ദിശ ഉത്പന്ന പ്രദര്‍ശന വിപണന മേളയില്‍ കുടുംബശ്രീ സംരഭകരുടെ സ്വന്തം ഉല്‍പന്നങ്ങളും സേവനങ്ങളുമായി 23 സ്റ്റാളുകള്‍. സ്വയം തൊഴില്‍ പ്രോത്സാഹിപ്പിക്കുന്നതിന്റെ ഭാഗമായി വനിതാ സംരഭകര്‍ നിര്‍മിക്കുന്ന വിവിധ ഉല്‍പന്നങ്ങളാണ് സ്റ്റാളിലുള്ളത്. 

പൊന്നാനി മറൈന്‍ മ്യൂസിയത്തിന്റെ  ഒന്നാം ഘട്ട നിര്‍മാണ പ്രവൃത്തികള്‍ സെപ്റ്റംബര്‍ 20 നകം പൂര്‍ത്തീകരിക്കും. പദ്ധതിയുടെ രണ്‍ണ്ടാം ഘട്ടത്തില്‍ ഉള്‍പ്പെടുത്തി ഒമ്പത് കോടി രൂപയുടെ നിര്‍മാണ പ്രവൃത്തികള്‍ക്കും രൂപമായി.  മറൈന്‍ മ്യൂസിയം നിര്‍മാണ പുരോഗതി വിലയിരുത്തുന്നതിനായി ജില്ലാ കളക്ടറുടെ അദ്ധ്യക്ഷതയില്‍ ഇന്നലെ ചേര്‍ന്ന യോഗത്തിലാണ് തീരുമാനം.

    കേരള സംസ്ഥാന മത്സ്യത്തൊഴിലാളി കടാശ്വാസ കമ്മീഷന്‍ മലപ്പുറം ജില്ലയില്‍ നടത്തിയ അദാലത്ത് തിരൂര്‍ മുന്‍സിപ്പല്‍ സാംസ്‌കാരിക സമുച്ചയം കോണ്‍ഫറന്‍സ് ഹാളില്‍ കമ്മീഷന്‍ ചെയര്‍മാന്‍ ജസ്റ്റിസ് പി. എസ്. ഗോപിനാഥന്റെ അദ്ധ്യക്ഷതയില്‍ നടന്നു. സിറ്റിംഗില്‍ കമ്മീഷന്‍ അംഗം കൂട്ടായി ബഷീര്‍ പങ്കെടുത്തു. സഹകരണ വകുപ്പ് ജോയിന്റ് രജിസ്ട്രാര്‍, ജോയിന്റ് ഡയറക്ടര്‍ ഓഫീസുകളില്‍ നിന്നും ഉദ്യോഗസ്ഥരും വിവിധ ധനകാര്യ സ്ഥാപനങ്ങളെ പ്രതിനിധീകരിച്ചും അദാലത്തില്‍ ഹാജരായി.