പൊതുവിദ്യാഭ്യാസ ഡയറക്ടറേറ്റില്‍ ഇ ഓഫീസ് ഫയല്‍ മാനേജ്‌മെന്റ് സിസ്റ്റം നടപ്പിലാക്കുന്നതിന്റെ  ഉദ്ഘാടനം ഇന്ന് (മാര്‍ച്ച് 27) നടക്കും.  ഉച്ചയ്ക്ക് 12 മണിക്ക് ഡി.പി.ഐ ഓഫീസ് ഓഡിറ്റോറിയത്തില്‍ വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് ഉദ്ഘാടനം നിര്‍വഹിക്കും.  വി.എസ്. ശിവകുമാര്‍ എം.എല്‍.എ അധ്യക്ഷത വഹിക്കും.  മേയര്‍ വി.കെ. പ്രശാന്ത്, ശശി തരൂര്‍ എം.പി എന്നിവര്‍ മുഖ്യ അതിഥികളായിരിക്കും.
പി.എന്‍.എക്‌സ്.1159/18
 

    തിരുവനന്തപുരം: മുട്ടത്തറയില്‍ നിര്‍മ്മാണം പൂര്‍ത്തീകരിച്ച പുതിയ ഔഷധ നിര്‍മ്മാണ യൂണിറ്റിന്റെ പ്രവര്‍ത്തനോദ്ഘാടനം ഇന്ന് (മാര്‍ച്ച് 27) വൈകുന്നേരം 3.30ന് മുഖ്യമന്ത്രി പിണറായി വിജയന്‍ നിര്‍വഹിക്കും. ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍ അധ്യക്ഷത വഹിക്കും. വി.എസ്. ശിവകുമാര്‍ എം.എല്‍.എ., നഗരസഭാ മേയര്‍ അഡ്വ. വി.കെ. പ്രശാന്ത്, ജില്ലാ പഞ്ചായത്ത് പ്രസിഡന്റ് വി.കെ. മധു തുടങ്ങിയവര്‍ പങ്കെടുക്കും.
പി.എന്‍.എക്‌സ്.1158/18

    തിരുവനന്തപുരം: മുട്ടത്തറയില്‍ നിര്‍മ്മാണം പൂര്‍ത്തീകരിച്ച പുതിയ ഔഷധ നിര്‍മ്മാണ യൂണിറ്റിന്റെ പ്രവര്‍ത്തനോദ്ഘാടനം ഇന്ന് (മാര്‍ച്ച് 27) വൈകുന്നേരം 3.30ന് മുഖ്യമന്ത്രി പിണറായി വിജയന്‍ നിര്‍വഹിക്കുന്നു. ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍ അധ്യക്ഷത വഹിക്കും. വി.എസ്. ശിവകുമാര്‍ എം.എല്‍.എ., നഗരസ'ാ മേയര്‍ അഡ്വ. വി.കെ. പ്രശാന്ത്, ജില്ലാ പഞ്ചായത്ത് പ്രസിഡന്റ് വി.കെ. മധു തുടങ്ങിയവര്‍ പങ്കെടുക്കും.

    കേരള ഭാഷാ ഇന്‍സ്റ്റിറ്റ്യൂട്ട് സംഘടിപ്പിക്കുന്ന കേരള ഭാഷാപാഠശാല  ഏപ്രില്‍ 5ന് തിരുവനന്തപുരത്ത് ആരംഭിക്കും.  അപേക്ഷ ഇന്‍സ്റ്റിറ്റ്യൂട്ടിന്റെ  ഓഫീസില്‍ നിന്ന് ലഭിക്കും.
    അക്ഷരം, പദം, വാക്യം, വ്യാകരണം എന്നീ ക്രമത്തില്‍ തെറ്റില്ലാതെ മലയാളം ഉപയോഗിക്കുന്നതിനുള്ള കഴിവ് പഠിതാക്കളില്‍ വളര്‍ത്തുകയാണ് ലക്ഷ്യം. പഠനകാലാവധി രണ്ടുമാസമാണ്. രാവിലെ പത്തുമുതല്‍ ഒരു മണി വരെയാണ് പഠനസമയം.

