കൊച്ചി: മഹാരാജാസ് കോളേജ് സയന്‍സ് ഫോറത്തിന്റെ ആഭിമുഖ്യത്തില്‍ ഫെബ്രുവരി 26, 27 തീയതികളില്‍ ദേശീയ ശാസ്ത്രദിനം ആചരിക്കുന്നു. 26ന് രാവിലെ 10.30-ന് ഫിസിക്‌സ് സെമിനാര്‍ ഹാളില്‍ സുസ്ഥിരഭാവിക്ക് ശാസ്ത്രവും സാങ്കേതിക വിദ്യയും എന്ന വിഷയത്തില്‍ എസ്‌സിഎംഎസ് സ്‌കൂള്‍ ഓഫ് ബയോ സയന്‍സസ് ആന്റ് ബയോ ടെക്‌നോളജി ഡയറക്ടര്‍ സി മോഹന്‍കുമാര്‍ സംസാരിക്കും. ഉച്ചയ്ക്ക് 1.30-ന് ക്വിസ് മത്സരവും സംഘടിപ്പിക്കും. ഫെബ്രുവരി 27-ന് രാവിലെ 9.30-ന് പോസ്റ്റര്‍ ഡിസൈനിംഗ് മത്സരവും ഉച്ചയ്ക്ക് 1.30-ന് മറൈന്‍ ഡ്രൈവില്‍ റാലിയും ഉണ്ടായിരിക്കും.ഫോണ്‍ 9495778819, 9744818565

     കൊച്ചി: കൂവപ്പടി ഐ.സി.ഡി.എസ് ലെ 174 അങ്കണവാടികള്‍ക്ക് പ്രീ സ്‌കൂള്‍ കിറ്റ് വിതരണം ചെയ്യുന്നതിന് സീല്‍ ചെയ്ത ടെന്‍ഡറുകള്‍ ക്ഷണിച്ചു. മാര്‍ച്ച് എട്ടിന് ഉച്ചയ്ക്ക് ഒന്നു വരെ ടെന്‍ഡര്‍ നല്‍കാം. കൂടുതല്‍ വിവരങ്ങള്‍ക്ക് ഫോണ്‍ 8281999188. 

     കൊച്ചി: കോതമംഗലം അഡീഷണല്‍ ഐ.സി.ഡി.എസ് പ്രോജക്ടില്‍ പ്രവര്‍ത്തിക്കുന്ന 106 അങ്കണവാടി കേന്ദ്രങ്ങളില്‍ 2017-18 വര്‍ഷത്തേക്ക് അങ്കണവാടികള്‍ക്ക് പ്രീ സ്‌കൂള്‍ കിറ്റ് വിതരണം ചെയ്യുന്നതിന് തയാറുളള വ്യക്തികള്‍/സ്ഥാപനങ്ങളില്‍ നിന്നും മുദ്രവച്ച ടെന്‍ഡറുകള്‍ ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി മാര്‍ച്ച് അഞ്ചിന് ഉച്ചയ്ക്ക് രണ്ടു വരെ. കൂടുതല്‍ വിവരങ്ങള്‍ക്ക് ഫോണ്‍ 0485 2859161.

കൊച്ചി: സൗദി അറേബ്യയിലെ അല്‍മന ആശുപത്രിയില്‍ നഴ്‌സ് നിയമനത്തിന് ബി.എസ്‌സി നഴ്‌സിങ് / ജി.എന്‍.എം യോഗ്യതയുളളവരും സൗദി അറ്റസ്റ്റേഷന്‍, പ്രോമെട്രിക് എന്നിവ പൂര്‍ത്തിയാക്കിയവരുമായ വനിതകളില്‍നിന്ന് നോര്‍ക്ക റൂട്ട്‌സ് അപേക്ഷ ക്ഷണിച്ചു. പ്രായം 40ല്‍ താഴെ. രണ്ടുവര്‍ഷത്തെ പരിചയം വേണം.  അപേക്ഷയും രേഖകളും മാര്‍ച്ച് 10നു മുന്‍പായി rmt5.norka@kerala.gov.in എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ www.norkaroots.net ലും നോര്‍ക്ക റൂട്ട്‌സിന്റെ കാള്‍ സെന്ററിലും ലഭിക്കും. ഫോണ്‍: 1800 425 3939 (ഇന്ത്യയ്ക്കുളളില്‍ നിന്ന്), 0091 471 233 33 39 (വിദേശത്തുനിന്ന്).

