കിള്ളിയാര്‍ മിഷന്‍ പ്രവര്‍ത്തനങ്ങളുടെ പ്രചരണാര്‍ത്ഥം സംഘടിപ്പിക്കുന്ന ജനകീയ യാത്രകള്‍ക്ക് ഇന്ന് (ഏപ്രില്‍ അഞ്ച്) തുടക്കമാവും. 'കിള്ളിയാറൊഴുകും സ്വസ്ഥമായ്' എന്ന സന്ദേശമുയര്‍ത്തി നെടുമങ്ങാട് ബ്ലോക്ക് പഞ്ചായത്ത്, നെടുമങ്ങാട് മുനിസിപ്പാലിറ്റി, കരകുളം, അരുവിക്കര, പനവൂര്‍, ആനാട് ഗ്രാമ പഞ്ചായത്തുകള്‍, ജലശ്രീമിഷന്‍, ഹരിതകേരളം മിഷന്‍ എന്നിവയ്ക്കു സംയുക്ത സംരംഭമാണ് കിള്ളിയാര്‍ മിഷന്‍. തൊഴിലുറപ്പ് പദ്ധതിയിലുള്ളവരുടെയും മുനിസിപ്പല്‍ പഞ്ചായത്ത്തല സമിതിയിലുള്ളവരുടെയും വിവിധ പ്രാദേശിക സമിതികളുടെയും കൂട്ടായ്മ ചേര്‍ന്ന വിപുലമായ ജനകീയ പങ്കാളിത്തമാണ് കിള്ളിയാര്‍ മിഷനുള്ളത്.

    ധനകാര്യ വകുപ്പ് ഡെപ്യൂട്ടി സെക്രട്ടറി ശോഭ വി.ആറിനെ കെല്‍പാം ഡയറക്ടര്‍ ബോര്‍ഡ് അംഗമായി നിയമിച്ച് ഉത്തരവായി.
പി.എന്‍.എക്‌സ്.1257/18
 

*തിരുവനന്തപുരത്ത് അതിഥിത്തൊഴിലാളികള്‍ക്ക് ഫെസിലിറ്റേഷന്‍ സെന്റര്‍ തുറന്നു

* നിയമസഭയുടെ ഏഴു ഗ്രന്ഥങ്ങളുടെ പ്രകാശനം നിര്‍വഹിച്ചു
    ഒട്ടേറെ സവിശേഷതകള്‍ കേരള നിയമസഭയ്ക്ക് അവകാശപ്പെടാനാവുമെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. 'കേരള നിയമസഭ- നടപടിക്രമങ്ങളും കീഴ്‌വഴക്കങ്ങളും' ഉള്‍പ്പെടെ ഏഴു ഗ്രന്ഥങ്ങളുടെ പ്രകാശനചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
    സബ്ജക്ട് കമ്മിറ്റികളുടെ രൂപീകരിക്കുന്നതിനും അവയുടെ പ്രവര്‍ത്തനത്തെ നിര്‍വചിക്കുന്നതിനുമുള്ള കേരള നിയമസഭയുടെ വ്യവസ്ഥകള്‍ മറ്റ് പല നിയമസഭകള്‍ക്കും പാര്‍ലമെന്റിനും മാതൃകയാണ്.

    യൂണിവേഴ്‌സിറ്റി ഫുഡ്‌സേഫ്റ്റി അപ്പലേറ്റ് ട്രിബ്യൂണലിന്റെ ഔദ്യോഗിക ക്യാമ്പ് ഏപ്രില്‍ 12 ന് തൃശ്ശൂര്‍ പി.ഡബ്ല്യൂ.ഡി റസ്റ്റ്ഹൗസില്‍ നടക്കും. ആ ദിവസത്തിലെ കേസുകളുടെ വാദം കേള്‍ക്കുന്നതോടൊപ്പം കാസര്‍ഗോഡ്, കണ്ണൂര്‍, വയനാട്, കോഴിക്കോട്, പാലക്കാട്, മലപ്പുറം, തൃശൂര്‍, ഇടുക്കി, എറണാകുളം ജില്ലകളിലെ ഫുഡ്‌സേഫ്റ്റി ആക്ട് 2006 ന്റെ പരിധിയില്‍ വരുന്ന കേസുകളും യൂണിവേഴ്‌സിറ്റി കേസുകളും അപ്പീല്‍ ചട്ടങ്ങള്‍ക്കനുസൃതമായി ഫയലില്‍ സ്വീകരിക്കും.
പി.എന്‍.എക്‌സ്.1253/18

    തിരുവനന്തപുരം മെഡിക്കല്‍കോളേജിനടുത്ത് പുതുപ്പള്ളി ലെയ്‌നിലുള്ള ഐ.എച്ച്.ആര്‍.ഡി റീജീയണല്‍ സെന്ററില്‍ ഏപ്രില്‍ രണ്ടാം വാരം ആരംഭിക്കുന്ന പോസ്റ്റ് ഗ്രാജുവേറ്റ് ഡിപ്ലോമ ഇന്‍ എംബഡഡ് ഡിസൈന്‍, കമ്പ്യൂട്ടര്‍ ഹാര്‍ഡ്‌വെയര്‍ ആന്റ് നെറ്റ്‌വര്‍ക്ക് മെയിന്റനന്‍സ്, ടാലി, എംബഡഡ് സിസ്റ്റം ആന്റ് ഇമേജ് പ്രോസസിംഗ് കോഴ്‌സുകളിലേക്ക് അപേക്ഷ ക്ഷണിച്ചു. പ്രവേശനം ആഗ്രഹിക്കുന്നവര്‍ റീജീയണല്‍ സെന്ററില്‍ നേരിട്ടോ 0471-2550612, 9400519491 നമ്പരുകളിലോ ബന്ധപ്പടണം.
പി.എന്‍.എക്‌സ്.1252/18

    ന്യൂനപക്ഷ ക്ഷേമ വകുപ്പിനു കീഴിലെ ന്യൂനപക്ഷ യുവജനതയ്ക്കുളള കൊടുങ്ങല്ലൂര്‍ (തൃശൂര്‍ ജില്ല) പരിശീലന കേന്ദ്രത്തിലെ ഓഫീസ് അറ്റന്‍ഡന്റ് തസ്തികയില്‍ (യോഗ്യത എട്ടാം ക്ലാസ് പാസ്)  താത്കാലിക നിയമനത്തിന് വാക്ക്-ഇന്‍ ഇന്റര്‍വ്യൂ നടത്തും.  നിശ്ചിത യോഗ്യതയുളളവര്‍ അസല്‍ സര്‍ട്ടിഫിക്കറ്റുകള്‍ സഹിതം ഏപ്രില്‍ 11ന് രാവിലെ 11ന് ഡയറക്ടര്‍, ന്യൂനപക്ഷ ക്ഷേമ ഡയറക്ടറേറ്റ്, വികാസ് ഭവന്‍ (നാലാം നില), തിരുവനന്തപുരം മുമ്പാകെ നേരിട്ട് ഹാജരാകണം.
പി.എന്‍.എക്‌സ്.1250/18