കേരള സംസ്ഥാന മത്സ്യത്തൊഴിലാളി കടാശ്വാസ കമ്മീഷന്‍ അദാലത്തില്‍ വന്ന 24 പരാതികള്‍ പരിഗണിച്ചു. ശിപാര്‍ശ ചെയ്ത കടാശ്വാസം അനുവദി ക്കാതിരുന്ന മത്സ്യത്തൊഴിലാളികളുടെ വായ്പകളില്‍ പരിശോധന നടത്തി സമര്‍പ്പിച്ച റിപ്പോര്‍ട്ടിന്റെ അടിസ്ഥാനത്തില്‍ 6,53,000 രൂപ കടാശ്വാസമായി 14 പേര്‍ക്ക് അനുവദിക്കാന്‍ കമ്മീഷന്‍ ഉത്തരവ് നല്കി.

കൊച്ചി: കുട്ടികള്‍ക്കെതിരായ ലൈംഗിക അതിക്രമങ്ങള്‍ തടയുന്നതിനുള്ള പോക്‌സോ നിയമം സംബന്ധിച്ച മാധ്യമ സെമിനാര്‍ ഫെബ്രുവരി 22 വ്യാഴാഴ്ച്ച നടക്കും. എറണാകുളം പ്രസ് ക്ലബ്ബും ഇന്‍ഫര്‍മേഷന്‍ പബ്ലിക്ക് റിലേഷന്‍സ് വകുപ്പും സംയുക്തമായാണ് സെമിനാര്‍ സംഘടിപ്പിക്കുന്നത്. കേരള ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രി കോണ്‍ഫറന്‍സ് ഹാളില്‍ രാവിലെ പത്തിന് മനുഷ്യാവകാശ കമ്മീഷന്‍ ആക്ടിങ് ചെയര്‍മാന്‍ പി. മോഹന്‍ദാസ് ഉദ്ഘാടനം ചെയ്യും. പി.ആര്‍.ഡി ഡയറക്ടര്‍ ടി.വി. സുഭാഷ് അധ്യക്ഷത വഹിക്കും.

കൊച്ചി: സംസ്ഥാന സര്‍ക്കാര്‍ വര്‍ഷം തോറും സംഘടിപ്പിക്കുന്ന അന്താരാഷ്ട്ര പുസ്തകമേളയുടെയും സാഹിത്യോത്സവത്തിന്റെയും സ്ഥിരം വേദി കൊച്ചിയിലാക്കുന്നത് പരിഗണിക്കുമെന്ന് സഹകരണ, ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. സഹകരണവകുപ്പിന്റെയും സാഹിത്യ പ്രവര്‍ത്തക സഹകരണസംഘത്തിന്റെയും ആഭിമുഖ്യത്തില്‍ മാര്‍ച്ച് ഒന്നു മുതല്‍ 11 വരെ മറൈന്‍ഡ്രൈവിലും ബോള്‍ഗാട്ടിയിലുമായി നടക്കുന്ന മേളയുടെ വിജയം കണക്കിലെടുത്ത് ഇക്കാര്യത്തില്‍ അന്തിമ തീരുമാനമെടുക്കുമെന്നും മന്ത്രി വ്യക്തമാക്കി.

ആറ്റിങ്ങല്‍ എം.പി ഡോ. എ. സമ്പത്തിന്റെ പ്രാദേശിക വികസന ഫണ്ടുപയോഗിച്ച് 19 പ്രാഥമിക ആരോഗ്യകേന്ദ്രങ്ങള്‍ക്കായി വാങ്ങിയ പാലിയേറ്റീവ് കെയര്‍-ട്രോമോ ആംബുലന്‍സുകളുടെ ഫ്‌ളാഗ് ഓഫും താക്കോല്‍ ദാനവും മുഖ്യമന്ത്രി പിണറായി വിജയന്‍ ഇന്ന് (19) നിര്‍വഹിക്കും. രാവിലെ ഒന്‍പതിന് ആറ്റിങ്ങല്‍ മുനിസിപ്പല്‍ ഓഫീസ് അങ്കണത്തില്‍ നടക്കുന്ന ചടങ്ങില്‍ സഹകരണ-ടൂറിസം-ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ അധ്യക്ഷനായിരിക്കും. ഡോ. എ. സമ്പത്ത് എം.പി, എം.എല്‍.എ മാര്‍, ത്രിതല പഞ്ചായത്ത് ജനപ്രതിനിധികള്‍ തുടങ്ങിയവര്‍ പങ്കെടുക്കും. 

