ഐ.സി.ഡി.എസ് കൊണ്ടോട്ടി അഡീഷണല്‍ ഓഫീസിന്റെ  പരിധിയിലുള്ള 128 അങ്കണവാടികളിലേക്ക് 2017-18 വര്‍ഷത്തേക്ക് അനുവദിച്ച പ്രീസ്‌കൂള്‍ കിറ്റുകള്‍ അങ്കണവാടികളില്‍ വിതരണം ചെയ്യുന്നതിന് അംഗീകൃത സ്ഥാപനങ്ങളില്‍ നിന്ന്  ടെണ്ടര്‍ ക്ഷണിച്ചു.  ടെണ്ടറുകള്‍ മാര്‍ച്ച് ഒമ്പതിന് വൈകീട്ട് മൂന്നികനം ഐ.സി.ഡി.എസ് ഓഫീസ്, കൊണ്ടോട്ടി അഡീഷണല്‍, ഐക്കരപ്പടി. പി.ഒ വിലാസത്തില്‍ ലഭിക്കണം.  ഫോണ്‍ 04832 792260.

എംപ്ലോയ്‌മെന്റ് എക്‌സ്‌ചേഞ്ച് മുഖേന ജില്ലാ റവന്യൂ ഭരണത്തിനു കീഴില്‍ വില്ലേജ് ഫീല്‍ഡ് അസിസ്റ്റന്റ് തസ്തികയില്‍ താല്‍ക്കാലിക നിയമനത്തിനായി പരീക്ഷയിലും അഭിമുഖത്തിലും പങ്കെടുത്തവരുടെ മാര്‍ക്ക് ലിസ്റ്റ് കലക്‌ട്രേറ്റ് നോട്ടീസ് ബോര്‍ഡില്‍ പ്രസിദ്ധീകരിച്ചു.

ജില്ലയിലെ സഹകരണ ബാങ്കുകളില്‍ നിന്നും സഹകരണസംഘങ്ങളില്‍ നിന്നും വായ്പ എടുത്ത 12 മത്സ്യതൊഴിലാളികള്‍ക്ക് ആനുകൂല്യം അനുവദിക്കുന്നതിനായി ബന്ധപ്പെട്ട സഹകരണ സംഘങ്ങള്‍/ബാങ്കുകള്‍ക്ക് 3,15,127 രൂപ അനുവദിച്ചിട്ടുണ്ടെന്ന് ജില്ലാ സഹകരണ സംഘം ജോയിന്റ് രജിസ്ട്രാര്‍ (ജനറല്‍) അറിയിച്ചു.

മലാപറമ്പ് 220 കെ.വി ലൈനില്‍ അറ്റകുറ്റപണി നടക്കുന്നതിനാല്‍ പെരിന്തല്‍മണ്ണ, മേലാറ്റൂര്‍, രാമപുരം പ്രദേശങ്ങളിലുള്ള ഉപഭോക്താക്കള്‍ക്ക് മാര്‍ച്ച് ഒന്ന്, രണ്ട് തിയ്യതികളില്‍ രാവിലെ എട്ട് മുതല്‍ വൈകീട്ട് ആറ് വരെ വൈദ്യുതി ഭാഗികമായി തടസ്സപ്പെടുമെന്ന് കെ.എസ്.ഇ.ബി ട്രാന്‍സിഷന്‍ വിഭാഗം ഡെപ്യൂട്ടി ചീഫ് എഞ്ചിനീയര്‍ അറിയിച്ചു.

ദേശ ചിന്തകളും അതിര്‍ത്തികളും തലക്ക് പിടിക്കാത്ത കാലത്ത് തൊഴില്‍ തേടി രാജ്യം വിട്ട തിരൂര്‍ക്കാരന്‍ ഹംസ ബിന്‍ സൈതാലിക്ക് ഇനി ഇന്ത്യക്കാരനായി ജീവിക്കാം. ജോലി  അന്വേഷിച്ച് 1957 ല്‍ മലേഷ്യലെത്തി  പൗരത്വം സ്വീകരിച്ച തിരൂര്‍ക്കാരനാണ് പിന്നീട് ഇന്ത്യക്കാരനാണന്ന് തെളിയിക്കാന്‍ പെടാപ്പാട് പെട്ടത്.

ഭരണങ്ങാനം ഗ്രാമപഞ്ചായത്തിന്റെ ആഭിമുഖ്യത്തില്‍ ചൂണ്ടച്ചേരിയിലുളള പഞ്ചായത്ത് വക സമ്മിംഗ് പൂളില്‍ ഏപ്രില്‍ രണ്ട് മുതല്‍ സ്‌കൂള്‍, കോളേജ് വിദ്യാര്‍ത്ഥികള്‍ക്കായി നീന്തല്‍ പരിശീലനം നടത്തുന്നു. താത്പര്യമുളളവര്‍ മാര്‍ച്ച് 15നകം ഭരണങ്ങാനം ഗ്രാമ പഞ്ചായത്ത് ഓഫീസിലോ 04822 236232, 9744801737, 9447335752, 9400839251 എന്ന ഫോണ്‍ നമ്പരിലോ പേര് രജിസ്റ്റര്‍ ചെയ്യണം. 

കോട്ടയം ജില്ലയിലെ കര്‍ഷകതൊഴിലാളി ക്ഷേമനിധി ബോര്‍ഡില്‍ അംഗത്വം എടുത്തിട്ടുള്ളവര്‍ക്ക് അംശാദായം അടക്കുന്നതിനും പുതിയതായി അംഗത്വം ചേരുന്നതിനുമുള്ള അവസരം നല്കുന്നതിനായി കര്‍ഷകതൊഴിലാളി ക്ഷേമനിധി ബോര്‍ഡ് സിറ്റിംഗ് നടത്തുന്നു. വേളൂര്‍  വില്ലേജിലുള്ളവര്‍ക്ക് മാര്‍ച്ച് മൂന്നിന് രാവിലെ 10.30 മുതല്‍  വേളൂര്‍ എസ്.എന്‍.ഡി.പി. ഹാളില്‍ സിറ്റിംഗ് നടത്തും.   

 ദേശീയ പട്ടികജാതി ഫിനാന്‍സ് ആന്‍ഡ് ഡെവലപ്പ്‌മെന്റ് കോര്‍പ്പറേഷന്‍ (എന്‍.എസ്.എഫ്.ഡി.സി.) മുഖേന റൂറല്‍ ഇലക്ട്രിഫിക്കേഷന്‍ കോര്‍പ്പറേഷനും (ആര്‍.ഇ.സി.) എന്‍.ടി.ടി.എഫും സംയുക്തമായി നടത്തുന്ന ത്രൈമാസ തൊഴില- ധിഷ്ഠിത കോഴ്‌സുകളിലേയ്ക്ക് അപേക്ഷ ക്ഷണിച്ചു.