വിജ്ഞാന സമൂഹം കെട്ടിപ്പടുക്കുക എന്നതിന് നവകേരള സൃഷ്ടിയിൽ സർക്കാരിനും സമൂഹത്തിനും കൂട്ടുത്തരവാദിത്വമാണുള്ളതെന്നും ആ ലക്ഷ്യത്തിലേക്കുള്ള പ്രയാണത്തിൽ ഏറ്റവും മുന്നിൽ നിന്ന് നയിക്കേണ്ടത് ഉന്നതവിദ്യാഭ്യാസ മേഖലയാണെന്നും ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ.ആർ ബിന്ദു. പുല്ലൂറ്റ് കെ.കെ.ടി.എം ഗവൺമെന്റ് കോളേജിൽ നിർമ്മാണം പൂർത്തീകരിച്ച ഇൻഡോർ സ്റ്റേഡിയം, നെറ്റ്‌വർക്ക് റിസോഴ്സ് സെന്റർ, എം.എൻ.വിജയൻ ലൈബ്രറി ആർക്കൈവ്സ്  എന്നിവയുടെ ഉദ്ഘാടനം ഓൺലൈനായി നിർവ്വഹിച്ച് സംസാരിക്കുകയായിരുന്നു മന്ത്രി.

ജില്ലാ വിദ്യാഭ്യാസ ഓഫീസിന്റെ പുറകുവശത്തെ പേരാല്‍ മരത്തിന്റെ ശിഖരവും പീലിവാക മരവും മാര്‍ച്ച് 18ന് രാവിലെ 11 ന് മലപ്പുറം വില്ലേജ് ഓഫീസില്‍ ലേലം ചെയ്യും.  ഫോണ്‍ -0483 2766121.

കോഴിക്കോട് റീജണല്‍ പബ്ലിക് ഹെല്‍ത്ത് ലബോറട്ടറിയുടെയും ജില്ലാ വെക്ടര്‍ കണ്‍ട്രോള്‍ യൂണിറ്റിന്റെയും പുതിയ കെട്ടിടങ്ങളുടെ ഉദ്ഘാടനം ഇന്ന് (മാര്‍ച്ച് 12) രാവിലെ 11ന് ആരോഗ്യ വകുപ്പ് മന്ത്രി വീണ ജോര്‍ജ് ഓണ്‍ലൈനായി നിര്‍വഹിക്കും. 
അഹമ്മദ് ദേവര്‍കോവില്‍ എം.എല്‍.എ അധ്യക്ഷനാകും. കോര്‍പറേഷന്‍ മേയര്‍ ഒ സദാശിവന്‍, എം കെ രാഘവന്‍ എം.പി, തോട്ടത്തില്‍ രവീന്ദ്രന്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് മില്ലി മോഹന്‍ കൊട്ടാരത്തില്‍ തുടങ്ങിയവര്‍ പങ്കെടുക്കും.

കുടിശ്ശികയായ 51,055/ രൂപ ഈടാക്കുന്നതിനായി തിരൂരങ്ങാടി താലൂക്കില്‍ പരപ്പനങ്ങാടി വില്ലേജിലെ ബ്ലോക്ക് 24ല്‍ റീ. സര്‍വ്വേ 570/6ല്‍ 0.0040 ഹെക്ടര്‍ പുരയിടവും വസ്തുക്കളും ഏപ്രില്‍ ഒന്‍പതിന് രാവിലെ 11ന് പരപ്പനങ്ങാടി വില്ലേജ് ഓഫീസില്‍ ലേലം ചെയ്യും.

മലപ്പുറം ജില്ലയിലെ എക്സൈസ് വകുപ്പില്‍ സിവില്‍ എക്സൈസ് ഓഫീസര്‍ (ട്രെയിനി) കാറ്റഗറി നമ്പര്‍ 307/2023 തസ്തികയിലേക്കുള്ള തെരഞ്ഞെടുപ്പിനായി 2025 ഫെബ്രുവരി 15ന് നിലവില്‍ വന്ന റാങ്ക് പട്ടികയുടെ (178/2025 ഡി.ഒ.എം.) കാലാവധി 2026 ഫെബ്രുവരി 16ന് പൂര്‍ത്തിയായതിനാല്‍ റദ്ദാക്കിയതായി ജില്ലാ പി.എസ്.സി ഓഫീസര്‍ അറിയിച്ചു.

കിഫ്ബി പദ്ധതിയില്‍ ഉള്‍പ്പെടുത്തി 28.32 കോടി രൂപ ചെലവില്‍ നിര്‍മിക്കുന്ന മലയോര ഹൈവേയിലെ തൊട്ടില്‍പ്പാലം-മുള്ളന്‍കുന്ന് റോഡിന്റെ പ്രവൃത്തി ഉദ്ഘാടനം പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓണ്‍ലൈനായി നിര്‍വഹിച്ചു. കോതോട് വായനശാല പരിസരത്ത് നടന്ന ചടങ്ങില്‍ ഇ കെ വിജയന്‍ എം.എല്‍.എ അധ്യക്ഷനായി. 

സെക്കന്‍ഡറി പാലിയേറ്റീവ് പദ്ധതിയുടെ ഭാഗമായി ഹോം കെയര്‍ ആവശ്യത്തിന് നിലമ്പൂര്‍ മുനിസിപ്പാലിറ്റി പരിധിയില്‍ വാഹനം ഓടിക്കുന്നതിന് ഡ്രൈവര്‍ സഹിതം താത്പര്യമുള്ള വ്യക്തികളില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മാര്‍ച്ച് 23ന് ഉച്ചയ്ക്ക് മൂന്നിനകം ലഭ്യമാക്കണം. ഫോണ്‍- 04931- 220351.

പരിരക്ഷാ പദ്ധതികളുടെ ഭാഗമായി ഹോം കെയര്‍ ആവശ്യാര്‍ത്ഥം നിലമ്പൂര്‍ മുനിസിപ്പാലിറ്റി പരിധിയില്‍ പരിരക്ഷാ യൂണിറ്റ് രണ്ടിലേക്ക് വാഹനം ഓടിക്കുന്നതിന് ഡ്രൈവര്‍ സഹിതം താത്്പര്യമുള്ള വ്യക്തികളില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷന്‍ മാര്‍ച്ച് 23ന് വൈകിട്ട് മൂന്നിനകം ലഭിക്കണം. ഫോണ്‍-04931 220351.