 കൊച്ചി:  കേരള ഫിഷറീസ് സമുദ്ര പഠന സര്‍വ്വകലാശാല (കുഫോസ്) പയ്യനൂരില്‍ ആരംഭിക്കുന്ന പ്രാദേശിക കേന്ദ്രത്തില്‍ ഓഫിസ് അസിസ്റ്റന്റിന്റെയും ഓഫിസ് അറ്റഡന്റിന്റെയും ഒഴിവുണ്ട്. കരാര്‍ അടിസ്ഥാനത്തില്‍ ഒരു വര്‍ഷത്തേക്കാണ് നിയമനം. മൂന്ന് വര്‍ഷം വരെ തുടരാം. ഏതെങ്കിലും സര്‍വ്വകലാശാലയിലോ സര്‍ക്കാര്‍ വിദ്യാഭ്യാസ സ്ഥാപനത്തിലോ അഡ്മിനിസ്‌ട്രേറ്റീവ് ജോലിയില്‍ അഞ്ച് വര്‍ഷത്തെ പരിചയവും ബിരുദവും ഉള്ളവര്‍ക്ക് ഓഫിസ് അസിസ്റ്റന്റ് തസ്തികയിലേക്ക് അപേക്ഷിക്കാം. അലവന്‍സുകളെല്ലാം അടക്കം പ്രതിമാസം 29,200 രൂപ ശമ്പളം ലഭിക്കും.

കൊച്ചി: പുതിയകാവ് ഗവ: ആയുര്‍വേദ കോളേജ് ആശുപത്രിയില്‍ (ഒ.പി നമ്പര്‍ 5) മുട്ടുവേദനയ്ക്ക് ഗവേഷണ അടിസ്ഥാനത്തില്‍ സൗജന്യ ചികിത്സ ലഭ്യമാണ്. പ്രായപരിധി 50 വയസ് മുതല്‍ 60 വരെ. സമയം ഞായര്‍ ഒഴികെ എല്ലാ ദിവസങ്ങളിലും രാവിലെ എട്ടു മുതല്‍ ഉച്ചയ്ക്ക് ഒന്നു വരെ. കൂടുതല്‍ വിവരങ്ങള്‍ക്ക് ഫോണ്‍ 8907194974.

കൊച്ചി: സര്‍ക്കാര്‍ സ്ഥാപനമായ ഐ.എച്ച്.ആര്‍.ഡി 2017 ഡിസംബറില്‍ നടത്തിയ പി.ജി.ഡി.സി.എ/ഡി.സി.എ/ഡി.ഡി.റ്റി.ഒ.എ/സി.സി.എല്‍.ഐ.സി എന്നീ കോഴ്‌സുകളുടെ പരീക്ഷാ ഫലം പ്രസിദ്ധീകരിച്ചു. പരീക്ഷാഫലവും മാര്‍ക്കിന്റെ വിശദാംശങ്ങളും അതത് പരീകഷാ കേന്ദരങ്ങളുമായി ബന്ധപ്പെട്ടാല്‍ അറിയാം. കൂടാതെ ഐ.എച്ച്.ആര്‍.ഡി വെബ്‌സൈറ്റിലും (www.ihrd.ac.in) പരീക്ഷാ ഫലം പ്രസിദ്ധീകരിച്ചിട്ടഉണ്ട്. പുനര്‍മൂല്യനിര്‍ണയത്തിനുളള അപേക്ഷകള്‍ ഫെബ്രുവരി 26- വരെ അതതു പരീക്ഷാ കേന്ദ്രങ്ങളില്‍ സമര്‍പ്പിക്കാം.