മഴക്കാല രോഗങ്ങളെ ചെറുക്കുന്നതിനായി തദ്ദേശ സ്ഥാപനങ്ങള്‍, ആരോഗ്യ വകുപ്പ്, ശുചിത്വ മിഷന്‍ എന്നിവയുടെ സംയുക്താഭിമുഖ്യത്തില്‍ നടത്തേണ്ട മഴക്കാല മുന്നൊരുക്ക പ്രവര്‍ത്തനങ്ങളെക്കുറിച്ച് ഏകദിന ശില്‍പശാല നടത്തി. ജില്ലാ ആസൂത്രണ സമിതി ഹാളില്‍ നടന്ന ശില്‍പശാല ജില്ലാ പഞ്ചായത്ത് പ്രസിഡന്റ് പി.എ.ജബ്ബാര്‍ ഹാജി ഉദ്ഘാടനം ചെയ്തു. ജില്ലാ കളക്ടര്‍ ഡോ. വിനയ് ഗോയല്‍ അധ്യക്ഷത വഹിച്ചു. മഴക്കാല സമയത്ത് വ്യാപിക്കുന്ന രോഗങ്ങള്‍ക്കെതിരെ ഓരോരുത്തരും ജാഗ്രത പുലര്‍ത്തണമെന്നും  തദ്ദേശ സ്ഥാപനങ്ങള്‍ ശുചീകരണ പ്രവര്‍ത്തനങ്ങളില്‍ മുന്നിട്ടിറങ്ങണമെന്നും ജില്ലാ പഞ്ചായത്ത് പ്രസിഡന്റ് ഉദ്ഘാടന പ്രസംഗത്തില്‍ പറഞ്ഞു.

കേരള സംസ്ഥാന വനിതാ വികസന കോര്‍പ്പറേഷന്റെ കീഴില്‍ തൃശ്ശൂരില്‍ പ്രവര്‍ത്തിക്കുന്ന വനിതാ ഹോസ്റ്റലിലേക്ക് വാര്‍ഡന്‍ ആയി ദിവസ വേതനാടിസ്ഥാനത്തില്‍ നിയമിക്കുന്നതിന് മാര്‍ച്ച് 13 ന് രാവിലെ 10.30 ന് കൂടിക്കാഴ്ച നടത്തുന്നു. എറണാകുളം കടവന്ത്ര ഗാന്ധിനഗര്‍ മാവേലി റോഡിലുള്ള മേഖലാ ഓഫീസിലായിരിക്കും കൂടിക്കാഴ്ച. മൂന്ന് വര്‍ഷം പ്രവൃത്തി പരിചയമുള്ള പത്താം ക്ലാസ് പാസായ 25-45 പ്രായപരിധിയിലുള്ളവര്‍ക്ക് കൂടിക്കാഴ്ചയില്‍ പങ്കെടുക്കാം. ഫോണ്‍: 9188941788.

ഉദ്ഘാടനം മന്ത്രി വി. അബ്ദുറഹിമാന്‍ നിര്‍വഹിക്കും

താനൂര്‍ ഫിഷറീസ് സ്‌കൂളില്‍ ഒരുക്കിയ കേരളത്തിലെ ഏറ്റവും വലിയ വാനനിരീക്ഷണ കേന്ദ്രം നാളെ (വ്യാഴം) നാടിന് സമര്‍പ്പിക്കും. നാളെ (വ്യാഴം) വൈകീട്ട് ഏഴിന് മന്ത്രി വി. അബ്ദുറഹിമാന്‍ വാനനിരീക്ഷണ കേന്ദ്രം ഉദ്ഘാടനം ചെയ്യും. എം.എല്‍.എ.യുടെ  ആസ്തി വികസന ഫണ്ടില്‍ നിന്നുള്ള 2.60 കോടി രൂപ ചെലവഴിച്ചാണ് പ്ലാനറ്റേറിയം നിര്‍മ്മിച്ചിരിക്കുന്നത്.

തിരുവനന്തപുരം മുട്ടടയിലുള്ള ഐ.എച്ച്.ആർ.ഡി  സെൻ്റർ ഫോർ അഡ്വാൻസ്‌ഡ് ടെക്നോളജി ആൻഡ് സ്കിൽസിൽ  മാർച്ച് മാസം ആരംഭിക്കുന്ന യു ജി സി നെറ്റ് പേപ്പർ ഒന്നിൻ്റെ പരിശീലനത്തിനായി അർഹരായുള്ളവരിൽ നിന്നും അപേക്ഷ ക്ഷണിച്ചു. താത്‌പര്യമുള്ളവർ രജിസ്റ്റർ ചെയ്യുന്നതിനായി 8136882389, 9495069307, 8547005087, 0471-2550612എന്നീ നമ്പറുകളിൽ ബന്ധപ്പെടുക.

