ബിസില്‍ ട്രെയിനിംഗ് ഡിവിഷന്‍ നടത്തുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു. ഒരു വര്‍ഷം ദൈര്‍ഘ്യമുള്ള പി.ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ബിരുദം), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ്.എസ്.എല്‍.സി) തുടങ്ങിയ കോഴ്‌സുകളിലെ ഓണ്‍ലൈന്‍/ റെഗുലര്‍/ പാര്‍ട്ട് ടൈം ബാച്ചുകളിലേക്കാണ് അപേക്ഷ ക്ഷണിച്ചത്. കോഴ്സുകള്‍ വിജയകരമായി പൂര്‍ത്തിയാക്കുന്നവര്‍ക്ക് പ്ലേസ്‌മെന്റ് അസിസ്റ്റന്‍സ് ലഭിക്കും. കൂടുതല്‍ വിവരങ്ങള്‍ക്കായി ഫോണ്‍: 7994449314.

മേലാറ്റൂര്‍ പഞ്ചായത്തിലെ വെള്ളിയാര്‍ പുഴയ്ക്ക് കുറുകെ മണിയാണീരിക്കടവ് പാലത്തിന് താഴ്ഭാഗത്ത് കല്ലടയില്‍ നിര്‍മിച്ച ചെക്ക്ഡാമിന്റെ ഉദ്ഘാടനം 12ന് വൈകീട്ട് മൂന്നിന് ന്യൂനപക്ഷ ക്ഷേമ, കായിക,വഖഫ്, ഹജ്ജ് വകുപ്പ് മന്ത്രി വി. അബ്ദുറഹിമാന്‍ നിര്‍വഹിക്കും. ജലസേചന വകുപ്പ് മന്ത്രി റോഷി അഗസ്റ്റിന്‍ മുഖ്യസന്ദേശം നല്‍കും. ചടങ്ങില്‍ നജീബ് കാന്തപുരം എം.എല്‍.എ അധ്യക്ഷത വഹിക്കും. അഡ്വ. യു.എ. ലത്തീഫ് എം.എല്‍.എ മുഖ്യാതിഥിയാകും. ബ്ലോക്ക്, ഗ്രാമപഞ്ചായത്ത് അംഗങ്ങള്‍, രാഷ്ട്രീയ പാര്‍ട്ടി പ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.

റംസാന്‍, സാമ്പത്തിക വര്‍ഷാവസാനം എന്നിവ പ്രമാണിച്ച് കേരള ഖാദി ഗ്രാമ വ്യവസായ ബോര്‍ഡ് മാര്‍ച്ച് 11 മുതല്‍ മാര്‍ച്ച് 23 വരെ ഖാദി തുണിത്തരങ്ങളുടെ ചില്ലറ വില്‍പനയ്ക്ക് 30 ശതമാനം സ്‌പെഷ്യല്‍ റിബേറ്റ് അനുവദിച്ചു. ബോര്‍ഡിന്റെ ഖാദി ഗ്രാമ സൗഭാഗ്യ ശ്രീ വടക്കുംനാഥന്‍ ഷോപ്പിംഗ് കോംപ്ലക്‌സ് - വടക്കേ ബസ്സ്സ്റ്റാന്റിന് സമീപം, ഖാദി ഗ്രാമ സൗഭാഗ്യ പാലസ് റോഡ്, ഖാദി ഗ്രാമ സൗഭാഗ്യ ഒളരിക്കര എന്നിവിടങ്ങളിലും പാവറട്ടി, കേച്ചേരി, പൂവത്തൂര്‍ എന്നിവിടങ്ങളിലെ ഖാദി സൗഭാഗ്യകളിലും ജില്ലയിലെ വിവിധ ഗ്രാമശില്‍പകളിലും ഖാദി കോട്ടണ്‍, സില്‍ക്ക്, സ്പണ്‍ സില്‍ക്ക് തുണിത്തരങ്ങളുടെ വില്‍പനയ്ക്ക് റിബേറ്റ് ലഭിക്കും.

