കൊച്ചി:  കേരള ഫിഷറീസ് സമുദ്ര പഠന സര്‍വ്വകലാശാല (കുഫോസ്) പയ്യനൂരില്‍ ആരംഭിക്കുന്ന പ്രാദേശിക കേന്ദ്രത്തില്‍ ഓഫിസ് അസിസ്റ്റന്റിന്റെയും ഓഫിസ് അറ്റഡന്റിന്റെയും ഒഴിവുണ്ട്. കരാര്‍ അടിസ്ഥാനത്തില്‍ ഒരു വര്‍ഷത്തേക്കാണ് നിയമനം. മൂന്ന് വര്‍ഷം വരെ തുടരാം. ഏതെങ്കിലും സര്‍വ്വകലാശാലയിലോ സര്‍ക്കാര്‍ വിദ്യാഭ്യാസ സ്ഥാപനത്തിലോ അഡ്മിനിസ്‌ട്രേറ്റീവ് ജോലിയില്‍ അഞ്ച് വര്‍ഷത്തെ പരിചയവും ബിരുദവും ഉള്ളവര്‍ക്ക് ഓഫിസ് അസിസ്റ്റന്റ് തസ്തികയിലേക്ക് അപേക്ഷിക്കാം. അലവന്‍സുകളെല്ലാം അടക്കം പ്രതിമാസം 29,200 രൂപ ശമ്പളം ലഭിക്കും.

കൊച്ചി: കൂവപ്പടി ബ്ലോക്ക് പട്ടികജാതി വികസന ഓഫീസില്‍ നിന്നും 2007-08 സാമ്പത്തിക വര്‍ഷം മുതല്‍ 2015-16 സാമ്പത്തിക വര്‍ഷം വരെ ഭവന നിര്‍മ്മാണ ധനസഹായം അനുവദിച്ചതും പണി പൂര്‍ത്തീകരിക്കാത്തതുമായ വീടുകളുടെ പൂര്‍ത്തീകരണത്തിനായി ബന്ധപ്പെട്ട ഗുണഭോക്താക്കളെ ലൈഫ് മിഷന്‍ പദ്ധതിയില്‍ ഉള്‍പ്പെടുത്തിയിരുന്നു. എന്നാല്‍ ഇതു വരെ നിര്‍ദിഷ്ട പ്രവൃത്തികള്‍ ആരംഭിക്കാത്ത ഗുണഭോക്താക്കളെ ലൈഫ് മിഷന്‍ പദ്ധതിയില്‍ നിന്നും ഒഴിവാക്കും. ഈ ഗുണഭോക്താക്കള്‍ കൂവപ്പടി ബ്ലോക്ക് പട്ടികജാതി വികസന ഓഫീസുമായി ബന്ധപ്പെടണമെന്ന് കൂവപ്പടി ബ്ലോക്ക് പട്ടികജാതി വികസന ഓഫീസര്‍ അറിയിച്ചു.

കണ്ണൂര്‍ ഗവ.പോളിടെക്‌നിക്ക് കോളേജിലെ ടി ബി ഐ സെന്ററില്‍ സ്ട്രക്ചറല്‍ നെറ്റ് വര്‍ക്ക് കേബിളിങ്ങ് ചെയ്യാന്‍ താല്‍പര്യമുള്ളവരില്‍ നിന്നും ക്വട്ടേഷ ക്ഷണിച്ചു.  27 ന് വൈകിട്ട് 2 മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2780226.

കൊച്ചി: ഈ മാസം 26 ന് രാവിലെ 10-ന് കൂവപ്പാടം കൊച്ചിന്‍ കോളേജില്‍, കൃഷിയില്‍ മണ്ണു പരിശോധനയുടെ ആവശ്യകത, ഗാര്‍ഹിക കീടനാശിനികള്‍ എന്നീ വിഷയങ്ങള്‍ ഉള്‍പ്പെടുന്ന  ബോധവല്‍ക്കരണ ക്‌ളാസ് നടത്തുന്നു.

     കൊച്ചി: ജില്ലയല്‍ ഭക്ഷ്യഭദ്രതാ നിയമം 2013 പ്രകാരം ഫെബ്രുവരി മാസം വിവിധ വിഭാഗം റേഷന്‍ കാര്‍ഡ് ഉടമകള്‍ക്ക് റേഷന്‍ വിതരണം തുടങ്ങി.
    അന്ത്യോദയ അന്നയോജന വിഭാഗത്തിന് കാര്‍ഡ് ഒന്നിന് 28 കിലോഗ്രാം അരിയും ഏഴ് കിലോഗ്രാം ഗോതമ്പും സൗജന്യമായി ലഭിക്കും. മുന്‍ഗണന വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും നാല് കിലോഗ്രാം അരിയും ഒരു കിലോഗ്രാം ഗോതമ്പും സൗജന്യമായി ലഭിക്കും.

പള്ളിക്കുന്ന് കൃഷ്ണമേനോന്‍ സ്മാരക ഗവ. വനിതാ കോളജിലെ എന്‍.എസ്.എസ് യൂനിറ്റുകള്‍ സംഘടിപ്പിക്കുന്ന കൃത്രിമക്കാല്‍ നിര്‍മ്മാണവും വിതരണവും നടത്തുന്ന ക്യാമ്പ് നാളെ (ഫെബ്രു. 25) രാവിലെ പത്തിന് കോളജില്‍ തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും. ക്യാന്‍സര്‍ സഹായനിധിയും മന്ത്രി കൈമാറും. കണ്ണൂര്‍ കോര്‍പറേഷന്‍ മേയര്‍ ഇ.പി ലത വിശിഷ്ടാതിഥിയാവും. പ്രിന്‍സിപ്പല്‍ ഡോ. കെ.പി റിജുല അധ്യക്ഷത വഹിക്കും. ക്യാമ്പിന്റെ സമാപന ദിനമായ മാര്‍ച്ച് ഒന്നിന് രാവിലെ പത്തിന് ജില്ലാ കലക്ടര്‍ മീര്‍ മുഹമ്മദ് അലി കൃത്രിമക്കാല്‍ വിതരണോദ്ഘാടനം നിര്‍വഹിക്കും.