ഐച്ച്ആര്‍ഡി ഡിസംബറില്‍ നടത്തിയ പിജിഡിസിഎ/ഡിസിഎ/ഡിഡിറ്റിഒഎ/സിസിഎല്‍ഐസി കോഴ്സുകളുടെ ഫലം പ്രസിദ്ധീകരിച്ചു. ഐഎച്ച്ആര്‍ഡിയുടെ (ംംം.ശവൃറ.മര.ശി) വെബ്സൈറ്റില്‍ ഫലം ലഭ്യമാണ്. പുനര്‍  മൂല്യനിര്‍ണയത്തിനുള്ള അപേക്ഷ ഈ മാസം 26വരെ അതത് പരീക്ഷാ കേന്ദ്രങ്ങളില്‍ സമര്‍പ്പിക്കാം. ഫോണ്‍: 0471 2322985.                                                                    (പിഎന്‍പി 393/18) 
 

ഭിന്നശേഷിക്കാരുടെ പുനരധിവാസത്തിന്‍റെ ഭാഗമായി സാമൂഹ്യനീതി വകുപ്പ് മുഖേന നടപ്പാക്കുന്ന പദ്ധതിയുമായി ബന്ധപ്പെട്ട് ജോയ്സ്റ്റിക്ക് ഓപ്പറേറ്റഡ് വീല്‍ചെയര്‍, സ്മാര്‍ട്ട് ഫോണ്‍ വിത്ത് സ്ക്രീന്‍ റീഡര്‍, ഡെയ്സി പ്ലയര്‍, സെറിബ്രല്‍ പാള്‍സി വീല്‍ചെയര്‍ എന്നിവ വിതരണം ചെയ്യുന്നതിന് ടെന്‍ഡര്‍ നല്‍കാം. കൂടുതല്‍ വിവരം ജില്ലാ സാമൂഹ്യനീതി ഓഫീസില്‍ ലഭിക്കും. ഫോണ്‍: 0468 2325168.                       (പിഎന്‍പി 380/18)
 

സംസ്ഥാന യുവജനക്ഷേമ ബോര്‍ഡ് പട്ടികജാതി പട്ടികവര്‍ഗ കോളനികള്‍ കേന്ദ്രീകരീച്ച് യുവക്ലബ്ബുകള്‍ രൂപീകരിക്കുന്നതിന്  പ്രോത്സാഹനം നല്‍കുന്നു. താല്‍പ്പര്യമുള്ളവര്‍ ജില്ലാ യുവജന കേന്ദ്രവുമായി ബന്ധപ്പെടണമെന്ന് ജില്ലാ യൂത്ത് കോര്‍ഡിനേറ്റര്‍  ആര്‍.ജയന്‍ അറിയിച്ചു. ഫോണ്‍:0468 2231938, 9539063848.               (പിഎന്‍പി 397/18)

    താലൂക്ക്തല ഉപഭോക്തൃ ദിനാഘോഷത്തിന്‍റെ ഭാഗമായി സ്കൂള്‍ കുട്ടികള്‍ക്കായി ഉപഭോക്തൃ ബോധവത്ക്കരണം, ഉപഭോക്തൃ ക്ഷേമം, ഉപഭോക്തൃ വിദ്യാഭ്യാസം എന്നീ വിഷയങ്ങളെ അടിസ്ഥാനമാക്കി സ്കൂള്‍ കണ്‍സ്യൂമര്‍ ഫെസ്റ്റ് നടത്തുന്നു. പെയിന്‍റിംഗ്, കാര്‍ട്ടൂണ്‍, ഉപന്യാസ രചന എന്നിവയിലാണ് മത്സരങ്ങള്‍. എല്‍.പി, യു.പി, ഹൈസ്കൂള്‍, ഹയര്‍ സെക്കന്‍ഡറി വിഭാഗങ്ങളായാണ് മത്സരങ്ങള്‍ സംഘടിപ്പിക്കുന്നത്. ഉപന്യാസ മത്സരം ഹൈസ്കൂള്‍, ഹയര്‍ സെക്കന്‍ഡറി വിഭാഗങ്ങള്‍ക്ക് മാത്രമായിരിക്കും.