ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെയും ഐ.ടി.ഡി.പിയുടെയും ആഭിമുഖ്യത്തില്‍ പട്ടിക വര്‍ഗ്ഗക്കാരായ ഉദ്യോഗാര്‍ഥികള്‍ക്ക് മാര്‍ച്ച് ഒന്നു മുതല്‍ നിലമ്പൂര്‍ /അരീക്കോട് കേന്ദ്രങ്ങളില്‍ സൗജന്യ മത്സര പരീക്ഷാ പരിശീലനം സംഘടിപ്പിക്കും.  പഠിതാക്കള്‍ക്ക് നിയമാനുസൃത സ്റ്റൈപ്പന്റും പഠനോപകരണങ്ങളും ലഭിക്കും.  താല്‍പര്യമുള്ളവര്‍ അസ്സല്‍ രേഖകളും ഏംപ്ലോയ്‌മെന്റ് രജിസ്‌ട്രേഷന്‍ കാര്‍ഡും സഹിതം അതത് കേന്ദ്രങ്ങളില്‍ മാര്‍ച്ച് ഒന്നിന് രാവിലെ 9.30ന് എത്തണം.   ഫോണ്‍ 0483 2734904.

ജില്ലാ വികസന സമിതി യോഗം ഇന്ന് (ഫെബ്രുവരി 24) രാവിലെ 10.30ന് കലക്റ്ററേറ്റ് സമ്മേളന ഹാളില്‍ ചേരും. പദ്ധതി പുരോഗതി റിപ്പോര്‍ട്ടുമായി ജില്ലാതല ഉദ്യോഗസ്ഥര്‍ യോഗത്തിനെത്തണമെന്ന് ജില്ലാകലക്റ്റര്‍ അറിയിച്ചു

        മത്സ്യത്തൊഴിലാളി കടാശ്വാസ കമ്മീഷന്‍ ഫെബ്രുവരി 28ന് രാവിലെ 10ന് തിരൂര്‍ ഇ.എം.എസ് സാംസ്‌കാരിക നിലയത്തില്‍ അദാലത്ത് നടത്തും.  അദാലത്തില്‍ പങ്കെടുക്കാന്‍ നോട്ടീസ് ലഭിച്ച അപേക്ഷകരും ബന്ധപ്പെട്ട ബാങ്ക് പ്രതിനിധികളും അന്നേ ദിവസം രാവിലെ എത്തണം.

        ജില്ലയില്‍ വര്‍ദ്ധിച്ചു വരുന്ന റോഡപകടങ്ങള്‍ കുറക്കുന്നതിനും ഗതാഗത കുരുക്ക് ഒഴിവാക്കുന്നതിനും നാഷണല്‍ ഹൈവേ റോഡുകളിലും മറ്റു പ്രധാന റോഡുകളിലും സുരക്ഷാ സംവിധാനങ്ങള്‍ നടപ്പാക്കുവാന്‍ ജില്ലാ ട്രാഫിക് അഡൈ്വസറി യോഗത്തില്‍ തീരുമാനമായി.

        സംസ്ഥാന സഹകരണ യൂണിയന്റെ  തിരൂരിലുള്ള സഹകരണ പരിശീലന കേന്ദ്രത്തില്‍ തിരുവനന്തപുരം നെയ്യാര്‍ ഡാമില്‍ പ്രവര്‍ത്തിക്കുന്ന കിക്മയില്‍ എം.ബി.എ കോഴ്‌സിനുള്ള കൂടിക്കാഴ്ച തിരൂര്‍ മാവുംകുന്നിലുള്ള കോളേജില്‍ നടത്തും. അവസാന വര്‍ഷ ബിരുദ വിദ്യാര്‍ഥികള്‍ക്കും ക്യാറ്റ്/കെ-മാറ്റ്/സി-മാറ്റ്/സി-മാറ്റ് തുടങ്ങിയ പരീക്ഷ എഴുതിയവര്‍ക്കും സ്‌പോട്ട് അഡ്മിഷനില്‍ പങ്കെടുക്കാം. കൂടുതല്‍ വിവരങ്ങള്‍   8547618290 /  9995302006 ഫോണ്‍ നമ്പറുകളിലും ംംം.സശരാമസലൃമഹമ.ശി ലും ലഭിക്കും.  താല്‍പര്യമുള്ളവര്‍ ഇന്ന് (ഫെബ്രുവരി 24) രാവിലെ ഒമ്പതിന് തിരൂര്‍ മാവുംകുന്നിലുള്ള കോളേജില്‍ എത്തണം.

റവന്യൂ ദിനാഘോഷം ഇന്ന് (ഫെബ്രുവരി 24) രാവിലെ 10 ന് കലക്‌ട്രേറ്റ് കോണ്‍ഫ്രന്‍സ് ഹാളില്‍ നടക്കും. ഉദ്ഘാടനം ജില്ലാ കലക്ടര്‍ അമിത് മീണ നിര്‍വഹിക്കും. അഘോഷത്തിന്റെ ഭാഗമായി പട്ടയ വിതരണം,ഗെയില്‍ ആനൂകല്യ വിതരണം, മറ്റ് സഹായ വിതരണങ്ങള്‍ എന്നിവ ഉണ്ടാകും.

ജില്ലാ ഭരണകൂടവും ആരോഗ്യവകുപ്പും എയ്ഞ്ചല്‍സ് സംയുക്തമായി നടത്തുന്ന മെഗാ ബി.എല്‍.എസ് പരിശീലന പരിപാടി  ഇന്ന് (ഫെബ്രുവരി 24) രാവിലെ 10 ന് തിരൂരങ്ങാടി പി.എസ്. എം. ഒ. കോളേജില്‍ നടക്കും. പി.കെ. അബ്ദുറബ്ബ് എം.എല്‍.എ ഉദ്ഘാടനം ചെയ്യും.