സംസ്ഥാന സര്‍ക്കാര്‍  സ്ഥാപനമായ ഇന്‍സ്റ്റിറ്റ്യൂട്ട് ഓഫ് കരിയര്‍ സ്റ്റഡീസ് ആന്‍ഡ് റിസര്‍ച്ചില്‍ ഏപ്രില്‍  മാസത്തില്‍ ആരംഭിക്കുന്ന അവധിക്കാല കോഴ്‌സുകള്‍ക്ക് ഏപ്രില്‍ ഒന്നു വരെ അപേക്ഷിക്കാം.   

     സംസ്ഥാന ചെറുകിട തോട്ടം തൊഴിലാളി ക്ഷേമ പദ്ധതിയില്‍ അംഗങ്ങളായിട്ടുള്ള  മുഴുവന്‍  തൊഴിലാളികള്‍ക്കും  അംശദായം കുടിശ്ശിക പിഴയില്ലാതെ തവണകളായി ഒടുക്കാം. എല്ലാ തൊഴിലാളികളും അവസരം പ്രയോജനപ്പെടുത്തണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍ നമ്പര്‍: 0483 2760204, 8547655337.

ആനക്കയം കാര്‍ഷിക ഗവേഷണ കേന്ദ്രത്തില്‍ മിഷന്‍ ഫോര്‍ ഇന്റഗ്രേറ്റഡ് ഡെവലപ്‌മെന്റ് ഓഫ് ഹോര്‍ട്ടികള്‍ച്ചര്‍ പദ്ധതിയിന്‍കീഴില്‍ 'സുഗന്ധ വിളകളിലെ നൂതന സാങ്കേതിക വിദ്യകള്‍' വിഷയത്തില്‍ ഏകദിന കര്‍ഷക പരിശീലനം നടത്തി.  ആനക്കയം ഗ്രാമ പഞ്ചായത്ത് പ്രസിഡന്റ് പി.ടി. സുനീറ ഉദ്ഘാടനം ചെയ്തു. കാര്‍ഷിക ഗവേഷണ കേന്ദ്രം മേധാവി ഡോ. വി.എം. അബ്ദുല്‍ ഹക്കീം അധ്യക്ഷത വഹിച്ചു.

സന്‍സദ് ആദര്‍ശ് ഗ്രാമ യോജന പദ്ധതിയുടെ രണ്ടാം ഘട്ടത്തിലേക്ക് തെരഞ്ഞെടുക്കപ്പെട്ടിട്ടുള്ള ചാലിയാര്‍ ഗ്രാമ പഞ്ചായത്തിന്റെ വില്ലേജ് ഡവലപ്പ്‌മെന്റ് പ്ലാന്‍ തയ്യാറാക്കുന്നതിനുളള യോഗം ഏപ്രില്‍ ഒമ്പതിലേക്ക് മാറ്റി.

    ജില്ലയിലെ  ഗ്രാമ പഞ്ചായത്തുകള്‍ നൂറ് ശതമാനം നികുതി പിരിവ് ലക്ഷ്യം കൈവരിക്കുന്നതിന്റെ ഭാഗമായി ജപ്തി, പ്രോസിക്യൂഷന്‍ നിയമനടപടികള്‍ സ്വീകരിക്കാന്‍ നീക്കം തുടങ്ങി. ഏപ്രില്‍ ഒന്നിന് തന്നെ മുഴുവന്‍ കേസുകളിലും ജപ്തി, പ്രോസിക്യൂഷന്‍    നടപടികള്‍ ആരംഭിക്കാന്‍ പഞ്ചായത്ത് ഡെപ്യൂട്ടി ഡയറക്ടര്‍ ജില്ലയിലെ എല്ലാ പഞ്ചായത്ത് സെക്രട്ടറിമാര്‍ക്കും നിര്‍ദ്ദേശം നല്‍കി. മൊബൈല്‍ ടവറുകള്‍      ക്കെതിരെ ഇതിനകം തന്നെ പ്രോസിക്യൂഷന്‍ നടപടികള്‍ ആരംഭിച്ചിട്ടുണ്ട്.

    ലോക ജലദിനത്തോടനുബന്ധിച്ച് മലമ്പുഴ ജലസേചന ഡിവിഷന്‍ വിദ്യാര്‍ഥികള്‍ക്കായി ചിത്ര രചനാ  മത്സരം നടത്തി. മലമ്പുഴ പിക്നിക് ഹാളില്‍ നടന്ന പരിപാടി ലളിതലാ അക്കാദമി നിര്‍വാഹക സമിതി അംഗം ബൈജു ദേവ് ചിത്രം വരച്ച് ഉദ്ഘാടനം ചെയ്തു. എക്സി. എഞ്ചിനീയര്‍ പത്മകുമാര്‍ അധ്യക്ഷനായ പരിപാടിയില്‍ 'നാച്വര്‍ ഫോര്‍ വാട്ടര്‍' വിഷയത്തില്‍ ചിത്രകാരന്‍ എന്‍.ജി ജോണ്‍സണ്‍ ക്ലാസെടുത്തു. മലമ്പുഴ ഡിവിഷനല്‍ എഞ്ചിനീയര്‍ ഇ.പി ബാലകൃഷ്ണന്‍, കെ മുഹമ്മദ് ബഷീര്‍, എം.പി മോഹന്‍ദാസ്  എന്നിവര്‍ പങ്കെടുത്തു.