ഐ.റ്റി.ഡി.പി ഓഫീസിന്റെ നിയന്ത്രണത്തില്‍ ഇടുക്കിയില്‍ പ്രവര്‍ത്തിക്കു ഏകലവ്യ മോഡല്‍ റസിഡന്‍ഷ്യല്‍ സ്‌കൂളിലെ വിദ്യാര്‍ത്ഥിനികളുടെ ആരോഗ്യക്ഷേമ പ്രവര്‍ത്തനങ്ങള്‍ക്കും ശാരീരികവും ആരോഗ്യപരവുമായ പ്രശനങ്ങള്‍ കൈകാര്യം ചെയ്യുതിനും ആരോഗ്യപ്രശ്‌നങ്ങള്‍ മുന്‍കൂ'ി മനസ്സിലാക്കി ഫലപ്രദമായ ബോധവല്‍ക്കരണം നല്‍കുതിനുമായി ജൂനിയര്‍ പ'ിക് ഹെല്‍ത്ത് നഴ്‌സ് തസ്തികയിലേക്ക് കരാറടിസ്ഥാനത്തില്‍ നിയമനം നടത്തുു.

കൊച്ചി: മഴക്കാലത്തിന് മുമ്പ് ജലസ്രോതസുകള്‍ വൃത്തിയാക്കുന്നതിന് ജില്ലാ ഭരണകൂടം ആവിഷ്‌കരിച്ച നൂറു കുളം പദ്ധതി ലക്ഷ്യത്തിലേക്ക് മുന്നേറുന്നു. ഹരിതകേരളം മിഷന്റെ ഭാഗമായി നടപ്പാക്കുന്ന പദ്ധതിയില്‍ കഴിഞ്ഞ രണ്ടു ദിവസങ്ങളിലായി എട്ടു കുളങ്ങള്‍ കൂടി വൃത്തിയാക്കി. ഇതോടെ ഈ സീസണില്‍ വൃത്തിയാക്കിയ കുളങ്ങളുടെ എണ്ണം 27ലെത്തി. മൊത്തം നൂറു കുളങ്ങളാണ് ലക്ഷ്യം. ജില്ലാ കളക്ടര്‍ മുഹമ്മദ് വൈ സഫിറുള്ളയുടെ നേരിട്ടുള്ള മേല്‍നോട്ടത്തില്‍ മൈനര്‍ ഇറിനേഷന്‍, ഗ്രാമപഞ്ചായത്ത്, ശുചിത്വമിഷന്‍, ഹരിത കേരളം മിഷന്‍ എന്നിവയുടെ സഹകരണത്തോടെയാണ് നൂറു കുളം പദ്ധതി പുരോഗമിക്കുന്നത്. 

കൊച്ചി: മന്ത്രിസഭാ വാര്‍ഷിക പരിപാടികളെ കുറിച്ച് ആലോചിക്കുന്നതിന് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥിന്റെ അധ്യക്ഷതയില്‍ ഏപ്രില്‍ 09 തിങ്കളാഴ്ച്ച ചേരാനിരുന്ന ജില്ലാതല വകുപ്പുമേധാവികളുടെയും ജനപ്രതിനിധികളുടെയും തഹസില്‍ദാര്‍മാരുടെയും യോഗം ഏപ്രില്‍ 11ലേക്ക് മാറ്റി. സ്ഥലം: കളക്ടറേറ്റ് കോണ്‍ഫറന്‍സ് ഹാള്‍, സമയം 03 മണി

കെട്ടിട നികുതി പിരിവില്‍ 2017-18 സാമ്പത്തിക വര്‍ഷം റെക്കോഡ് നേട്ടവുമായി സംസ്ഥാനത്തെ ഗ്രാമപഞ്ചായത്തുകള്‍. ആകെ 941 ഗ്രാമപഞ്ചായത്തുകളില്‍ 185 ഗ്രാമപഞ്ചായത്തുകള്‍ 100 ശതമാനം വസ്തുനികുതി പിരിച്ചെടുത്തു. 83.75 ശതമാനമാണ് സംസ്ഥാനത്തെ ഗ്രാമപഞ്ചായത്തുകളുടെ 2017-18 വര്‍ഷത്തെ വസ്തുനികുതി പിരിവ് ശരാശരി. ആകെ ഡിമാന്റ് തുകയായ 650.74 കോടി രൂപയില്‍ 539.02 കോടി രൂപ പിരിച്ചെടുത്താണ് ഗ്രാമപഞ്ചായത്തുകള്‍ ചരിത്രനേട്ടം കരസ്ഥമാക്കിയത്. 94.71 ശതമാനം നികുതി പിരിച്ച മലപ്പുറം ജില്ല ഒന്നാമതും, 93.79 ശതമാനം പിരിച്ച കണ്ണൂര്‍ രണ്ടാം സ്ഥാനത്തുമെത്തി.

    കേരളത്തിന്റെ സാമൂഹ്യ വികസനത്തില്‍ സ്റ്റുഡന്റ്‌സ് പോലീസ് കേഡറ്റുകള്‍ നിര്‍വഹിച്ച പങ്ക് സ്തുത്യര്‍ഹമാണെന്ന് ഗവര്‍ണര്‍ പി.സദാശിവം പറഞ്ഞു. ലോകത്തെ ഏറ്റവും വലിയ ജനാധിപത്യ വികസിത രാജ്യമായ ഇന്ത്യയെ നയിക്കേണ്ട ഭാവി നേതാക്കളായി വളരാന്‍ സ്റ്റുഡന്റ് പോലീസ് കേഡറ്റുകള്‍ക്ക് കഴിയുമെന്നും ഗവര്‍ണര്‍ പറഞ്ഞു. വെള്ളായണിയില്‍ നടന്ന തിരുവനന്തപുരം ജില്ലയിലെ സ്റ്റുഡന്റ് പോലീസ് കേഡറ്റുകളുടെ വാര്‍ഷിക വേനലവധി ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.