അതിക്രമങ്ങള്‍ നേരിടേണ്ടി വരുന്ന സ്ത്രീകള്‍ക്കും കുട്ടികള്‍ക്കും വേണ്ടി കേന്ദ്ര സര്‍ക്കാര്‍ സഹായത്തോടെ വനിത ശിശു വികസന വകുപ്പിന്റെ കീഴില്‍ പ്രവര്‍ത്തിക്കുന്ന സ്ഥാപനമാണ് സഖി വണ്‍ സ്റ്റോപ്പ് സെന്റര്‍. ഏതെങ്കിലും തരത്തില്‍ ഉള്ള മാനസീക, ശാരീരിക, ലൈംഗീക, സാമ്പത്തിക ചൂഷണങ്ങളോ മറ്റു പ്രശ്നങ്ങളോ നേരിടുന്ന സ്ത്രീകള്‍ക്ക് ഏത് സമയവും സഹായം തേടാവുന്നതാണ്.  24 മണിക്കൂറും പ്രവര്‍ത്തിക്കുന്ന വണ്‍ സ്റ്റോപ്പ് സെന്ററില്‍ കൗണ്‍സിലിങ്, നിയമോപദേശം, വൈദ്യ സഹായം, അഭയം തുടങ്ങിയ സേവനങ്ങളാണ് നല്‍കുന്നത്.

 തൃശ്ശൂര്‍ ജില്ലയില്‍ കോലഴിയില്‍ നിര്‍മ്മാണം പൂര്‍ത്തീകരിച്ച വീട് - ശിശുപരിചരണ കേന്ദ്രത്തിന്റെ ഉദ്ഘാടനം മാര്‍ച്ച് 13 ന് വൈകീട്ട് നാലിന് ഉന്നത വിദ്യാഭ്യാസ, സാമൂഹികനീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം ചെയ്യും. കോലഴി കൈതച്ചാലില്‍ ആധുനിക സജ്ജീകരണങ്ങളോടെയാണ് വീട് - ശിശുപരിചരണ കേന്ദ്രം ഒരുക്കിയിരിക്കുന്നത്. ചടങ്ങില്‍ സേവ്യര്‍ ചിറ്റിലപ്പിള്ളി എം.എല്‍.എ അധ്യക്ഷനാകും. തൃശ്ശൂര്‍ ജില്ലാ പഞ്ചായത്ത് പ്രസിഡന്റ് മേരി തോമസ് മുഖ്യാതിഥിയായി പങ്കെടുക്കും. ജില്ലാ കളക്ടര്‍ ശിഖ സുരേന്ദ്രന്‍ ആദരവും അനുമോദനവും നിര്‍വ്വഹിക്കും. സംസ്ഥാന ശിശുക്ഷേമ സമിതി ജനറല്‍ സെക്രട്ടറി അഡ്വ.

തിരൂരില്‍ ഒറ്റപ്പെട്ട നിലയില്‍ കണ്ടെത്തിയ ഉത്തര്‍പ്രദേശിലെ വാരണാസി സ്വദേശിനിയായ ഷമീന/കമലേഷ് (53)ന് കുടുംബത്തിലേക്ക് തിരിച്ചെത്താനുള്ള വഴിയൊരുക്കി സഖി വണ്‍ സ്റ്റോപ്പ് സെന്റര്‍. ഫെബ്രുവരി 27 നാണ് തിരൂര്‍ സ്റ്റേഷന്‍ പരിധിയില്‍ നിന്നും കണ്ടെത്തിയ ഇവരെ മഞ്ചേരി ജയില്‍ സൂപ്രണ്ടിന്റെയും വനിതാ സംരക്ഷണ ഓഫീസറുടെയും നിര്‍ദ്ദേശപ്രകാരം സഖി വണ്‍ സ്റ്റോപ്പ് സെന്ററില്‍ എത്തിച്ചത്. തുടര്‍ന്ന് 181 ഹെല്‍പ്പ് ലൈന്‍ സഹായത്തോടെ ഉത്തര്‍പ്രദേശ് വണ്‍ സ്റ്റോപ്പ് സെന്ററുമായി ബന്ധപ്പെട്ട് ഷമീനയുടെ ബന്ധുക്കളെ കണ്ടെത്തി. ബന്ധുക്കള്‍ വീഡിയോ കോണ്‍ഫറന്‍സ് വഴി തിരിച്ചറിയുകയും തമ്മില്‍ സംസാരിക്കുകയും ചെയ്തു.

