തൃശൂര്‍ ജില്ലയില്‍ വിവിധ വകുപ്പുകളില്‍ സര്‍ജന്റ് (കാറ്റഗറി നമ്പര്‍ 436/2014) നിയമനത്തിന് ചുരുക്കപ്പട്ടികയില്‍ ഉള്‍പ്പെട്ടവരില്‍ യോഗ്യരായ ഉദേ്യാഗാര്‍ത്ഥികളുടെ ശാരീരിക അളവെടുപ്പും അഭിമുഖവും ഫെബ്രുവരി 27ന് തൃശൂര്‍ ജില്ലാ പി.എസ്.സി ഓഫീസില്‍ നടത്തും.  ഉദേ്യാഗാര്‍ത്ഥികള്‍ക്ക് ഇതു സംബന്ധിച്ച് മെമ്മോ, പ്രൊഫൈല്‍ മെസേജ്, എസ്.എംഎസ് എന്നിവ നല്‍കിയിട്ടുണ്ട്.  24നകം അറിയിപ്പ് ലഭിക്കാത്ത അര്‍ഹരായ ഉദേ്യാഗാര്‍ത്ഥികള്‍ തൃശൂര്‍ ജില്ലാ പി.എസ്.സി ഓഫീസുമായി നേരിട്ട് ബന്ധപ്പെടണം.

പി.എന്‍.എക്‌സ്.683/18

    കാസര്‍കോട് നഗരസഭയിലെ കുടുംബശ്രീയുടെ കീഴില്‍ പ്രവര്‍ത്തിക്കുന്ന ബഡ്‌സ് സ്‌കൂളിലേക്ക് ഒരു വര്‍ഷത്തേക്ക് താല്‍ക്കാലികാടിസ്ഥാനത്തില്‍ ടീച്ചറായി നിയമിക്കുന്നതിന് നിശ്ചിത യോഗ്യതയുള്ളവരില്‍ നിന്ന് അപേക്ഷ ക്ഷണിച്ചു.  യോഗ്യരായവര്‍ 27 ന് രാവിലെ 11 ന്് കൂടിക്കാഴ്ചയ്ക്കായി അസല്‍ സര്‍ട്ടിഫിക്കറ്റ്, പ്രവര്‍ത്തി പരിചയ സര്‍ട്ടിഫിക്കറ്റ് എന്നിവ സഹിതം മുനിസിപ്പല്‍ ഓഫീസില്‍ ഹാജരാകണം. കൂടുതല്‍ വിവരങ്ങള്‍ പ്രവൃത്തി ദിവസങ്ങളില്‍ ഓഫീസുമായി ബന്ധപ്പെടുക.
 

    വെളളരിക്കുണ്ട് താലൂക്കില്‍  ഭൂപരിഷ്‌കരണ നിയമപ്രകാരം ഏറ്റെടുത്ത റീസര്‍വ്വെ നമ്പര്‍ 115/1 ല്‍ പെട്ട 1.26 1/4 ഏക്കര്‍ മിച്ചഭൂമി അര്‍ഹരായ ഭൂരഹിതകര്‍ഷകതൊഴിലാളികള്‍ക്ക്  പതിച്ച് നല്‍കുവാന്‍  ജില്ലാകളക്ടര്‍ വിജ്ഞാപനം ക്ഷണിച്ചു. അപേക്ഷകര്‍ നിശ്ചിതഫോറത്തില്‍ (ഫോറം നം.17) ഈ മാസം 27 ന് വൈകീട്ട് അഞ്ച് മണി വരെ കളക്ടറേറ്റില്‍ സ്വീകരിക്കും. ഭൂമിയിലെ അര്‍ഹരായ കൈവശക്കാര്‍ക്കും, ഭൂമി സ്ഥിതി ചെയ്യുന്ന പാലാവയല്‍ വില്ലേജിലെ അപേക്ഷകര്‍ക്കും മുന്‍ഗണന നല്‍കും.  അപേക്ഷയില്‍ ജില്ലാകളക്ടറുടെ വിജ്ഞാപന നമ്പര്‍ എച്ച് 2-71733/2017 എന്ന് രേഖപ്പെടുത്തണം.
 

