ജില്ലാ അഴിമതി നിവാരണ സമിതി കലക്‌ട്രേറ്റില്‍ സ്ഥാപിച്ചിരിക്കുന്ന പരാതിപ്പെട്ടി മാര്‍ച്ച് ഒന്ന് രാവിലെ 11 ന് തുറക്കും. തുടര്‍ന്ന് അഴിമതി നിവാരണ സമിതി ജില്ലാ കലക്ടറുടെ അധ്യക്ഷതിയില്‍ യോഗം ചേരും.

         മാതാപിതാക്കളുടേയും മുതിര്‍ന്ന പൗര•ാരുടെയും ക്ഷേമവും സംരക്ഷണവും സംബന്ധിച്ച 2007ലെ നിയമപ്രകാരം മെയിന്റനന്‍സ്  ട്രിബ്യുണലുകളായി നോട്ടിഫൈ ചെയ്തിട്ടുള്ള തിരൂര്‍/പെരിന്തല്‍മണ്ണ  അര്‍.ഡി.ഒ ഓഫീസുകളില്‍ സാമൂഹ്യ നീതി വകുപ്പ് ടെക്‌നിക്കല്‍ അസ്സിസ്റ്റന്റുമാരെ നിയമിക്കുന്നു. ജില്ലയില്‍ രണ്ട് ഒഴിവുകളാണുള്ളത്. ഒരു വര്‍ഷത്തേക്കാണ് നിയമനം. 21000 രൂപ പ്രതിമാസ ഹോണറേറിയം ലഭിക്കും.

പിന്നോക്ക വിഭാഗ വികസന കോര്‍പ്പറേഷന്‍ ഒ.ബി.സി/മതന്യൂനപക്ഷ വിഭാഗത്തില്‍പ്പെട്ട പ്രൊഫഷണലുകള്‍ക്ക് സ്റ്റാര്‍ട്ട് അപ് സംരംഭം തുടങ്ങുന്നതിനുള്ള വായ്പാ പദ്ധതിയ്ക്ക് ഓണ്‍ലൈന്‍ രജിസ്‌ട്രേഷന്‍ ആരംഭിക്കുന്നു. 

ഐ.സി.ഡി.എസ് കൊണ്ടോട്ടി അഡീഷണല്‍ ഓഫീസിന്റെ  പരിധിയിലുള്ള 128 അങ്കണവാടികളിലേക്ക് 2017-18 വര്‍ഷത്തേക്ക് അനുവദിച്ച പ്രീസ്‌കൂള്‍ കിറ്റുകള്‍ അങ്കണവാടികളില്‍ വിതരണം ചെയ്യുന്നതിന് അംഗീകൃത സ്ഥാപനങ്ങളില്‍ നിന്ന്  ടെണ്ടര്‍ ക്ഷണിച്ചു.  ടെണ്ടറുകള്‍ മാര്‍ച്ച് ഒമ്പതിന് വൈകീട്ട് മൂന്നികനം ഐ.സി.ഡി.എസ് ഓഫീസ്, കൊണ്ടോട്ടി അഡീഷണല്‍, ഐക്കരപ്പടി. പി.ഒ വിലാസത്തില്‍ ലഭിക്കണം.  ഫോണ്‍ 04832 792260.

എംപ്ലോയ്‌മെന്റ് എക്‌സ്‌ചേഞ്ച് മുഖേന ജില്ലാ റവന്യൂ ഭരണത്തിനു കീഴില്‍ വില്ലേജ് ഫീല്‍ഡ് അസിസ്റ്റന്റ് തസ്തികയില്‍ താല്‍ക്കാലിക നിയമനത്തിനായി പരീക്ഷയിലും അഭിമുഖത്തിലും പങ്കെടുത്തവരുടെ മാര്‍ക്ക് ലിസ്റ്റ് കലക്‌ട്രേറ്റ് നോട്ടീസ് ബോര്‍ഡില്‍ പ്രസിദ്ധീകരിച്ചു.

ജില്ലയിലെ സഹകരണ ബാങ്കുകളില്‍ നിന്നും സഹകരണസംഘങ്ങളില്‍ നിന്നും വായ്പ എടുത്ത 12 മത്സ്യതൊഴിലാളികള്‍ക്ക് ആനുകൂല്യം അനുവദിക്കുന്നതിനായി ബന്ധപ്പെട്ട സഹകരണ സംഘങ്ങള്‍/ബാങ്കുകള്‍ക്ക് 3,15,127 രൂപ അനുവദിച്ചിട്ടുണ്ടെന്ന് ജില്ലാ സഹകരണ സംഘം ജോയിന്റ് രജിസ്ട്രാര്‍ (ജനറല്‍) അറിയിച്ചു.

മലാപറമ്പ് 220 കെ.വി ലൈനില്‍ അറ്റകുറ്റപണി നടക്കുന്നതിനാല്‍ പെരിന്തല്‍മണ്ണ, മേലാറ്റൂര്‍, രാമപുരം പ്രദേശങ്ങളിലുള്ള ഉപഭോക്താക്കള്‍ക്ക് മാര്‍ച്ച് ഒന്ന്, രണ്ട് തിയ്യതികളില്‍ രാവിലെ എട്ട് മുതല്‍ വൈകീട്ട് ആറ് വരെ വൈദ്യുതി ഭാഗികമായി തടസ്സപ്പെടുമെന്ന് കെ.എസ്.ഇ.ബി ട്രാന്‍സിഷന്‍ വിഭാഗം ഡെപ്യൂട്ടി ചീഫ് എഞ്ചിനീയര്‍ അറിയിച്ചു.