എന്‍.സി.ഇ.ആര്‍.ടി യുടെ 23-ാമത് ദേശീയ ഓഡിയോ വീഡിയോ ഫെസ്റ്റിവലില്‍ കേരള സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് എഡ്യൂക്കേഷണല്‍ ടെക്‌നോളജിക്ക് (എസ്.ഐ.ഇ.ടി) സെക്കന്ററി വിഭാഗത്തില്‍ മികച്ച വിദ്യാഭ്യാസ വീഡിയോ ചിത്രത്തിന് പുരസ്‌കാരം.  ഒന്‍പതാം സ്റ്റാന്‍ഡേര്‍ഡിലെ ഊര്‍ജ്ജതന്ത്ര പാഠപുസ്തകത്തെ അധികരിച്ചു നിര്‍മിച്ച ചിത്രമാണ് പുരസ്‌കാരം നേടിയതത്. 

സമൂഹത്തിന്റെ സംരക്ഷണവും കരുതലും ആവശ്യമായ വിവിധ ജനവിഭാഗങ്ങളുടെ പ്രശ്‌നങ്ങള്‍ സംബന്ധിച്ച് ഭരണപരിഷ്‌കാര കമ്മീഷന്‍ നടത്തുന്ന പഠനത്തിലേക്ക് പൊതുജനങ്ങള്‍ക്ക് അഭിപ്രായം രേഖപ്പെടുത്താം.  കുട്ടികള്‍, മുതിര്‍ന്ന പൗരന്മാര്‍, ഭിന്നശേഷിക്കാര്‍, മാനസിക - ബൗദ്ധിക വെല്ലുവിളി നേരിടുന്നവര്‍, കുടിയേറ്റ തൊഴിലാളികള്‍ എന്നിവരുമായി ബന്ധപ്പെട്ട് നിയമങ്ങളുടെ ഫലപ്രദമായ നടത്തിപ്പിലുള്ള പ്രശ്‌നങ്ങളാണ് പഠന വിധേയമാക്കുന്നത്.  ഈ വിഭാഗങ്ങള്‍ വിവേചനത്തിന് വിധേയമാകുന്ന സാഹചര്യവും അതിന്റെ സാമൂഹ്യ പശ്ചാത്തലവും കമ്മീഷന്‍ പഠന വിധേയമാക്കും.

കേരള വന ഗവേഷണ സ്ഥാപനത്തില്‍ ഒരു പ്രോജക്ട് ഫെല്ലോയുടെയും രണ്ട്‌പ്രോജക്ട് അസിസ്റ്റന്റിന്റേയും താല്‍ക്കാലിക ഒഴിവുണ്ട്.  ഇതിലേക്ക് മാര്‍ച്ച് 15 രാവിലെ 10 ന് കേരള വന ഗവേഷണ സ്ഥാപനത്തിന്റെ തൃശൂര്‍ പീച്ചിയിലുള്ള ഓഫീസില്‍ വാക് - ഇന്‍ - ഇന്റര്‍വ്യൂ നടത്തും.  വെബ്‌സൈറ്റ് : www.kfri.res.in.

പി.എന്‍.എക്‌സ്.705/18

സാംസ്‌കാരിക വകുപ്പ് മന്ത്രി അധ്യക്ഷനായും വകുപ്പ് സെക്രട്ടറി ഉപാധ്യക്ഷനായും കലാ സാംസ്‌കാരിക രംഗത്തുനിന്നും സര്‍ക്കാര്‍ നാമനിര്‍ദ്ദേശം ചെയ്യുന്ന ഒരു പ്രമുഖ വ്യക്തി സെക്രട്ടറിയായും ധനകാര്യ വകുപ്പ് സെക്രട്ടറി, സാംസ്‌കാരിക വകുപ്പ് ഡയറക്ടര്‍ തുടങ്ങിയവര്‍ അംഗങ്ങളായും സാംസ്‌കാരിക ഉന്നത സമിതി രൂപീകരിച്ച് ഉത്തരവായി.  സമിതിയുടെ കാലാവധി അഞ്ച് വര്‍ഷമായിരിക്കും. 

പി.എന്‍.എക്‌സ്.704/18

    ഈ വര്‍ഷത്തെ എസ്.എസ്.എല്‍.സി പരീക്ഷയില്‍ ജില്ലയിലെ 152 പരീക്ഷാകേന്ദ്രങ്ങളിലായി 12499 വിദ്യാര്‍ത്ഥികള്‍ പരീക്ഷയെഴുതും. തൊടുപുഴ വിദ്യാഭ്യാസ ജില്ലയില്‍ 33 സര്‍ക്കാര്‍ സ്‌കൂളുകളിലും 34 എയ്ഡഡ് സ്‌കൂളുകളിലും മൂ് എയ്ഡഡ് സ്‌കൂളുകളിലുമായി ആകെ 70 പരീക്ഷാകേന്ദ്രങ്ങളിലും ക'പ്പന വിദ്യാഭ്യസ ജില്ലയില്‍ 41 സര്‍ക്കാര്‍ സ്‌കൂളുകളും 36 എയ്ഡഡ് സ്‌കൂളുകളും അഞ്ച് അ എയ്ഡഡ് സ്‌കൂളുകളിലുമായി 82 പരീക്ഷാകേന്ദ്രങ്ങളിലുമായാണ് 12499 പേര്‍ പരീക്ഷയെഴുതുത്.

ഫെബ്രുവരി 28ന് രാവിലെ 11ന് കളക്‌ട്രേറ്റ് കോണ്‍ഫറന്‍സ് ഹാളില്‍ കൂടുവാന്‍ നിശ്ചയിച്ചിരുന്ന ജില്ലാതല എല്‍.പി.ജി ഓപ്പണ്‍ ഫോറം ചില സാങ്കേതിക കാരണങ്ങളാല്‍ മാര്‍ച്ച് 20ലേക്ക് മാറ്റി വച്ചതായി ജില്ലാ കളക്ടര്‍ അറിയിച്ചു. 

        ചട്ടിപ്പറമ്പ്  ഇലെക്ട്രിക്കല്‍ സെക്ഷന്‍ പരിധിയില്‍ ഇന്ന് (ഫെബ്രുവരി 24)  രാവിലെ ഒമ്പത് മുതല്‍ വൈകിട്ടു അഞ്ച് വരെ മൗലാനാ, വട്ടപ്പറമ്പ്, വട്ടപ്പറമ്പ കോളനി, മിച്ചഭൂമി, ചാപ്പനങ്ങാടി, ഇന്‍ഡസ്ട്രിയല്‍ എസ്റ്റേറ്റ്, ചാപ്പനങ്ങാടി പഞ്ചായത്ത്, ടിപ്പ് ടോപ്, ടെലിഫോണ്‍ എക്‌സ്‌ചേഞ്ച്, മിയ ഫുഡ്, പുഞ്ച മില്‍, തോട്ടപ്പായ  എന്നീ ട്രാന്‍സ്‌ഫോര്‍മറുകളില്‍ നിന്നുള്ള വൈദ്യുതി വിതരണം തടസപ്പെടും.