ഗ്ലോക്കോമ രഹിത ലോകത്തിനായി നമുക്ക് ഒരുമിക്കാം എന്ന സന്ദേശം നല്‍കി ഈ വര്‍ഷത്തെ ലോക ഗ്ലോക്കോമ വാരാചരണത്തിന് ജില്ലയില്‍ തുടക്കമായി. കുറ്റിപ്പുറം താലൂക്ക് ആശുപത്രിയില്‍ വാരാചരണത്തിന്റെ ജില്ലാതല ഉദ്ഘാടനം പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ. നിര്‍വ്വഹിച്ചു. കണ്ണിലെ മര്‍ദ്ദം കൂടുന്നതുമൂലം ഒപ്റ്റിക് നാഡിയെ ബാധിക്കുന്ന ഗുരുതരമായ രോഗമാണ് ഗ്ലോക്കോമ. ഒരിക്കല്‍ നഷ്ടപ്പെട്ടാല്‍ കാഴ്ച തിരിച്ചു കിട്ടാന്‍ സാധിക്കില്ല എന്നതാണ് ഈ രോഗത്തിന്റെ ഏറ്റവും വലിയ വെല്ലുവിളി. നേരത്തെ കണ്ടെത്തി ശരിയായ ചികിത്സ നല്‍കിയാല്‍ കാഴ്ച സംരക്ഷിക്കാന്‍ കഴിയും.

ആധുനിക ഗണിതശാസ്ത്രത്തിന് വിപ്ലവകരമായ സംഭാവനകൾ നൽകിയ സംഗമഗ്രാമ മാധവന്റെ സ്മരണാർത്ഥം ഉന്നതവിദ്യാഭ്യാസ വകുപ്പ്  ഇരിങ്ങാലക്കുടയിൽ സ്ഥാപിക്കുന്ന 'മാധവ നോളജ് സെന്റർ ഇൻ മാത്തമാറ്റിക്സ്' പ്രവർത്തനമാരംഭിച്ചു. കേരള സംസ്ഥാന ഉന്നതവിദ്യാഭ്യാസ കൗൺസിലിന്റെ  സെന്റർ ഓഫ് എക്സലൻസ് പദ്ധതിയുടെ കീഴിലുള്ള കേരള നോളജ് കൺസോർഷ്യം സെന്ററിന്റെ ഭാഗമായാണ് ഈ സ്ഥാപനം പ്രവർത്തിക്കുന്നത്. കേന്ദ്രത്തിന്റെ ഉദ്ഘാടനവും കേരളത്തിന്റെ സംഭാവനകൾ കാൽക്കുലസിൽ എന്ന വിഷയത്തിലുള്ള ഏകദിന സെമിനാറിന്റെ ഉദ്ഘാടനവും ഉന്നതവിദ്യാഭ്യാസ, സാമൂഹിക നീതി വകുപ്പ് മന്ത്രി ഡോ. ആർ. ബിന്ദു നിർവഹിച്ചു.

മൂന്നിയൂര്‍ ഗ്രാമ പഞ്ചായത്തിലെ നെട്ടംപറമ്പ് എട്ടിയാട്ട് പള്ളി റോഡ് വെള്ളപ്പൊക്ക ദുരിതാശ്വാസ നിധിയില്‍ ഉള്‍പ്പെടുത്തി 10 ലക്ഷം രൂപയ്ക്ക് നവീകരിക്കുന്നതിന് നിര്‍വഹണാനുമതി നല്‍കിയതായി ജില്ലാ കളക്ടര്‍ അറിയിച്ചു.

ചിറ്റൂര്‍ ശിശു വികസന പദ്ധതി ഓഫീസിലെ  111 അങ്കണവാടികളില്‍ കണ്ടിജന്‍സി സാധനങ്ങള്‍ വാങ്ങുന്നതിനായി ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി മാര്‍ച്ച് 13 ന് ഉച്ചയ്ക്ക് രണ്ട് വരെ. അന്നേ ദിവസം വൈകീട്ട് 3.30 ന് ലഭിച്ച ടെന്‍ഡറുകള്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04923 273675.

മലപ്പുറം സിവില്‍ സ്റ്റേഷന്‍ വളപ്പിലുള്ള ആര്‍.ടി.ഒ ഓഫീസിന് സമീപം യാത്രക്കാര്‍ക്ക് ഭീഷണിയായത് മൂലം മുറിച്ച് മാറ്റിയ തേക്ക് മരത്തിന്റെ കഷ്ണങ്ങള്‍ മാര്‍ച്ച് 18 ന് രാവിലെ 11 ന് മലപ്പുറം വില്ലേജ് ഓഫീസില്‍ ലേലം ചെയ്യും
ഫോണ്‍-0483 2766121.