ജില്ലയില്‍ മുഴുവന്‍ തദ്ദേശഭരണ സ്ഥാപനങ്ങളുടെയും വാര്‍ഷിക പദ്ധതികള്‍ക്കും ജില്ലാ ആസൂത്രണ സമിതിയുടെ അംഗീകാരം. മാര്‍ച്ച് 31ന് ഇടുക്കി ജില്ലാ പഞ്ചായത്തിന്റെയും ഇടുക്കി, ദേവികുളം, അഴുത, അടിമാലി ബ്ലോക്ക് പഞ്ചായത്തുകളുടെയും മാങ്കുളം ഗ്രാമപഞ്ചായത്തിന്റെയും വാര്‍ഷിക പദ്ധതികള്‍ക്ക് അംഗീകാരമായതോടെയാണ് ജില്ലയിലെ തദ്ദേശഭരണ സ്ഥാപനങ്ങളുടെയും പദ്ധതിക്ക് ഡി.പി.സി അംഗീകാരമായത്. 

ജില്ലയിലെ രണ്ട് തദ്ദേശ സ്വയംഭരണ വാര്‍ഡുകളിലേക്ക് ഉപതെരഞെടുപ്പ് നടത്തുന്നതിന്റെ ഭാഗമായി വോട്ടര്‍ പട്ടിക പുതുക്കും. മഞ്ചേരി നഗരസഭയിലെ പാലക്കുളം, പോത്തുകല്‍ പഞ്ചായത്തിലെ പോത്തുകല്‍ എന്നിവടങ്ങളിലാണ് വോട്ടര്‍ പട്ടിക പുതുക്കുന്നത്. ഇതിന്റെ ഭാഗമായി മണ്ഡലത്തിലെ കരട് വോട്ടര്‍ പട്ടിക ഏപ്രില്‍ മൂന്നിന് പ്രസിദ്ധീകരിക്കും. പരാതിയുള്ളവര്‍ക്ക് ഏപ്രില്‍ 17 വരെ സമര്‍പ്പിക്കാം.പരാതിയില്‍ ഏപ്രില്‍ 27 നകം തീര്‍പ്പ് കല്‍പ്പിക്കും. അന്തിമ വോട്ടര്‍ പട്ടിക ഏപ്രില്‍ 30 ന് പ്രസിദ്ധീകരിക്കും.

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായ ഹൈടെക്ക് സ്‌കൂള്‍ പദ്ധതിയുടെ രണ്ടാം ഘട്ടത്തില്‍ ക്ലാസ് മുറികള്‍ തയ്യാറാക്കിയ സ്‌കൂളുകള്‍ക്കുള്ള ഉപകരണ വിതരണം ഇന്ന് (മാര്‍ച്ച് 29)  നടക്കുന്നു. രണ്ടാം ഘട്ടത്തിലേക്ക് തെരെഞ്ഞെടുക്കപ്പെട്ട സ്‌കൂളുകള്‍ കൈറ്റിന്റെ മലപ്പുറം ജില്ലാ ഓഫീസില്‍ നിന്നും ഉപകരണങ്ങള്‍ കൈപറ്റേണ്ടതാണെന്ന് ജില്ലാ കോര്‍ഡിനേറ്റര്‍ ടി.കെ അബ്ദുല്‍ റഷീദ് അറിയിച്ചു.

മലപ്പുറം അഡീഷണല്‍ ജില്ലാ മജിസ്‌ട്രേറ്റായി വി.രാമചന്ദ്രന്‍ ചുമതലയേറ്റു.നിലവില്‍ ഇലക്ഷന്‍ വിഭാഗം ഡപ്യുട്ടി കലക്ടറായിരിക്കെയാണ് നിയമനം. മലപ്പുറം കലക്‌ട്രേറ്റല്‍ ഹൂസൂര്‍ ശിരസ്തദാറായി ജോലി ചെയ്തിട്ടുണ്ട്. ഇതിനു പുറമെ ഏറനാട് തഹസില്‍ദാറായും ജോലിചെയ്തു. പാലക്കാട്,വയനാട് എന്നിവടങ്ങളില്‍ ഇലക്ഷന്‍ ഡപ്യുട്ടി കലക്ടറായിരുന്നു. മലപ്പുറം കുന്നുമ്മല്‍ സാജു റോഡിലാണ് താമസം.

ആരോഗ്യ വകുപ്പ് ജില്ലാ മെഡിക്കല്‍ ഓഫീസില്‍ സ്റ്റാറ്റിക് വര്‍ക്ക് ഷോപ്പില്‍ ഉപയോഗ ശൂന്യമായി കിടക്കുന്ന വാഹനങ്ങളുടെ സ്‌പെയര്‍ പാര്‍ട്ട്‌സ് ലേലം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ലഭിക്കേണ്ട അവസാന തിയതി ഏപ്രില്‍ 20. കൂടുതല്‍ വിവരങ്ങള്‍ക്ക്  0483-2737857 എന്ന നമ്പറില്‍ ബന്ധപ്പെടുക.

    ജനസംഖ്യാധിഷ്ഠിത ജീവിതശൈലീ രോഗനിര്‍ണയ പദ്ധതി സംസ്ഥാനതല ഉദ്ഘാടനം ഇന്ന് (ഏപ്രില്‍ നാല്)  വൈകുന്നേരം 3.30 ന് വേളി പ്രാഥമികാരോഗ്യ കേന്ദ്രത്തില്‍  ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ നിര്‍വഹിക്കുന്നു. സഹകരണ, ദേവസ്വം, ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ ചടങ്ങില്‍ അധ്യക്ഷത വഹിക്കും.