മന്ത്രിസഭാ വാര്‍ഷികത്തോടനുബന്ധിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പിന്റെ പ്രദര്‍ശന വാഹനം ജില്ലയില്‍ പര്യടനം തുടരുന്നു. കറുകച്ചാല്‍ പഞ്ചായത്ത് പ്രസിഡന്റ് ബിന്ദു വിജയകുമാര്‍ കറുകച്ചാല്‍ ബസ് സ്റ്റാന്റില്‍ ഫ്‌ളാഗ് ഓഫ് ചെയ്തു. ചങ്ങനാശേരിയില്‍ മുന്‍സിപ്പല്‍ പ്രസിഡന്റ് സെബാസ്റ്റ്യന്‍ മാത്യു ഫ്‌ളാഗ് ഓഫ് ചെയ്തു. 

കേരളത്തില്‍ മെയ് 28 വരെ അതിതീവ്ര മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് (മെയ് 26) അതിശക്തമായ മഴ ലഭിക്കുമെന്നതിനാല്‍ ജില്ലയില്‍ ജാഗ്രത പുലര്‍ത്തണമെന്നും അറിയിച്ചു. താലൂക്ക് കണ്‍ട്രോള്‍ റൂമുകള്‍ 24 മണിക്കൂറും പ്രവര്‍ത്തിക്കാന്‍ ജില്ലാ കലക്ടര്‍  നിര്‍ദേശം നല്‍കി. അപകടം ഒഴിവാക്കാന്‍ മുന്‍കരുതലുകള്‍ എടുക്കണമെന്നും കലക്ടര്‍ നിര്‍ദേശിച്ചു.

ജില്ലയില്‍ പുതിയ അസിസ്റ്റന്റ് കളക്ടറായി വികല്‍പ് ഭരദ്വാജ് ചുമതലയേറ്റു. ഉത്തര്‍പ്രദേശിലെ മുറാദാബ് സ്വദേശിയാണ്  25-കാരനായ വികല്‍പ്. 2017 ബാച്ച് ഐ.എ.എസ് ഉദ്യോഗസ്ഥനാണ്. ഡല്‍ഹി ഐ.ഐ.ടിയില്‍ നിന്നും ബി.ടെക് ബിരുദം നേടിയ ശേഷമാണ് സിവില്‍ സര്‍വ്വീസിലെത്തിയത്

ഗവണ്‍മെന്റ് /എയ്ഡഡ് ഡി.എല്‍.എഡ് കോഴ്‌സിലേക്ക് അപേക്ഷ ക്ഷണിച്ചു.  അപേക്ഷ ബന്ധപ്പെട്ട രേഖകള്‍ സഹിതം ജൂണ്‍ എട്ടിനകം ജില്ലാ വിദ്യാഭ്യാസ ഉപഡയറക്ടറുടെ കാര്യാലയത്തില്‍ നല്‍കണം.  കൂടുതല്‍ വിവരങ്ങള്‍ ംംം.ലറൗരമശേീി.സലൃഹമ. ഴീ്.ശി ല്‍ ലഭിക്കും.