ജില്ലയിലെ ബ്ലോക്ക് പഞ്ചായത്തുകള്‍ ജനസൗഹൃദമാകുന്നു. ഇത് സംബന്ധിച്ച് ബ്ലോക്ക് പഞ്ചായത്ത് പ്രസിഡന്റുമാക്കും സെക്രട്ടറിമാര്‍ക്കുമായി നടത്തിയ ശില്പശാല ജില്ലാ കളക്ടര്‍ ഡോ. ബി.എസ് തിരുമേനി ഉദ്ഘാടനം ചെയ്തു. അസി. ഡവലപ്പ്‌മെന്റ് കമ്മീഷണര്‍ (ജനറല്‍) പി. എസ് ഷിനോ വിഷയം അവതരിപ്പിച്ചു. പ്രോജക്ട് ഡയറക്ടര്‍ ജെ.ബെന്നി മുഖ്യപ്രഭാഷണം നടത്തി. ശില്പശാലയില്‍  ളാലം ബ്ലോക്ക് പഞ്ചായത്ത് പ്രസിഡന്റ്  ജോര്‍ജ്ജ് അഗസ്റ്റിന്‍ നടയത്ത്, സന്തോഷ് എന്നിവര്‍ ക്ലാസെടുത്തു.

ബിപിഎല്‍ വിഭാഗങ്ങള്‍ക്ക് മുന്‍ഗണന നല്‍കിക്കൊണ്ട് ന്യായവിലയ്ക്ക് സാമഗ്രികള്‍ വിതരണം ചെയ്യും: റവന്യു മന്ത്രി

കൊച്ചി: എറണാകുളം ദര്‍ബാര്‍ ഹാള്‍ ഗ്രൗണ്ടില്‍ വാരാന്ത്യ ചലച്ചിത്ര പ്രദര്‍ശനത്തിന് തുടക്കമായി. റിച്ചാര്‍ഡ് ആറ്റന്‍ബറോ സംവിധാനം ചെയ്ത ഗാന്ധി സിനിമയാണ് ആദ്യമായി പ്രദര്‍ശിപ്പിച്ചത്. ഗ്രൗണ്ടിലെ സ്റ്റേജില്‍ സജ്ജമാക്കിയ വലിയ സ്‌ക്രീനിലാണ് പ്രദര്‍ശനം. ചലച്ചിത്രോത്സവങ്ങളില്‍ ശ്രദ്ധ നേടിയവ ഉള്‍പ്പെടെയുള്ള ചിത്രങ്ങള്‍ വാരാന്ത്യങ്ങളില്‍ പ്രദര്‍ശിപ്പിക്കും.

കൊച്ചി: എറണാകുളം പാര്‍ക്ക് അവന്യൂവിലെ പാര്‍ക്കിങ് പ്രശ്‌നത്തിന് പരിഹാരമായി പുതിയ പേ ആന്റ് പാര്‍ക്ക്. ജലഗതാഗത വകുപ്പിന്റെ ബോട്ടുകള്‍ അടുക്കുന്ന ബോട്ടുജെട്ടി ടെര്‍മിനലിന് മുന്‍വശത്താണ് വിശാലമായ പാര്‍ക്കിങ് സൗകര്യം ഒരുക്കിയിരിക്കുന്നത്. മാര്‍ച്ച് 10 മുതല്‍ ഇവിടെ ഒരേസമയം 60 കാറുകളും 100 ഇരുചക്ര വാഹനങ്ങളും പാര്‍ക്ക് ചെയ്യാനാകും. ജില്ലാ ടൂറിസം കൗണ്‍സിലിനും കുടുംബശ്രീയ്ക്കുമാണ് പാര്‍ക്കിങിന്റെ ചുമതലയെന്ന് ജില്ലാ കളക്ടര്‍ മുഹമ്മദ് വൈ സഫിറുള്ള അറിയിച്ചു.

