ഡിസംബര്‍ എട്ടു മുതല്‍ 15 വരെ തിരുവനന്തപുരത്ത് നടക്കുന്ന അന്താരാഷ്ട്ര ചലച്ചിത്രമേള റിപ്പോര്‍ട്ട് ചെയ്യുന്നതിന് ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയാക്കിയ മാധ്യമപ്രവര്‍ത്തകരുടെ  പേര്, രജിസ്‌ട്രേഷന്‍ നമ്പര്‍, തസ്തിക, ഫോണ്‍ നമ്പര്‍, ഇ-മെയില്‍ എന്നിവയടങ്ങിയ  ലിസ്റ്റ് തിരുവനന്തപുരം ബ്യൂറോചീഫ് സാക്ഷ്യപ്പെടുത്തി നവംബര്‍ 28 ന് വൈകിട്ട് അഞ്ച് മണിക്കകം പി.ആര്‍.ഡി പ്രസ് റിലീസിലെത്തിക്കണം. മാധ്യമപ്രവര്‍ത്തകരുടെ പേരുകള്‍ മുന്‍ഗണന ക്രമത്തില്‍ കത്തില്‍ രേഖപ്പെടുത്തണം.  നിശ്ചിത സമയത്തിന് ശേഷം ലഭിക്കുന്ന അപേക്ഷകള്‍ പരിഗണിക്കില്ല.

കൃഷിവകുപ്പ് തദ്ദേശസ്വയംഭരണ വകുപ്പിന്റെ കീഴിലുളള കുടുംബശ്രീ മിഷനുമായി ചേര്‍ന്ന് നടത്തുന്ന 1000 ഗ്രാമീണ കാര്‍ഷിക ചന്തകളുടെ സംസ്ഥാനതല ഉദ്ഘാടനം ഇന്ന് (നവംബര്‍ 25) മലപ്പുറത്ത് എടപ്പാളില്‍ നിര്‍വഹിക്കും. തദ്ദേശ സ്വയംഭരണ വകുപ്പ് മന്ത്രി ഡോ. കെ ടി. ജലീലിന്റെ അധ്യക്ഷതയില്‍ കൃഷിവകുപ്പ് മന്ത്രി അഡ്വ. വി എസ് സുനില്‍കുമാര്‍ പദ്ധതി ഉദ്ഘാടനം ചെയ്യും. 

സംസ്ഥാനത്തു നടപ്പാക്കുന്ന പ്രമുഖ പദ്ധതികളുടെ ഏകോപനത്തിനും പുരോഗതി നിരീക്ഷണത്തിനുമായി തയ്യാറാക്കിയ മുഖ്യമന്ത്രിയുടെ വെബ് പോര്‍ട്ടല്‍ ലോഞ്ചിങ്ങിനു മുന്നോടിയായുള്ള വര്‍ക്ക്‌ഷോപ്പ് ഇന്ന് (നവംബര്‍ 25) ഐഎംജിയിലെ പദ്മം ഓഡിറ്റോറിയത്തില്‍ നടക്കും.

മറ്റ് ജില്ലകളില്‍ നിന്നുള്ള ഓട്ടോറിക്ഷകള്‍ പമ്പയില്‍ കടക്കുന്നത് നിയന്ത്രിക്കുന്നതിന് ജില്ലാ പോലീസ് മേധാവിക്ക് ജില്ലാ കളക്ടര്‍ നിര്‍ദേശം നല്‍കി. പമ്പയില്‍ ഓട്ടോറിക്ഷകള്‍ പാര്‍ക്ക് ചെയ്യുന്നതുമൂലം തീര്‍ഥാടന പാതകളില്‍ തിരക്ക് അനുഭവപ്പെടുന്നതായും ഇതുമൂലം അപകടങ്ങള്‍ ഉണ്ടാകാന്‍ സാധ്യതയുള്ളതായും ശ്രദ്ധയില്‍പ്പെട്ടതിനാല്‍ തിരക്കും അപകടങ്ങളും ഒഴിവാക്കുന്നതിനാണ് മറ്റ് ജില്ലകളിലെ ഓട്ടോറിക്ഷകള്‍ പമ്പയില്‍  കടക്കുന്നതിന് നിയന്ത്രണം ഏര്‍പ്പെടുത്തിയത്. (28/17)
ഇന്ന് രാത്രി തുറന്ന് പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍

   സംസ്ഥാനസര്‍ക്കാര്‍ കാലാവധി പൂര്‍ത്തിയാകുമ്പോള്‍ സംസ്ഥാനത്താകെ  അഞ്ച് ലക്ഷം കോടി രൂപയുടെ  വികസനപ്രവര്‍ത്തനങ്ങള്‍ക്ക് തുക അനുവദിക്കുമെന്ന് പൊതുമരാമത്ത് വകുപ്പ് മന്ത്രി  ജി.സുധാകരന്‍ പറഞ്ഞു.  18 മാസത്തിനിടെ  അവതരിപ്പിച്ച  രണ്ടു ബജറ്റുകളിലായി  അനുവദിക്കപ്പെട്ട 75,000 കോടി രൂപയുടെ  വികസനപ്രവര്‍ത്തനങ്ങളാണ്  ഇപ്പോള്‍ നടന്നുകൊണ്ടിരിക്കുന്നതെന്നും പൊതുമരാമത്ത് വകുപ്പുമാത്രം 25,000 കോടിയുടെ നിര്‍മ്മാണ   പ്രവര്‍ത്തനങ്ങളാണ് നടത്തിക്കൊണ്ടിരിക്കുന്നതെന്നും മന്ത്രി  പറഞ്ഞു.

