വിഷുവിനോടനുബന്ധിച്ച്  കേരള ഖാദി ഗ്രാമവ്യവസായ ബോര്‍ഡ്  ഏപ്രില്‍ നാല് മുതല്‍ 13 വരെ ഖാദി തുണിത്തരങ്ങള്‍ക്ക് 10 ശതമാനം അധിക റിബേറ്റ് അനുവദിച്ചു. ഇക്കാലയളവില്‍ ഖാദി കോട്ടണ്‍-സില്‍ക്ക്-സ്പണ്‍ സില്‍ക്ക്  തുണി ഉല്‍പ്പന്നങ്ങള്‍ക്കും ഖാദി-സില്‍ക്ക് റെഡി മെയ്ഡ് വസ്ത്രങ്ങള്‍ക്കും മൊത്തം 30 ശതമാനം റിബേറ്റ് ലഭിക്കും. ബോര്‍ഡിന്റെ നിയന്ത്രണത്തിലും ഖാദിബോര്‍ഡിന്റെയോ  കേന്ദ്ര ഖാദി കമ്മീഷന്റെയോ അംഗീകാരത്തോടെ പ്രവര്‍ത്തിക്കുന്ന വില്പന കേന്ദ്രങ്ങളിലും   ആനുകൂല്യം ലഭിക്കും
 പി.എന്‍.എക്‌സ്.1179/18

    ലൈബ്രറി സയന്‍സ് കോഴ്‌സ് ഏപ്രില്‍ രണ്ടിന് നടത്താന്‍ നിശ്ചയിച്ചിരുന്ന ലൈബ്രറി കാറ്റലോഗ് (പ്രാക്ടീസ്) പരീക്ഷ ഏപ്രില്‍ മൂന്നിന് ഉച്ചയ്ക്ക് രണ്ട് മുതല്‍ നാല് വരെ നടത്തുമെന്ന് പരീക്ഷാഭവന്‍ സെക്രട്ടറി അറിയിച്ചു.
 പി.എന്‍.എക്‌സ്.1178/18

    രാജ്യത്തെ വൈദ്യുതി വകുപ്പ് ജീവനക്കാരായ കായിക താരങ്ങള്‍ക്കുവേണ്ടി ഓള്‍ ഇന്ത്യ ഇലക്ട്രിസിറ്റി സ്‌പോര്‍ട്‌സ് കണ്‍ട്രോള്‍ ബോര്‍ഡ് സംഘടിപ്പിക്കുന്ന 42ാമത് അഖിലേന്ത്യാ ബാഡ്മിന്റണ്‍ ടൂര്‍ണമെന്റ് സംസ്ഥാന വൈദ്യുതി വകുപ്പ് മന്ത്രി എംഎം മണി ഉദ്ഘാടനം ചെയ്തു. വൈദ്യുതി ഭവന്‍ മിനി സ്റ്റേഡിയത്തില്‍ നടന്ന ഉദ്ഘാടനച്ചടങ്ങില്‍ ടൂര്‍ണമെന്റ് ഓര്‍ഗനൈസിംഗ് കമ്മിറ്റി വൈസ് ചെയര്‍മാന്‍ വേണുഗോപാല്‍ സ്വാഗതം പറഞ്ഞു.

കോട്ടയം ഹരിത കേരള മിഷനിലേക്ക് കരാര്‍ അടിസ്ഥാനത്തില്‍ വാഹനം ഓടുന്നതിന് ഏപ്രില്‍ ആറ് വൈകുന്നേരം മൂന്നിനകം ദര്‍ഘാസ് നല്‍കണം. കൂടുതല്‍ വിവരം കോട്ടയം കളക്‌ട്രേറ്റിലുളള ഹരിതകേരള മിഷന്‍ ഓഫീസില്‍ നിന്നും  അറിയാം. ഫോണ്‍: 9447862064

* ആറ്റിങ്ങല്‍ ശ്രീപാദം സ്‌റ്റേഡിയം സ്‌പോര്‍ട്‌സ് ഹബ്ബാക്കാനുള്ള പ്രവര്‍ത്തനങ്ങള്‍ക്ക് തുടക്കമായി
    കായികമേഖലയില്‍ പുതിയകാലത്തിനൊത്ത ആധുനികസൗകര്യങ്ങള്‍ ഒരുക്കാനാണ് സര്‍ക്കാര്‍ ശ്രമിക്കുന്നതെന്ന് വ്യവസായ കായിക വകുപ്പ് മന്ത്രി എ.സി. മൊയ്തീന്‍ അഭിപ്രായപ്പെട്ടു. ആറ്റിങ്ങല്‍ ശ്രീപാദം സ്‌റ്റേഡിയത്തെ സ്‌പോര്‍ട്‌സ് ഹബ്ബായി ഉയര്‍ത്താനുള്ള വിവിധ നിര്‍മാണപ്രവര്‍ത്തനങ്ങളുടെയും പുതിയ ബോക്‌സിംഗ് റിങ്ങിന്റെയും ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.

