കോട്ടയം താലൂക്കിലെ താലൂക്ക് വികസന സമിതി യോഗം ഡിസംബര്‍ നാല്  രാവിലെ 10.30ന് കോട്ടയം താലൂക്ക് ആഫീസില്‍ ചേരും. പ്രസ്തുത യോഗത്തില്‍ എല്ലാ അംഗങ്ങളും പങ്കെടുക്കണമെന്ന് തഹസില്‍ദാര്‍ അറിയിച്ചു.

    കേരള നിയമസഭയുടെ പൊതുമേഖലാ സ്ഥാപനങ്ങളെ സംബന്ധിച്ച സമിതി നവംബര്‍ 29ന് രാവിലെ 10ന് വാളയാര്‍ മലബാര്‍ സിമെന്‍റ്സ് സമ്മേളന ഹാളില്‍ യോഗം ചേരും. മലബാര്‍ സിമെന്‍റ്സിന്‍റെ പ്രവര്‍ത്തനം സംബന്ധിച്ച് ബന്ധപ്പെട്ട ഉദ്യോഗസ്ഥരുമായി ചര്‍ച്ച നടത്തി തുടര്‍ന്ന് സ്ഥാപനം സന്ദര്‍ശിക്കുമെന്ന് നിയമസഭാ സെക്രട്ടറി അറിയിച്ചു.

    അക്ഷയ പദ്ധതിയുടെ 15-ാം വാര്‍ഷികത്തോടനുബന്ധിച്ച് ഇന്ന് (നവംബര്‍ 23) കോട്ടത്തറ ഗവ.ട്രൈബല്‍ സ്പെഷാലിറ്റി ഹോസ്പിറ്റലില്‍ നവജാതശിശുക്കളുടെ ആധാര്‍ എന്‍റോള്‍മെന്‍റ് നടത്തും. ഇന്ന് ജനിക്കുന്ന കുട്ടുകള്‍ക്കാണ്  അക്ഷയാ ജില്ലാ ഓഫീസിന്‍റെ നേതൃത്വത്തില്‍ എന്‍റോള്‍മെന്‍റ് നടത്തുകയെന്ന് അക്ഷയ ജില്ലാ പ്രൊജക്ട് മാനെജര്‍ ദേവി.എസ്.നാഥ് അറിയിച്ചു.  കുട്ടികളുടെ ജനന സര്‍ട്ടിഫിക്കറ്റും രക്ഷിതാവിന്‍റെ ആധാര്‍ കാര്‍ഡും ഉപയോഗിച്ചാണ് കുട്ടിക്ക് ആധാര്‍ ലഭ്യമാക്കുന്നത്. 

    ഗ്രാമപ്രദേശങ്ങളില്‍ 25 ലക്ഷത്തില്‍ താഴെയുള്ള മുതല്‍ മുടക്കില്‍ സംരഭങ്ങള്‍ തുടങ്ങുന്നതിന് 35 ശതമാനം വരെ സബ്സിഡിയോടെയുള്ള വായ്പാ പദ്ധതിക്ക് അപേക്ഷ ക്ഷണിച്ചു. പ്രധാനമന്ത്രി തൊഴില്‍ദാന പദ്ധതിയായ പി.എം.ഇ.ജി.പി പ്രകാരമാണ് വായ്പ ലഭിക്കുക. 
    സംസ്ഥാന സര്‍ക്കാരിന്‍റെ പ്രത്യേക തൊഴില്‍ദാന പദ്ധതിയായ എസ്.ഇ.ജി.പി (എന്‍റെ ഗ്രാമം) പദ്ധതിയില്‍ അഞ്ച് ലക്ഷം വരെയുള്ള വായ്പയ്ക്കും അപേക്ഷിക്കാം. ഫോണ്‍ : 0491 2534392.