പദ്ധതിതുക ചെലവഴിക്കുന്നത് കൂടുതല്‍ കാര്യക്ഷമവും വേഗത്തിലുമാക്കാന്‍ ജില്ലാകലക്ടര്‍ കെ മുഹമ്മദ് വൈ സഫീറുള്ള ഉദ്യോഗസ്ഥരോട്  നിര്‍ദേശിച്ചു. കാക്കനാട് കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന ജില്ലാ വികസന സമിതിയില്‍ ആയിരുന്നു കലക്ടര്‍ നിര്‍ദേശം നല്‍കിയത്. ജില്ലയില്‍ ഇതുവരെ 50.8 ശതമാനമാണ് പദ്ധതിതുക ചെലവഴിച്ചിട്ടുള്ളത്.
തുതിയൂര്‍ റോഡ് അറ്റകുറ്റപ്പണി സംബന്ധിച്ച് പൊതുമരാമത്ത് വകുപ്പും ജല അതോറിറ്റിയും സംയുക്ത പരിശോധന നടത്തി ധനസഹായം ലഭിക്കുന്നതിന് ആവശ്യമായ നടപടി സ്വീകരിച്ചിട്ടുണ്ടെന്ന് ഉദ്യോഗസ്ഥര്‍ വികസന സമിതിയില്‍ അറിയിച്ചു. 

സംസ്ഥാന സഹകരണ യൂണിയന്‍ സംഘടിപ്പിക്കുന്ന പതിനൊന്നാമത് സഹകരണ കലോത്സവം കണ്ണൂര്‍ ശിക്ഷക് സഭന്‍ ഓഡിറ്റോറിയത്തില്‍ വിപുലമായ പരിപാടികളോടെ നടത്തി.  ജില്ലാ സഹകരണ സംഘം ജോയിന്റ് രജിസ്ട്രാര്‍ സി ഗിരീശന്‍ ഉദ്ഘാടനം ചെയ്തു.   സഹകരണ പരിശീലന കേന്ദ്രം പ്രിന്‍സിപ്പല്‍ സി അബ്ദുള്ള അധ്യക്ഷത വഹിച്ചു.  അമര്‍നാഥ് എം പി, ചന്ദ്രന്‍ എന്‍, രജിത പി, ടി പി സുനില്‍കുമാര്‍ എന്നിവര്‍ സംസാരിച്ചു.  പ്ലാനിങ്ങ് ഫോറം കണ്‍വീനര്‍ സന്തോഷ് കുമാര്‍ നി വി സ്വാഗതവും ആശലത എ നന്ദിയും പറഞ്ഞു.
പി.എന്‍.സി/389/2018

ജില്ലാ ആയുര്‍വേദ ആശുപത്രിയില്‍ ഒഴിവുള്ള ഫിസിയോ തെറാപ്പിന്റെ തസ്തികയിലേക്ക് മാര്‍ച്ച് ഒന്നിന്  രാവിലെ 11 മണിക്ക് ഇന്റര്‍വ്യൂ നടത്തും.  താല്‍പര്യമുള്ള ഗവ.അംഗീകൃത ബി പി ടി സര്‍ട്ടിഫിക്കറ്റ് കോഴ്‌സ് പാസായ ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ജില്ലാ ആയു.ആശുപത്രിയില്‍ ഹാജരാകണം.
പി.എന്‍.സി/389/2018

സൗദി അറേബ്യയിലെ അല്‍മന ആശുപത്രിയില്‍ നഴ്‌സ് നിയമനത്തിന് ബി.എസ്‌സി നഴ്‌സിങ്/ജി.എന്‍.എം യോഗ്യതയുളളവരും സൗദി അറ്റസ്റ്റേഷന്‍, പ്രോമെട്രിക് എന്നിവ പൂര്‍ത്തിയാക്കിയവരുമായ വനിതകളില്‍നിന്ന് നോര്‍ക്ക റൂട്ട്‌സ് അപേക്ഷ ക്ഷണിച്ചു. പ്രായം 40ല്‍ താഴെ. രണ്ടുവര്‍ഷത്തെ പരിചയം വേണം.  അപേക്ഷയും രേഖകളും മാര്‍ച്ച് 10നു മുന്‍പായി rmt5.norka@kerala.gov.in എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ www.norkaroots.net സൈറ്റിലും നോര്‍ക്ക റൂട്ട്‌സിന്റെ കാള്‍ സെന്ററിലും ലഭിക്കും. ഫോണ്‍: 1800 425 3939 (ഇന്ത്യയ്ക്കുളളില്‍ നിന്ന്), 0091 471 233 33 39 (വിദേശത്തുനിന്ന്).
പി.എന്‍.സി/389/2018