    തിരു-കൊച്ചി മുഖ്യമന്ത്രിയായിരുന്ന സി. കേശവന്റെ സ്മരണയ്ക്കായി തപാല്‍ സ്റ്റാമ്പ് പുറത്തിറക്കുന്നതിന് സംസ്ഥാന സര്‍ക്കാര്‍ അഞ്ചു ലക്ഷത്തി പതിനായിരം രൂപ അനുവദിച്ചു.  സി. കേശവന്‍ ഫൗണ്ടേഷന്‍ സെക്രട്ടറിയുടെ അഭ്യര്‍ത്ഥന പ്രകാരമാണ് തിരുവനന്തപുരം സീനിയര്‍ പോസ്റ്റ്മാസ്റ്റര്‍, കേരള സര്‍ക്കിളിന്റെ പേരില്‍ 5,10,000 രൂപ സാംസ്‌കാരിക വകുപ്പ് അനുവദിച്ചത്.
പി.എന്‍.എക്‌സ്.1175/18

    ദേശീയ സ്‌കൂള്‍ കായിക മത്സരങ്ങളില്‍ മികച്ച നേട്ടങ്ങള്‍ കൈവരിക്കുന്ന കുട്ടികള്‍ക്ക് ക്യാഷ് അവാര്‍ഡ് നല്‍കുന്നതിന്റെ വിതരണോത്ഘാടനം വിദ്യാഭ്യാസ മന്ത്രി പ്രൊഫ സി. രവീന്ദ്രനാഥ് നിര്‍വഹിച്ചു.  നിയമസഭാ മന്ദിരത്തിലെ മന്ത്രിയുടെ ചേമ്പറില്‍ നടന്ന ചടങ്ങില്‍ മുഹമ്മദ് അഫ്‌സല്‍, ജിഷ പി.വി., പി.ജി. മനോജ് എന്നിവര്‍ക്ക് മന്ത്രി കാഷ് അവാര്‍ഡ് വിതരണം ചെയ്തു.

    കാഴ്ചപരിമിതര്‍ക്കു വേണ്ടിയുളള തിരുവനന്തപുരം വഴുതക്കാട് സര്‍ക്കാര്‍ വിദ്യാലയത്തിന്റെ അറുപതാം വാര്‍ഷികാഘോഷ സമാപന സമ്മേളനം ഇന്ന് (മാര്‍ച്ച് 28) രാവിലെ 11ന് സ്‌കൂള്‍ അങ്കണത്തില്‍ നടക്കും.   ഡെപ്യൂട്ടി മേയര്‍ രാഖി രവികുമാര്‍ അധ്യക്ഷത വഹിക്കുന്ന ചടങ്ങില്‍ വി.എസ്.ശിവകുമാര്‍ എം.എല്‍.എ സമ്മേളനം ഉദ്ഘാടനം ചെയ്യും.
പി.എന്‍.എക്‌സ്.1173/18

*ഔഷധിയുടെ പുതിയ ഔഷധ നിര്‍മാണ കേന്ദ്രത്തിന്റെ പ്രവര്‍ത്തനോദ്ഘാടനം മുഖ്യമന്ത്രി നിര്‍വഹിച്ചു
    ആയുര്‍വേദ ഔഷധ നിര്‍മാണത്തില്‍ മികച്ച ഗുണ നിലവാരം നില നിര്‍ത്താന്‍ ഔഷധിക്കു കഴിഞ്ഞുവെന്ന് മുഖ്യമന്ത്രി പിണറായി വിജയന്‍ പറഞ്ഞു. ഔഷധിയില്‍ നിര്‍മിക്കുന്ന മരുന്നുകള്‍ക്ക് ആവശ്യക്കാര്‍ ഏറെയാണ്. ആയുര്‍വേദത്തിന്റെ വ്യാപനത്തിന് സര്‍ക്കാര്‍ മികച്ച പിന്തുണ നല്‍കുമെന്നും മുഖ്യമന്ത്രി പറഞ്ഞു. ഔഷധിക്കു വേണ്ടി തിരുവനന്തപുരത്തെ മുട്ടത്തറയില്‍ നിര്‍മാണം പൂര്‍ത്തിയാക്കിയ  പുതിയ ഔഷധ നിര്‍മാണ കേന്ദ്രത്തിന്റെ പ്രവര്‍ത്തനോദ്ഘാടനം നിര്‍വഹിക്കുകയായിരുന്നു അദ്ദേഹം.