കൊച്ചി: ആലുവ സബ് ജയില്‍ റോഡില്‍ സ്ഥിതി ചെയ്യുന്ന ഗവ. പ്രീ. എക്‌സാമിനേഷന്‍ ട്രെയിനിംഗ് സെന്ററില്‍ എറണാകുളം, കോട്ടയം, ഇടുക്കി, ആലപ്പുഴ ജില്ലകളിലുള്ള പട്ടികജാതി/പട്ടികവര്‍ഗ്ഗ വിഭാഗ വിദ്യാര്‍ത്ഥികള്‍ക്ക് സൗജന്യ പരിശീലനം ആരംഭിക്കുന്നു. റെയില്‍വേ അസിസ്റ്റന്റ് ലോക്കോ പൈലറ്റ്, ഗ്രൂപ്പ് ഡി, പി എസ് സി  എല്‍ ഡി സി ഖാദി ബോര്‍ഡ് (221/16), ലബോറട്ടറി അസിസ്റ്റന്റ് (41/2017), പ്രൊസസ്സ് സെര്‍വര്‍ (353/16) എന്നീ പരീക്ഷകള്‍ക്കാണ് പരിശീലനം. 

ജില്ലാ ലേബര്‍ ഓഫീസ് മുഖേന അസംഘടിത റിട്ടയേഡ് തൊഴിലാളി പെന്‍ഷന്‍ കൈപ്പറ്റുന്ന ഗുണഭോക്താക്കള്‍ ലൈഫ് സര്‍ട്ടിഫിക്കറ്റ് ജില്ലാ ലേബര്‍ ഓഫീസില്‍ ഏപ്രില്‍ 30 നകം ഹാജരാക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് 0483-2734814.

        
       ഇതര സംസ്ഥാന തൊഴിലാളികളുടെ ആരോഗ്യവും സുരക്ഷിതത്വവും ഉറപ്പ് വരുത്തുന്നതിന് സംസ്ഥാന സര്‍ക്കാര്‍ നടപ്പാക്കുന്ന ആവാസ് പദ്ധതിയില്‍ 18 നും 60 നുമിടയില്‍ പ്രായമുള്ള കുടിയേറ്റ തൊഴിലാളികള്‍ക്ക് അംഗമാകാം.

ചരക്ക് സേവന നികുതി മലപ്പുറം അസിസ്റ്റന്റ് കമ്മീഷണര്‍ എ.പി. ഭുവനേന്ദ്രന്‍, പെരിന്തല്‍മണ്ണ സ്റ്റേറ്റ് ടാക്‌സ് ഓഫീസര്‍ സി. ജനാര്‍ദ്ദനന്‍, മലപ്പുറം ഡെപ്യൂട്ടി കമ്മീഷണറുടെ ഓഫീസിലെ ഓഫീസ് അറ്റന്‍ഡന്റ് എ. അയ്യപ്പന്‍ എന്നിവര്‍ക്ക് യാത്രയയപ്പ് നല്‍കി.

ദേശീയ പാത വികസനവുമായി ബന്ധപ്പെട്ട് ഭൂവുടമകള്‍ക്കുള്ള ആശങ്കകളും സംശയങ്ങളും തീര്‍ക്കുന്നതിനുള്ള പഞ്ചായത്ത് തല യോഗം ഇന്ന് (ഏപ്രില്‍ 5) മൂന്നിയൂരില്‍ നടക്കും. പഞ്ചായത്ത് കമ്മ്യൂണിറ്റി ഹാളില്‍ വൈകിട്ട് മൂന്ന് മണിക്കാണ് യോഗം.
തേഞ്ഞിപ്പലം പഞ്ചായത്തിലെ യോഗം നാളെ (ഏപ്രില്‍ ആറ്) വൈകിട്ട് മൂന്നിന് പഞ്ചായത്ത് കമ്മ്യൂണിറ്റി ഹാളില്‍ ചേരും. ചേലേമ്പ്ര, പള്ളിക്കല്‍ പഞ്ചായത്തുകളുടെ യോഗം ഏപ്രില്‍ ഏഴിന് വൈകീട്ട് മൂന്നിന് ചേലേമ്പ്ര ഇടിമൂഴിക്കല്‍ എ.എല്‍.പി.സ്‌കൂളില്‍ നടക്കും.

ഹരിത കേരളം മിഷന്റെ ഭാഗമായി  ജില്ലയില്‍ നടപ്പാക്കി വരുന്ന പ്രവര്‍ത്തനങ്ങളുടെയും കച്ചവട  സ്ഥാപനങ്ങളില്‍ ഉറവിട മാലിന്യ സംസ്‌ക്കരണ സംവിധാനങ്ങള്‍ ഏര്‍പ്പെടുത്തുന്നതിന്റെ പുരോഗതിയും  ഇന്ന് (ഏപ്രില്‍ 7) അവലോകനം ചെയ്യും. ഉച്ചയ്ക്ക് രണ്ടിന് കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കുന്ന യോഗത്തില്‍ ജില്ലാ കളക്ടര്‍ ഡോ. ബി. എസ് തിരുമേനി അദ്ധ്യക്ഷത വഹിക്കും. 

കേരള സംസ്ഥാന സഹകരണ ഓംബുഡ്‌സ്മാന്‍ ജീന ജോസ് ഏപ്രില്‍ 10ന് കോഴിക്കോട് ജില്ലാ സഹകരണ ബാങ്കിലും ഏപ്രില്‍ 17, 24, 30 തീയതികളില്‍ തിരുവനന്തപുരം ഓംബുഡ്‌സ്മാന്‍ ഓഫീസിലും ഏപ്രില്‍ 20 ന് പാലക്കാട് ജില്ലാ സഹകരണ ബാങ്കിലും  ഏപ്രില്‍ 26 ന് കോട്ടയം ജില്ലാ സഹകരണ ബാങ്കിലും ഏപ്രില്‍ 27 ന് ഇടുക്കി ജില്ലാ സഹകരണ ബാങ്കിലും രാവിലെ 11 മണിക്ക് സിറ്റിംഗ് നടത്തും.  പരാതികള്‍ നേരിട്ട് സ്വീകരിക്കും. 

     ലോകാരോഗ്യദിനമായ ഇന്ന് (ഏപ്രില്‍ ഏഴിന്)  ഡോ.അരുണ്‍.ബി.നായര്‍ രചിച്ച് കേരള ഭാഷാ ഇന്‍സ്റ്റിറ്റ്യൂട്ട് പ്രസിദ്ധീകരിച്ച തൊഴിലിടങ്ങളിലെ മാനസികാരോഗ്യം എന്ന പുസ്തകം പ്രകാശനം ചെയ്യും.  എന്‍.വി. ഹാളില്‍  രാവിലെ 10.30ന് ആരോഗ്യസര്‍വകലാശാല വൈസ് ചാന്‍സലര്‍ ഡോ.എം.കെ.സി നായര്‍ തിരുവനന്തപുരം മെഡിക്കല്‍ കോളെജ് പ്രിന്‍സിപ്പാള്‍ ഡോ.തോമസ്മാത്യുവിന് നല്‍കി പ്രകാശനം ചെയ്യും.