ആയുര്‍വേദത്തിന് അന്തര്‍ദേശീയ പേറ്റന്റ് സംരക്ഷണം ലഭിക്കുന്നതിനായി ട്രഡീഷണല്‍ നോളജ് ഇന്നൊവേഷന്‍-കേരളയും (TKIK) സി.എസ്.ഐ.ആര്‍-ട്രഡീഷണല്‍ നോളജ് ഡിജിറ്റല്‍ ലൈബ്രറിയും (CSIR-TKDL) തമ്മിലുള്ള ധാരണാപത്രത്തില്‍ മുഖ്യമന്ത്രി പിണറായി വിജയന്റെ സാന്നിധ്യത്തില്‍ ടി.കെ.ഡി.എല്‍. മേധാവി ഡോ. രാകേഷ് തിവാരിയും ആയുര്‍വേദ മെഡിക്കല്‍ വിദ്യാഭ്യാസ ഡയറക്ടര്‍ ഡോ. സി. ഉഷാകുമാരിയും ഒപ്പുവച്ചു. ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍ ചടങ്ങില്‍ പങ്കെടുത്തു.

    സംസ്ഥാന ഭവന ഭവനനിര്‍മ്മാണ ബോര്‍ഡില്‍ ഡെപ്യൂട്ടേഷന്‍/കരാര്‍ അടിസ്ഥാനത്തില്‍ ചീഫ് എന്‍ജിനീയറെ നിയമിക്കുന്നതിന് അപേക്ഷ ക്ഷണിച്ചു.  വിശദവിവരങ്ങള്‍ക്ക് www.kshblkerala.gov.in.
പി.എന്‍.എക്‌സ്.1119/18
 

    ജൈവവൈവിധ്യത്തിന് ആഘാതമേല്‍പ്പിക്കുന്ന പ്രവര്‍ത്തനങ്ങളെക്കുറിച്ച് പൊതു ജനങ്ങള്‍ക്ക് ജൈവ വൈവിധ്യ ബോര്‍ഡില്‍ പരാതി നല്‍കാം.
    ജൈവവൈവിധ്യത്തിന് പരിക്കേല്‍പ്പിക്കുന്ന ഏത് പ്രവര്‍ത്തിയെക്കുറിച്ചുമുളള പരാതികള്‍, 1800 425 5383 എന്ന ടോള്‍ ഫ്രീ നമ്പറിലാണ് അറിയിക്കേണ്ടത്. രാവിലെ 10 മുതല്‍ വൈകുന്നേരം അഞ്ച് വരെയാണ് സമയം.  ഓണ്‍ലൈനായി പരാതി സമര്‍പ്പിക്കുന്നതിന്  www.keralabiodiversity.org സന്ദര്‍ശിക്കുക.
പി.എന്‍.എക്‌സ്.1117/18
 

    കേരളത്തിന്റെ വികസന  പ്രശ്‌നങ്ങള്‍  അറിയുന്നവരില്‍ നിന്നും അഭിപ്രായങ്ങള്‍ ശേഖരിച്ചും ലോകത്തുടനീളമുള്ള മലയാളി പ്രഗത്ഭരുടെ കഴിവുകള്‍ ഒന്നിച്ചു ചേര്‍ത്തും സംസ്ഥാനത്തെ  സുസ്ഥിര വികസനത്തിലേക്ക് നയിക്കാന്‍ സ്ഥാപിക്കുന്ന  കേരള ഡവലപ്മെന്റ് ആന്റ് ഇന്നവേഷന്‍ സ്ട്രാറ്റജിക് കൗണ്‍സിലിന്റെ (കെ-ഡിസ്‌ക്) ഉദ്ഘാടനം ഇന്ന് (മാര്‍ച്ച് 24)  11 മണിക്ക് തിരുവനന്തപുരം  കനകക്കുന്നില്‍ മുഖ്യമന്ത്രി പിണറായി വിജയന്‍ നിര്‍വ്വഹിക്കും. ഡോ.ശശി തരൂര്‍ എം.പി. മുഖ്യപ്രഭാഷണം നടത്തും. കെ.മുരളീധരന്‍ എം.എല്‍.എ. അധ്യക്ഷനാകും.

