എം.എസ്.പിയുടെ ക്ലാരി ക്യാമ്പിലെ  309 കി.ഗ്രാം പഴയ കോപ്പര്‍ ലൈന്‍ കമ്പികള്‍ നിലമ്പൂര്‍ എം.എസ്.പി ക്യാമ്പില്‍ ഏപ്രില്‍ 10ന് രാവിലെ 11ന് ലേലം ചെയ്യും.   ഫോണ്‍ 0483 2734921.

ജില്ലയിലെ നാവിക സേനയില്‍ നിന്ന് വിരമിച്ച വിമുക്തഭട•ാര്‍ക്കും വിമുക്തഭടന്‍മാരുടെ വിധവകള്‍ക്കുമായുള്ള ബോധവല്‍ക്കരണ സെമിനാര്‍ മാര്‍ച്ച് 26ന് രാവിലെ 11 മുതല്‍ 12:30 വരെ ജില്ലാ സൈനിക ക്ഷേമ ഓഫീസില്‍ നടത്തും.  വിവിധ ക്ഷേമ കാര്യങ്ങളെ സംബന്ധിച്ച് നാവിക സേനാ പ്രതിനിധികള്‍ സെമിനാറില്‍ വിശദീകരിക്കും.  ജില്ലയിലെ നാവികസേനാ വിമുക്തഭടന്‍മാരുടെ വിധവകള്‍ ഈ സെമിനാറില്‍ പങ്കെടുക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.  ഫോണ്‍ : 04985 223380.

 പുഴക്കാട്ടിരി ഗവ. ഐ.ടി.ഐ.യില്‍ അരിത്‌മെറ്റിക് കം ഡ്രോയിംഗ് വിഭാഗത്തില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നു. ഏതെങ്കിലും വിഷയത്തിലുളള എഞ്ചിനീയറിംഗ് ബിരുദമോ ത്രിവത്സര എഞ്ചിനീയറിംഗ് ഡിപ്ലോമയോ ഉളളവര്‍ക്ക് അപേക്ഷിക്കാം. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി മാര്‍ച്ച് 28ന്   രാവിലെ 11ന് പുഴക്കാട്ടിരി ഗവ. ഐ.ടി.ഐ. പ്രിന്‍സിപ്പാള്‍ മുമ്പാകെ കൂടിക്കാഴ്ചക്ക് എത്ത്ണം. ഫോണ്‍ 04933 254088.

ജില്ലയിലെ 41 തദ്ദേശ സ്വയം ഭരണ സ്ഥാപനങ്ങളുടെ 2017-18 വാര്‍ഷിക പദ്ധതി ഭേദഗതിക്ക് ജില്ലാ ആസൂത്രണ സമിതി അംഗീകാരം നല്‍കി. ഇതില്‍ മൂന്ന് ബ്ലോക്ക് പഞ്ചായത്തുകളും അഞ്ച് മുനിസിപ്പാലിറ്റികളും 33 ഗ്രാമ പഞ്ചായത്തുകളും ഉള്‍പ്പെടും.

  തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എഡ്യൂക്കേഷന്‍ സെല്ലില്‍ ആരംഭിക്കുന്ന അവധിക്കാല കോഴ്‌സുകളായ ഡി.റ്റി.പി, എം.എസ്. ഓഫീസ്, ഡാറ്റാ എന്‍ട്രി, ബേസിക് കംപ്യൂട്ടര്‍ ഹാര്‍ഡ്‌വെയര്‍, ടാലി, വെല്‍ഡിംഗ്, കമ്മ്യൂണിക്കേറ്റീവ് ഇംഗ്ലീഷ്, സി,സി.പ്ലസ്, ജാവ, 2 & 4 വീലര്‍ മെയിന്റനന്‍സ്, ആട്ടോകാഡ്, ബ്യൂട്ടീഷന്‍ കോഴ്‌സ് (ബേസിക്) എന്നീ കോഴ്‌സുകളിലേയ്ക്ക് അപേക്ഷ ക്ഷണിക്കുന്നു.  അപേക്ഷാ ഫാറവും വിശദ വിവരങ്ങള്‍ക്കും ഫോണ്‍ : 0471-2360611.
പി.എന്‍.എക്‌സ്.1139/18

കൊല്ലം പാരിപ്പള്ളി സര്‍ക്കാര്‍ മെഡിക്കല്‍ കോളേജില്‍ പുതുതായി ട്രോമകെയര്‍ വാര്‍ഡും ട്രോമകെയര്‍ ഐ.സി.യു.വും നിര്‍മ്മിക്കുന്നതിനായി അഞ്ച് കോടി രൂപ അനുവദിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. അപകടങ്ങളില്‍പ്പെട്ടവര്‍ക്ക് ഉടന്‍ വിദഗ്ധ ചികിത്സ ലഭ്യമാക്കുന്നതിനാണ് മികച്ച ട്രോമകെയര്‍ സംവിധാനമൊരുക്കുന്നത്. കൊല്ലം മെഡിക്കല്‍ കോളേജില്‍ ന്യൂറോ സര്‍ജന്‍മാരെ നിയമിക്കുമെന്നും മന്ത്രി പറഞ്ഞു. ദേശീയ പാതയ്ക്ക് സമീപം സ്ഥിതിചെയ്യുന്നതുകൊണ്ട് അപകടത്തില്‍പ്പെടുന്ന നിരവധി പേരാണ് ചികിത്സ തേടിയെത്തുന്നത്.