കൊച്ചി: ജില്ലയിലെ മത്സ്യത്തൊഴിലാളി കുടുംബങ്ങളിലെ വിദ്യാര്‍ത്ഥികള്‍ക്ക് സൗജന്യമായി മെഡിക്കല്‍, എഞ്ചിനീയറിങ് എന്‍ട്രന്‍സ് പരീക്ഷ പരിശീലനം നേടാന്‍ വഴിയൊരുക്കി പുതുയുഗം. ജില്ലാ കളക്ടര്‍ മുഹമ്മദ് വൈ സഫിറുള്ള മുന്‍കയ്യെടുത്ത് ആവിഷ്‌കരിച്ച പരിശീലന പരിപാടിയിലേക്ക് ഇന്നലെ നടന്ന അഭിരുചി നിര്‍ണയ പരീക്ഷയില്‍ 76 പ്ലസ് വണ്‍ സയന്‍സ് ഗ്രൂപ്പ് വിദ്യാര്‍ത്ഥികള്‍ പങ്കെടുത്തു. ഇതില്‍ നിന്നും 50 പേരെ തെരഞ്ഞെടുത്ത് പരിശീലിപ്പിക്കും.

പി.എസ്.സിയുടെ വജ്രജൂബിലി ആഘോഷങ്ങളുടെ സമാപന സമ്മേളനം പട്ടം പി.എസ്.സി ക്യാമ്പസില്‍ ഇന്ന് (ഫെബ്രുവരി 26) വൈകിട്ട് 3.30ന് ഗവര്‍ണര്‍ പി. സദാശിവം ഉദ്ഘാടനം ചെയ്യും.  മന്ത്രി തോമസ് ഐസക്ക് അധ്യക്ഷത വഹിക്കുന്ന ചടങ്ങില്‍ പ്രതിപക്ഷ നേതാവ് രമേശ് ചെന്നിത്തല, പി.എസ്.സി ചെയര്‍മാന്‍ എം.കെ. സക്കീര്‍, പി.എസ്.സി മെമ്പര്‍ പി.ശിവദാസന്‍ എന്നിവര്‍ പങ്കെടുക്കും.

പി.എന്‍.എക്‌സ്.723/18

    തിരുവനന്തപുരം ഗവണ്‍മെന്റ് ആയുര്‍വേദ കോളേജ് അഗദതന്ത്ര വിഭാഗം കല്ലിയൂര്‍ ഗ്രാമപഞ്ചായത്തിലെ കാര്‍ഷികകോളേജ് പാല്‍സൊസൈറ്റി ഹാളില്‍  ത്വക് രോഗങ്ങള്‍ക്ക് പ്രാധാന്യം നല്‍കി സൗജന്യ മെഡിക്കല്‍ ക്യാമ്പ് ഇന്ന് (ഫെബ്രുവരി 26) നടത്തും.
പി.എന്‍.എക്‌സ്.724/18
 

തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എഡ്യൂക്കേഷന്‍ സെല്ലില്‍ ആരംഭിക്കുന്ന ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍(ഡി.സിഎ), ടോട്ടല്‍ സ്റ്റേഷന്‍, അഡ്വാന്‍സ്ഡ് കംപ്യൂട്ടര്‍ ഹാര്‍ഡ് വെയര്‍ മെയിന്റനന്‍സ്, മൊബൈല്‍ഫോണ്‍ ടെക്‌നോളജി, ആട്ടോകാഡ് 2ഡി, ആട്ടോകാഡ് 3 ഡി കോഴ്‌സുകളിലേക്ക് അപേക്ഷ ക്ഷണിച്ചു. ഫോണ്‍: 0471 2360611 

പി.എന്‍.എക്‌സ്.724/18

പി.എസ്.സിയുടെ വജ്രജൂബിലി ആഘോഷങ്ങളുടെ സമാപന സമ്മേളനം ഇന്ന് (ഫെബ്രുവരി 26) വൈകിട്ട് 3.30ന് ഗവര്‍ണര്‍ പി. സദാശിവം ഉദ്ഘാടനം ചെയ്യും.  മന്ത്രി തോമസ് ഐസക്ക് അധ്യക്ഷത വഹിക്കുന്ന ചടങ്ങില്‍ പ്രതിപക്ഷ നേതാവ് രമേശ് ചെന്നിത്തല, പി.എസ്.സി ചെയര്‍മാന്‍ എം.കെ. സക്കീര്‍, പി.എസ്.സി മെമ്പര്‍ പി.ശിവദാസന്‍ എന്നിവര്‍ പങ്കെടുക്കും.

പി.എന്‍.എക്‌സ്.723/18