    വയോജനങ്ങളുടെ ന്യൂറോളജിക്കല്‍ ആരോഗ്യപ്രശ്‌നങ്ങള്‍ പരിഹരിക്കുന്നതില്‍ കൂടുതല്‍ ശ്രദ്ധ വേണമെന്ന് ഗവര്‍ണര്‍ പി. സദാശിവം അഭിപ്രായപ്പെട്ടു. ശ്രീ ചിത്ര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സസ് ആന്റ് ടെക്‌നോളജിയില്‍ സംഘടിപ്പിച്ച 'സൂപ്പര്‍ ഇ.എം.ജി ഇന്ത്യ 2018' അന്തര്‍ദേശീയ ന്യൂറോ മസ്‌കുലാര്‍ സിമ്പോസിയം ഉദ്ഘാടനം ചെയ്തുസംസാരിക്കുകയായിരുന്നു അദ്ദേഹം.

കൊച്ചി: മേഖല കാന്‍സര്‍ ആന്റ് റിസര്‍ച്ച് സെന്ററിന്റെ കെട്ടിട സമുച്ചയ നിര്‍മാണത്തിന് മുന്നോടിയായി നിലമൊരുക്കലിന് തുടക്കം. കളമശ്ശേരിയിലെ സെന്റര്‍ ക്യാമ്പസില്‍ ഇന്നലെ നിലമൊരുക്കലിന് സാക്ഷ്യം വഹിക്കാന്‍ സ്‌പെഷ്യല്‍ ഓഫീസര്‍ കൂടിയായ ജില്ലാ കളക്ടര്‍ മുഹമ്മദ് വൈ സഫിറുള്ളയും എത്തിയിരുന്നു. 12.3 ഏക്കറില്‍ നിര്‍മിക്കുന്ന കെട്ടിടസമുച്ചയത്തിനായി നിലമൊരുക്കുന്നതിന് 4.6 കോടി രൂപയാണ് ചെലവ്. നാല് മാസം കൊണ്ടാണ് നിലമൊരുക്കല്‍ പൂര്‍ണമാകുകയെങ്കിലും രണ്ട് മാസത്തിനകം തന്നെ നിര്‍മാണ പ്രവര്‍ത്തനങ്ങള്‍ ആരംഭിക്കാനാകുമെന്ന് കളക്ടര്‍ പറഞ്ഞു.

കൊച്ചി: നിയമം എവിടെ അവസാനിക്കുന്നുവോ അവിടെ ഏകാധിപത്യം പിടിമുറുക്കുമെന്ന് കേരള ഹൈക്കോടതി ചീഫ് ജസ്റ്റിസ് ആന്റണി ഡൊമിനിക്. നിയമവ്യവസ്ഥിതി നിലനിര്‍ത്തുന്നതില്‍ ക്രിമിനല്‍ ജുഡീഷ്യല്‍ സംവിധാനം വഹിക്കുന്ന പങ്ക് സുപ്രധാനമാണെന്നും അദ്ദേഹം പറഞ്ഞു.

ബോള്‍ഗാട്ടി പാലസ് ഹോട്ടലില്‍ സംസ്ഥാന പ്രോസിക്യൂട്ടര്‍മാരുടെ പരിശീലന ശില്‍പ്പശാല ഉദ്ഘാടനം ചെയ്യുകയായിരുന്നു ചീഫ് ജസ്റ്റിസ്.

വേനല്‍ക്കാലകൃഷിയില്‍ ജലവിനിയോഗം: ചര്‍ച്ച 26ന്

കൊച്ചി:  വൈറ്റില കൃഷിഭവനില്‍ വേനല്‍ക്കാലകൃഷിയില്‍ ജലവിനിയോഗം എന്ന വിഷയത്തിലുള്ള ചര്‍ച്ച സംഘടിപ്പിക്കുന്നു. മാര്‍ച്ച് 26ന് രാവിലെ 11ന് \ടക്കുന്ന ചര്‍ച്ചയില്‍ കൊച്ചിന്‍ കോര്‍പ്പറേഷന്‍ പരിധിയിലെ  കര്‍ഷകര്‍ പങ്കെടുക്കണമെന്ന് അഗ്രിക്കള്‍ച്ചറല്‍ ഫീല്‍ഡ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ 9447512831.

ക്വട്ടേഷന്‍ ക്ഷണിച്ചു

കൊച്ചി:  എറണാകുളം ഗവ: വികലാംഗ വനിത മന്ദിരത്തില്‍ സി.സി.ടി.വി സ്ഥാപിക്കുന്നതിന് ക്വട്ടേഷന്‍ ക്ഷണിച്ചു. കൂടുതല്‍ വിവരങ്ങള്‍ക്ക് ഫോണ്‍ 0484-2663688.