സംസ്ഥാന സാക്ഷരതാ മിഷന്‍ ആദിവാസി ഊരുകളില്‍ നടപ്പിലാക്കുന്ന സാക്ഷരതാ പദ്ധതിയായ സമഗ്ര പദ്ധതിയുടെയും പട്ടികജാതി കോളനികളില്‍ നടപ്പിലാക്കുന്ന നവചേതന പദ്ധതിയുടെയും ഭാഗമായുള്ള സര്‍വ്വെ ഫെബ്രു. 25, 26 തീയതികളില്‍ നടക്കും. പദ്ധതി നടപ്പിലാക്കുന്ന കോളനികളില്‍ സംഘാടക സമിതികള്‍ രൂപീകരിക്കുകയും മുന്നൊരുക്ക പ്രവര്‍ത്തനങ്ങള്‍ നടക്കുകയും ചെയ്തു. മാര്‍ച്ച് ഒന്നിന് ക്ലാസുകള്‍ ആരംഭിക്കും.
പി.എന്‍.സി/389/2018

പൊതുവിദ്യാഭ്യാസ വകുപ്പ് പ്രൈമറി സ്‌കൂള്‍ വിദ്യാര്‍ഥികള്‍ക്ക് നടത്തുന്ന എല്‍.എസ്.എസ്, യു.എസ്.എസ് പരീക്ഷകള്‍ ജില്ലയിലെ നൂറോളം കേന്ദ്രങ്ങളില്‍ നടന്നു. രണ്ടു ഭാഗങ്ങളിലായി നടന്ന പരീക്ഷ 10 മണിക്ക് ആരംഭിച്ച് 3 മണിക്ക് അവസാനിച്ചു. എല്ലാ കേന്ദ്രങ്ങളിലും പ്രത്യേകം പരിശീലനം നേടിയ ചീഫ്, ഡെപ്യൂട്ടി ചീഫ്, ഇന്‍വജിലേറ്റര്‍മാര്‍ എന്നിവര്‍ നേതൃത്വം നല്‍കി.

ജില്ലാ സാക്ഷരതാ സമിതി യോഗം 27 ന് ഉച്ചക്ക് 2 മണിക്ക് ജില്ലാ പഞ്ചായത്ത് പ്രസിഡണ്ടിന്റെ ചേമ്പറില്‍ ചേരും.  എല്ലാ സാക്ഷരതാ സമിതി അംഗങ്ങളും പങ്കെടുക്കണമെന്ന് ജില്ലാ കോ ഒ.ര്‍ഡിനേറ്റര്‍ അറിയിച്ചു.
പി.എന്‍.സി/389/2018

തലശ്ശേരി താലൂക്ക് വികസന സമിതി യോഗം മാര്‍ച്ച് 3 ന് രാവിലെ 10.30 ന് താലൂക്ക് ഓഫീസ് കോണ്‍ഫറന്‍സ് ഹാളില്‍ ചേരും.  യോഗത്തില്‍ എല്ലാ വികസന സമിതി അംഗങ്ങളും ഉദേ്യാഗസ്ഥരും പങ്കെടുക്കണമെന്ന് തഹസില്‍ദാര്‍ അറിയിച്ചു.
പി.എന്‍.സി/389/2018

സംസ്ഥാന ഐ ടി വകുപ്പിന് കീഴില്‍ പ്രവര്‍ത്തിക്കുന്ന സി ഡിറ്റില്‍ ആരംഭിക്കുന്ന ഡി സി എ, ഡി ടി പി, അക്കൗണ്ടിങ്ങ്, വേഡ് പ്രൊസസിങ്ങ്, ഡാറ്റാ എന്‍ട്രി ഓപ്പറേറ്റര്‍, എം എസ് ഓഫീസ് കോഴ്‌സുകള്‍ എസ് എല്‍ സി യോഗ്യതയുള്ളവരില്‍ നിന്നും അപേക്ഷ ക്ഷണിച്ചു.  എസ് സി, എസ് ടി, ബി പി എല്‍ വിഭാഗങ്ങളില്‍പെട്ടവര്‍ക്ക് ഫീസ് ഇളവ് ലഭിക്കും.  അപേക്ഷാ ഫോറവും വിശദ വിവരങ്ങളും സി ഡിറ്റ് പഠനകേന്ദ്രം, ചൊവ്വ ശിവിക്ഷേത്രത്തിന് എതിര്‍വശം, മേലെ ചൊവ്വ എന്ന വിലാസത്തില്‍ ലഭിക്കും.  ഫോണ്‍: 0497 2729877.
പി.എന്‍.സി/389/2018