    ഇന്ത്യയിലാദ്യമായി മസ്തിഷ്‌ക മരണം സ്ഥിരീകരിക്കുന്നതിനുള്ള മാര്‍ഗരേഖ കേരള സര്‍ക്കാര്‍ പുറത്തിറക്കിയതായി ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍. മസ്തിഷ്‌ക മരണത്തെക്കുറിച്ച് ജനങ്ങള്‍ക്കുണ്ടായ ആശങ്കകള്‍ക്കും സംശയങ്ങള്‍ക്കും വിരാമമിടുന്നതിന് വേണ്ടി ഹൈക്കോടതിയുടെ നിര്‍ദേശ പ്രകാരമാണ് ആരോഗ്യ വകുപ്പ് മാര്‍ഗരേഖ പുറത്തിറക്കിയത്. എല്ലാവിധ ശാസ്ത്രീയ പരിശോധനകള്‍ക്ക് ശേഷവും ജീവിതത്തിലേക്ക് വരാനുള്ള ഒരു സാഹചര്യവുമില്ലെന്ന് ഉറപ്പു വരുത്തുകയാണ് മാര്‍ഗരേഖയിലൂടെ ലക്ഷ്യമിടുന്നതെന്നും മന്ത്രി പറഞ്ഞു. 

    മൂന്നു വയസുകാരിയായ മകളെ ലൈംഗികമായി പീഡിപ്പിച്ച ഇടുക്കി സ്വദേശിയെ അറസ്റ്റു ചെയ്തു.  സംസ്ഥാന ശിശുക്ഷേമ സമിതിയുടെ തണല്‍ 1517 ടോള്‍ഫ്രീ നമ്പരില്‍ ലഭിച്ച പരാതിയുടെ അടിസ്ഥാനത്തില്‍ തണല്‍ പ്രവര്‍ത്തകരും ഇടുക്കി ചൈല്‍ഡ് വെല്‍ഫെയര്‍ കമ്മിറ്റിയും അന്വേഷണം നടത്തിയ റിപ്പോര്‍ട്ട് ചെയ്തതിന്റെ അടിസ്ഥാനത്തിലാണ് അറസ്റ്റ്. 
    ഇടുക്കി ചൈല്‍ഡ് വെല്‍ഫെയര്‍ കമ്മിറ്റിയുടെ ഉത്തരവിനു വിധേയമായി കുട്ടിയെ സുരക്ഷിത സ്ഥാനത്തേക്ക് മാറ്റിപാര്‍പ്പിക്കുന്നതിനുളള നടപടികള്‍ ജില്ലാ ശിശുക്ഷേമ സമിതി സ്വീകരിച്ചിട്ടുണ്ടെന്ന് സംസ്ഥാന ശിശുക്ഷേമ സമിതി ജനറല്‍ സെക്രട്ടറി ദീപക് എസ്.പി അറിയിച്ചു.

    റേച്ചല്‍ തോമസിനെ കേരള സംസ്ഥാനത്തെ മുഴുവന്‍ പ്രദേശത്തേക്കും കെ.രഘുനാഥനെ തളിപ്പറമ്പ് താലൂക്ക് പ്രദേശത്തേക്കും എം.വി. ഭാനുപ്രകാശിനെ തൃശൂര്‍ റവന്യൂ ജില്ലയിലേയ്ക്കും കെ. പ്രദ്യുവിനെ തലശേരി താലൂക്ക് പ്രദേശത്തേക്കും കെ. അശോകനെ കോഴിക്കോട് താലൂക്ക് പ്രദേശത്തേക്കും  എം.ജി. സുധര്‍മനെ തിരുവനന്തപുരം കോര്‍പ്പറേഷന്‍ പ്രദേശത്തേക്കും എം.എം. അഷറഫിനെ ആലപ്പുഴ റവന്യൂ ജില്ലയിലുള്‍പ്പെട്ട മുഴുവന്‍ പ്രദേശത്തേക്കും ജി. അരവിന്ദാക്ഷന്‍ നായരെ തിരുവനന്തപുരം റവന്യു ജില്ലയില്‍ ഉള്‍പ്പെട്ട മുഴുവന്‍ പ്രദേശത്തേക്കും നോട്ടറിയായി വരുന്ന അഞ്ചു വര്‍ഷത്തേക്ക് പുനര്‍നിയമിച്ചു.
പി.എന്‍.എക്‌സ്.1306/18

    അഖിലേന്ത്യാ അപ്രന്റീസ്ഷിപ്പ് ട്രേഡ് ടെസ്റ്റിന്റെ (2017 മാര്‍ച്ച്) ഫലം പ്രസിദ്ധീകരിച്ചു.  സംസ്ഥാനത്തെ എല്ലാ ആര്‍.ഐ. സെന്ററുകളിലും, തിരുവനന്തപുരത്തുള്ള തൊഴില്‍ ഭവനിലെ ട്രെയിനിംഗ് ഡയറക്ടറേറ്റിലും http://www.det.kerala.gov.in എന്ന വെബ്‌സൈറ്റിലും പരീക്ഷാഫലം ലഭ്യമാണ്.
പി.എന്‍.എക്‌സ്.1305/18