 
പാണഞ്ചേരി ഗ്രാമപഞ്ചായത്ത് തമ്പുരാട്ടിപ്പടി മഞ്ഞക്കുന്ന് മണ്ടൻചിറ ഫാം റോഡ് നിർമാണോദ്ഘാടനം റവന്യൂ, ഭവന നിർമാണ വകുപ്പ് മന്ത്രി അഡ്വ. കെ രാജൻ നിർവഹിച്ചു. ഒല്ലൂക്കര ബ്ലോക്ക് പഞ്ചായത്ത് വൈസ് പ്രസിഡന്റ് മാത്യു നൈനാൻ അധ്യക്ഷത വഹിച്ചു.

പുത്തൂര്‍ ഗ്രാമപഞ്ചായത്തിലെ രണ്ട് റോഡുകള്‍ നാടിന് സമര്‍പ്പിച്ചു. സുബ്രഹ്മണ്യന്‍ കവല റോഡ്, കള്ളായിക്കുന്ന് റോഡ് എന്നിവയുടെ ഉദ്ഘാടനം റവന്യൂ, ഭവന നിര്‍മാണ വകുപ്പ് മന്ത്രി കെ. രാജന്‍ നിര്‍വഹിച്ചു. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി 15 ലക്ഷം രൂപ ചെലവഴിച്ചാണ് സുബ്രഹ്മണ്യന്‍ കവല റോഡ് നിര്‍മിച്ചത്. റവന്യൂ, ഭവന നിര്‍മാണ വകുപ്പ് മന്ത്രിയും ഒല്ലൂര്‍ നിയോജക മണ്ഡലം എം.എല്‍.എയുമായ കെ. രാജന്റെ ആസ്തി വികസന ഫണ്ടില്‍ നിന്നും 20 ലക്ഷം രൂപ ചെലവഴിച്ചാണ് കള്ളായിക്കുന്ന് റോഡ് നിര്‍മിച്ചത്.

 ആധുനിക ഗണിതശാസ്ത്രത്തിന് വിപ്ലവകരമായ സംഭാവനകൾ നൽകിയ സംഗമഗ്രാമ മാധവന്റെ സ്മരണാർത്ഥം ഉന്നതവിദ്യാഭ്യാസ വകുപ്പ്  ഇരിങ്ങാലക്കുടയിൽ സ്ഥാപിക്കുന്ന 'മാധവ നോളജ് സെന്റർ ഇൻ മാത്തമാറ്റിക്സ്' (MKCM) പ്രവർത്തനമാരംഭിക്കുന്നു. കേരള സംസ്ഥാന ഉന്നതവിദ്യാഭ്യാസ കൗൺസിലിന്റെ (KSHEC) 'സെന്റർ ഓഫ് എക്സലൻസ്' പദ്ധതിയുടെ കീഴിലുള്ള കേരള നോളജ് കൺസോർഷ്യം സെന്ററിന്റെ ഭാഗമായാണ് ഈ സ്ഥാപനം പ്രവർത്തിക്കുക.

റാന്നി താലൂക്ക് ആശുപത്രിയിലെ നവീകരിച്ച ലക്ഷ്യ ലേബര്‍ റൂമിന്റെയും ലേബര്‍ വാര്‍ഡിന്റെയും ഉദ്ഘാടനം മാര്‍ച്ച് 12 (വ്യാഴം) രാവിലെ 10.30 ന് ആരോഗ്യ, വനിതാ ശിശുവികസന വകുപ്പ് മന്ത്രി വീണാ ജോര്‍ജ്  നിര്‍വഹിക്കും. അഡ്വ. പ്രമോദ് നാരായണ്‍ എംഎല്‍എ അധ്യക്ഷനാകും. ആന്റോ ആന്റണി എം പി മുഖ്യപ്രഭാഷണം നടത്തും. ജില്ല മെഡിക്കല്‍ ഓഫീസര്‍ ഡോ. എല്‍ അനിത കുമാരി റിപ്പോര്‍ട്ട് അവതരിപ്പിക്കും. ആരോഗ്യ കുടുംബക്ഷേമ വകുപ്പ് അഡീഷണല്‍ ചീഫ് സെക്രട്ടറി ഡോ. രാജന്‍ എന്‍ ഖോബ്രഗഡെ, ജില്ല കലക്ടര്‍ എസ് പ്രേം കൃഷ്ണന്‍, എന്‍എച്ച്എം സംസ്ഥാന മിഷന്‍ ഡയറക്ടര്‍ രാഹുല്‍ കൃഷ്ണ ശര്‍മ, ആരോഗ്യ കുടുംബക്ഷേമ വകുപ്പ് ഡയറക്ടര്‍ ഡോ.