുള്ള അഭിമുഖം മാറ്റിവെച്ചതായി അധികൃതര്‍ അറിയിച്ചു. പുതുക്കിയ തീയതി പിന്നീട് അറിയിക്കും.

സംസ്ഥാന പട്ടികജാതി-പട്ടികവര്‍ഗ്ഗ വികസന കോര്‍പറേഷന്‍ നടപ്പാക്കുന്ന പത്ത് ലക്ഷം രൂപ വരെ വ്യക്തിഗത വായ്പ ലഭിക്കുന്ന പദ്ധതിയിലേക്ക് അപേക്ഷിക്കാം. സര്‍ക്കാര്‍, പൊതുമേഖലാ സ്ഥാപനങ്ങള്‍, സഹകരണ ബാങ്കുകള്‍ (ക്ലാസ് 1, ക്ലാസ് 2) എന്നിവിടങ്ങളില്‍ ജോലി ചെയ്യുന്ന മാനന്തവാടി താലൂക്ക് പരിധിയിലെ പട്ടികജാതി, പട്ടികവര്‍ഗ്ഗ വിഭാഗകാര്‍ക്ക് അപേക്ഷിക്കാം. താത്പര്യമുള്ളവര്‍ അപേക്ഷ ഫോറത്തിനും വിശദ വിവരങ്ങള്‍ക്കും പട്ടികജാതി-പട്ടികവര്‍ഗ്ഗ വികസന കോര്‍പറേഷന്റെ ജില്ലാ ഓഫീസുമായി ബന്ധപ്പെടണം. ഫോണ്‍- 04935 296512, 9188934102