 ജില്ലയിലെ പ്ലാന്റേഷന്‍ കോര്‍പ്പറേഷന്റെ രാജപുരം, ചീമേനി, പെരിയ ഗോഡൗണുകളില്‍ സൂക്ഷിച്ചിട്ടുളള  എന്‍ഡോസള്‍ഫാന്‍ നിര്‍വീര്യമാക്കുന്നതിന്റെ മുന്നോടിയായി ബാരലുകളിലെ സാംപിളുകള്‍ പരിശോധനക്ക് ശേഖരിക്കുന്ന പ്രക്രിയ ഇന്നും നാളെയും (23,24) കൊച്ചിയിലെ ഹിന്ദുസ്ഥാന്‍ ഇന്‍സെക്ടിസൈഡ് ലിമിറ്റഡ് എന്ന സ്ഥാപനിത്തിന്റെ സാങ്കേതിക സഹായത്തോടെ നടത്തുമെന്ന് ജില്ലാകളക്ടര്‍ അറിയിച്ചു.
 

   ഖാദി മോഡല്‍ കപ്പടംകര മുണ്ടു മുതല്‍ സാരി വരെ വിവിധ വിലകളിലുള്ള കൈത്തറി ഉല്‍പ്പന്നങ്ങള്‍,  ചക്കയില്‍ നിന്നുണ്ടാക്കിയ ഭക്ഷ്യ ഉല്‍പ്പന്നങ്ങള്‍, വിവിധ ഭക്ഷ്യവിഭവങ്ങള്‍, ബാഗുകള്‍, ജൈവ വളങ്ങള്‍ ഉള്‍പ്പെടെ വൈവിധ്യങ്ങളായ ചെറുകിട വ്യവസായ ഉല്‍പ്പന്നങ്ങളുടെ പ്രദര്‍ശനവും വില്‍പ്പനയും ആരംഭിച്ചു. ഈ മാസം 26 വരെ നീണ്ടുനില്‍ക്കുന്ന വിപണനമേള നടക്കുന്നത് കാസര്‍കോട് പുതിയ ബസ് സ്റ്റാന്‍ഡ് പരിസരത്ത് പ്രത്യേകം സജ്ജമാക്കിയ സ്റ്റാളുകളിലാണ്. കുടുംബശ്രീയുടെ ആറു സ്റ്റാളുകള്‍, നാലു കൈത്തറി സഹകരണ സൊസൈറ്റികളുടെ സ്റ്റാളുള്‍ മുതല്‍ ലീഡ് ബാങ്കിന്റെ നാണയങ്ങള്‍ക്കായുള്ള സ്റ്റാള്‍ വരെ 52 സ്റ്റാളുകളാണ് പ്രദര്‍ശനത്തിനുള്ളത്.

    സംസ്ഥാനത്തെ  ഭരണഭാഷാ മാറ്റം വേഗതയിലാക്കുന്നതിന്റെ ഭാഗമായി ജില്ലാ ഓഫീസര്‍മാര്‍ക്കായി  ഉദ്യോഗസ്ഥ ഭരണപരിഷ്‌കാര വകുപ്പ് ജില്ലാഭരണകൂടത്തിന്റെ സഹകരണത്തോടെ സംഘടിപ്പിക്കുന്ന ഭരണഭാഷാവബോധ പരിപാടി നാളെ (24)  കളക്ടറേറ്റ് ആസൂത്രണസമിതി ഹാളില്‍ നടക്കും.  രാവിലെ 10 മണിക്ക് റവന്യൂ വകുപ്പുമന്ത്രി  ഇ ചന്ദ്രശേഖരന്‍ ഉദ്ഘാടനം ചെയ്യും.  എന്‍ എ നെല്ലിക്കുന്ന് എംഎല്‍എ അധ്യക്ഷത വഹിക്കും.  ഔദ്യോഗിക ഭാഷാ വകുപ്പ് ജോയിന്റ് സെക്രട്ടറി എസ് മുഹമ്മദ് ഇസ്മയില്‍കുഞ്ഞ് ഭരണഭാഷാ പ്രതിജ്ഞ ചൊല്ലിക്കൊടുക്കും. കേരളത്തിലെ  ഭരണഭാഷ എന്ന വിഷയാവതരണം ഭാഷാ വിദഗ്ധന്‍ ആര്‍ ശിവകുമാര്‍ നിര്‍വ്വഹിക്കുന്നതാണ്. ഡോ.