പമ്പാ നദിയില്‍ വസ്ത്രങ്ങളും അജൈവ മാലിന്യങ്ങളും നിക്ഷേപിക്കുന്നത് നിരോധിച്ച് ജില്ലാ കളക്ടര്‍ ആര്‍.ഗിരിജ ഉത്തരവായി. 2011ലെ പോലീസ് നിയമത്തിലെ വകുപ്പ് 80, 1974ലെ ജലനിയമം വകുപ്പ് 24, സിആര്‍പിസി 133(1) എന്നിവ പ്രകാരമാണ് നിരോധനം. തീര്‍ഥാടകര്‍ പമ്പാ നദിയില്‍ വസ്ത്രം ഉപേക്ഷിക്കുന്നത്, ആചാരാനുഷ്ഠാനങ്ങള്‍ക്ക് വിരുദ്ധവും നദി മലിനമാകുന്നതിന് കാരണവുമാകുന്നുണ്ടെന്നതിന്‍റെ അടിസ്ഥാനത്തില്‍ 2015ല്‍ കേരള ഹൈക്കോടതി പുറപ്പെടുവിച്ച ഉത്തരവ് മുന്‍നിര്‍ത്തിയാണ് ജില്ലാ കളക്ടര്‍ നിരോധനം ഏര്‍പ്പെടുത്തിയത്.  (27/17)

പ്രക്യതി വിഭവ സംരക്ഷണ ബോധവല്‍ക്കരണ പരിപാടികളുടെ ഭാഗമായി  സംസ്ഥാന ഭൂവിനിയോഗ ബോര്‍ഡ് ഹരിത കേരളം മിഷനുമായി സഹകരിച്ച് തിരുവനന്തപുരം കനകക്കുന്ന് ഓഡിറ്റോറിയത്തില്‍ നവംബര്‍ 27, 28 തീയതികളില്‍ നീര്‍ത്തടാസൂത്രണം സുസ്ഥിര വികസനത്തിന് എന്ന വിഷയത്തില്‍ സംസ്ഥാന സെമിനാര്‍ സംഘടിപ്പിക്കും.  ഉദ്ഘാടനം നവംബര്‍ 27 ന് രാവിലെ 10.30 ന് മുഖ്യമന്ത്രി പിണറായി വിജയന്‍ നിര്‍വഹിക്കും. കെ മുരളീധരന്‍ എം.എല്‍.എ അധ്യക്ഷത വഹിക്കും.

   കാസര്‍കോട് ജില്ലയില്‍ റോഡ് അറ്റകുറ്റപണികള്‍  കാര്യക്ഷമമായി നടന്നില്ലെന്ന് പൊതുമരാമത്ത് വകുപ്പ് മന്ത്രി ജി സുധാകരന്‍ പറഞ്ഞു. പളളത്തൂര്‍ പാലത്തിന്റെ  ശിലാസ്ഥാപനം നിര്‍വ്വഹിക്കുകയായിരുനനു അദ്ദേഹം. 

ജൂണില്‍ നടന്ന ഡി.എല്‍.ഇ.ഡി (ഹിന്ദി, ഉറുദു, അറബി) പരീക്ഷകളുടെ സര്‍ട്ടിഫിക്കറ്റ്, മാര്‍ക്ക് ഷീറ്റ് വിതരണത്തിനായി ബന്ധപ്പെട്ട പരീക്ഷാ സെന്ററുകളില്‍ എത്തിച്ചതായി പരീക്ഷാ കമ്മീഷണര്‍ അറിയിച്ചു. പരീക്ഷാ പേപ്പറുകള്‍ റീവാല്യുവേഷന്‍/സ്‌ക്രൂട്ടിണി ചെയ്യുന്നതിന് ലഭിക്കുന്ന അപേക്ഷകള്‍ ഡിസംബര്‍ അഞ്ചു വരെ ഇന്‍സ്റ്റിറ്റ്യൂട്ട് മേലധികാരി സ്വീകരിച്ച് ഡിസംബര്‍ 10 ന് പരീക്ഷാഭവനില്‍ എത്തിക്കണം. 

പി.എന്‍.എക്‌സ്.4997/17

   രജിസ്‌ട്രേഷന്‍ വകുപ്പില്‍ ഇ-പേയ്‌മെന്റ് ഇ-സ്റ്റാമ്പിംഗ് സംവിധാനങ്ങള്‍ വന്നതോടെ അഴിമതി ആരോപണങ്ങള്‍ കുറഞ്ഞതായി രജിസ്‌ട്രേഷന്‍ വകുപ്പ് മന്ത്രി ജി.സുധാകരന്‍ പറഞ്ഞു. മഞ്ചേശ്വരത്ത് പുതിയ സബ് രജിസ്ട്രാര്‍ ഓഫീസിന് ശിലാസ്ഥാപനം നിര്‍വഹിച്ച് സംസാരിക്കുകയായിരുന്ന മന്ത്രി. രജിസ്‌ട്രേഷന്‍ സംവിധാനങ്ങള്‍ ആധുനികവത്ക്കരിക്കുന്നതോടെ പരാതികള്‍ ഇനിയും കുറയും. മുന്‍കാലങ്ങളില്‍ അഴിമതിയാരോപണങ്ങള്‍ കൂടുതലായിരുന്നു. ഇപ്പോള്‍ വളരെ കുറവാണെന്നും മന്ത്രി പറഞ്ഞു. ആധാരം എഴുത്തുകാര്‍, വെണ്ടര്‍മാര്‍ ഉള്‍പ്പെടെയുള്ളവര്‍ക്ക് രജിസ്‌ട്രേഷന്‍ കാര്‍ഡുകള്‍ കൊടുക്കാന്‍ കഴിഞ്ഞത് സര്‍ക്കാരിന്റെ  നേട്ടമാണ്.