    എസ്.എസ്.എല്‍.സി. പരീക്ഷയുടെ കേന്ദ്രീകൃത മൂല്യനിര്‍ണയത്തിനു മുന്നോടിയായി സംസ്ഥാനത്തെ തെരഞ്ഞെടുത്ത കേന്ദ്രങ്ങളില്‍ നിശ്ചയിച്ചിരുന്ന സ്‌കീം ഫൈനലൈസേഷന്‍ ക്യാമ്പുകള്‍ ഏപ്രില്‍ മൂന്ന്, നാല് തീയതികളില്‍ നടത്തും.  54 മൂല്യനിര്‍ണയ കേന്ദ്രങ്ങളിലായി അഞ്ചിന് തുടങ്ങാന്‍ നിശ്ചയിച്ചിരുന്ന ഉത്തരക്കടലാസ് മൂല്യനിര്‍ണയം ഏപ്രില്‍ ആറ് മുതല്‍ 20 വരെ ഒറ്റഘട്ടമായി നടത്തും.
പി.എന്‍.എക്‌സ്.1155/18

* മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു
    ആറാമത് സംസ്ഥാനതല സ്‌പെഷ്യല്‍ സ്‌കൂള്‍ ടീച്ചര്‍ ട്രെയിനീസ് കലോത്‌സവം 'സ്പന്ദനം 2018'ന് തുടക്കമായി. നാലാഞ്ചിറ മാര്‍ ഗ്രിഗോറിയസ് റിന്യൂവല്‍ സെന്ററില്‍ നടക്കുന്ന കലോത്‌സവം തുറമുഖ-പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു.
    മാനുഷികമായ ഭാവത്തോടും ആര്‍ദ്രമായ മനസോടും സ്‌നേഹസ്പര്‍ശത്തോടെ ജീവകാരുണ്യപരമായ സമീപനം ബുദ്ധിപരമായ വെല്ലുവിളികള്‍ നേരിടുന്ന കുട്ടികളോട് പുലര്‍ത്താന്‍ ഇത്തരം സര്‍ഗാത്മപ്രവര്‍ത്തനങ്ങള്‍ സഹായിക്കുമെന്ന് അദ്ദേഹം പറഞ്ഞു.

    സ്റ്റേഷനറി വകുപ്പിന്റെ തിരുവനന്തപുരത്തെ മുഖ്യ സ്റ്റേഷനറി സ്റ്റോറില്‍ വാര്‍ഷിക സ്റ്റോക്കെടുപ്പ് നടക്കുന്നതിനാല്‍ ഏപ്രില്‍ രണ്ട്, മൂന്ന്, നാല്, അഞ്ച് തീയതികളില്‍ സ്റ്റേഷനറി വിതരണം ഉണ്ടായിരിക്കില്ല.
പി.എന്‍.എക്‌സ്.1152/18

    തിരുവനന്തപുരം കൈമനം ഗവ. വനിതാ പോളിടെക്‌നിക് കോളേജില്‍ അവധിക്കാല കോഴ്‌സുകളായ അപ്പാരല്‍ ഡിസൈനിംഗ്, ഹാന്‍ഡ് എംബ്രോയിഡറി ബീഡ്‌സ് ആന്റ് സ്വീക്വന്‍സ് വര്‍ക്ക്, സാരി ഡിസൈനിംഗ്, ഗ്ലാസ് പൊയിന്റിംഗ്, ഫാബ്രിക് പെയിന്റിംഗ്, മെഷീന്‍ മെക്കാനിസം എന്നിവയിലേയ്ക്ക് അപേക്ഷ ക്ഷണിച്ചു. 
    അപേക്ഷ ഫോറത്തിനും വിശദവിവരങ്ങള്‍ക്കും അപ്പാരല്‍ ആന്റ് ഫാഷന്‍ ഡിസൈനിംഗ് സെക്ഷനുമായോ 9400333230, 7560972412 എന്ന നമ്പറിലോ ബന്ധപ്പെടണം.
പി.എന്‍.എക്‌സ്.1151/18