     കൊച്ചി: ഐ.ടി അധിഷ്ഠിത വിദ്യാഭ്യാസത്തെ പ്രോത്സാഹിപ്പിക്കുന്നതിന്റെ ഭാഗമായി ജില്ലാ പഞ്ചായത്ത് പരിധിയിലുളള 58 ഹൈസ്‌കൂളുകള്‍ക്ക് ലാപ്‌ടോപ്പ് വിതരണം ചെയ്തു. ലാപ്‌ടോപ്പ് വിതരണം, സ്മാര്‍ട്ട് ക്ലാസ് റൂം എന്നീ പദ്ധതികള്‍ക്കായി ജില്ലാ പഞ്ചായത്ത് ഫണ്ടും മലയോര തീരദേശ മേഖലയിലെ സ്‌കൂളുകള്‍ക്ക് കൊച്ചിന്‍ റിഫൈനറിയുടെ സി.എസ്.ആര്‍ ഫണ്ടായ 25 ലക്ഷം രൂപയും ചേര്‍ത്ത് 2.5 കോടി രൂപയാണ് ചെലവഴിച്ചത്. പരിപാടിയുടെ ഉദ്ഘാടനം ജില്ലാ പഞ്ചായത്ത് ഇ.എം.എസ് ഹാളില്‍ ഡോ.എം.ലീലാവതി ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ആശ സനില്‍ അദ്ധ്യക്ഷത വഹിച്ചു. 

തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നാളെ (ഫെബ്രുവരി 25) ജില്ലയിലെ വിവിധ പരിപാടികളില്‍ പങ്കെടുക്കും.  രാവിലെ 6.30 കണ്ണൂര്‍ സൈക്ലോത്തോണ്‍ ഉല്‍ഘാടനം, സ്റ്റേഡിയം കോര്‍ണര്‍,  9.30 ന് വൈദ്യുതി സുരക്ഷാ സെമിനാര്‍ - കണ്ണൂര്‍ ബ്ലൂനൈല്‍ ഹോട്ടല്‍, 10.30 ന് എന്‍എസ്എസ് കൃത്രിമ കാല്‍ നിര്‍മ്മാണ യൂനിറ്റ് ഉദ്ഘാടനം കൃഷ്ണമേനോന്‍ കോളേജ് പള്ളിക്കുന്ന് 5 മണി - ലൈബ്രറി കൗണ്‍സില്‍ ചലച്ചിത്ര മേള ഉല്‍ഘാടനം ടൗണ്‍ സ്‌ക്വയര്‍.
പി.എന്‍.സി/389/2018

     കൊച്ചി: ഡ്രഗ്‌സ് കണ്‍ട്രോള്‍ ആയുര്‍വേദ വിഭാഗത്തില്‍ എറണാകുളം ഡ്രഗ്‌സ് ഇന്‍സ്‌പെക്ടര്‍ ഓഫീസ് ഉപയോഗത്തിന് കരാര്‍ അടിസ്ഥാനത്തില്‍ ഒരു വര്‍ഷത്തേക്ക് വാഹനം വാടകയ്ക്ക് എടുക്കുന്നതിന് നിര്‍ദ്ദിഷ്ട ഫോറത്തില്‍ നിബന്ധനകള്‍ക്ക് വിധേയമായി വാഹന ഉടമകള്‍/ഏജന്‍സികള്‍/കോണ്‍ട്രാക്ടര്‍മാര്‍ എന്നിവരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മാര്‍ച്ച് ആറിന് ഉച്ചയ്ക്ക് മൂന്നു വരെ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍ 0484-2426693.

ശബ്ദ മലിനീകരണ വിമുക്ത കേരളം ലക്ഷ്യമാക്കി മോട്ടോര്‍ വാഹന വകുപ്പിന്റെ നേതൃത്വത്തില്‍ നടന്ന പരിശോധനയില്‍ മുപ്പതിലധികം വാഹനങ്ങള്‍ക്കെതിരെ കണ്ണൂരില്‍ നടപടിയെടുത്തു.    കാതടപ്പന്‍  ശബ്ദമുണ്ടാക്കുന്ന വാഹന ഹോണുകള്‍ക്കെതിരെ പൊതുജനങ്ങളുടെ പരാതികള്‍ നിലവിലിരിക്കെയാണ് നടപടി.  ഇരുനൂറോളം വാഹനങ്ങള്‍ പരിശോധിച്ചു.   30000 രൂപ പിഴ ഈടാക്കി.  തുടര്‍ന്നും ഇത്തരം പരിശോധനകള്‍ ഉണ്ടാവുമെന്ന്  അറിയിച്ചു.  ജോയിന്റ് ആര്‍ ടി ഒ അബ്ദുള്‍ ഷുക്കൂറിന്റെ നേതൃത്വത്തില്‍ വെഹിക്കിള്‍ ഇന്‍സ്‌പെക്ടര്‍മാര്‍ പങ്കെടുത്തു.
പി.എന്‍.സി/389/2018