ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ പ്രിസം പദ്ധതിയിലേക്ക് ഇന്‍ഫര്‍മേഷന്‍ അസിസ്റ്റന്റ്, സബ് എഡിറ്റര്‍ എംപാനല്‍മെന്റിനുള്ള എഴുത്തു പരീക്ഷ ഫെബ്രുവരി 18 ന് കോഴിക്കോട്, എറണാകുളം, തിരുവനന്തപുരം കേന്ദ്രങ്ങളില്‍ നടക്കും. ഹാള്‍ടിക്കറ്റുകള്‍ തപാല്‍ മാര്‍ഗം അയച്ചിട്ടുണ്ട്. ഫെബ്രുവരി 15 നകം ഹാള്‍ടിക്കറ്റ് ലഭിക്കാത്തവര്‍ 0471-2517261, 2322150 നമ്പറുകളില്‍ ബന്ധപ്പെടുക.

പി.എന്‍.എക്‌സ്.537/18

തൊഴില്‍ വകുപ്പിലെ അഡീഷണല്‍ ലേബര്‍ കമ്മീഷണര്‍ (എന്‍ഫോഴ്‌സ്‌മെന്റ്) എ. അലക്‌സാണ്ടറിന് ഐ.എ.എസ് ലഭിച്ചു. നിലവില്‍ ഇതര സംസ്ഥാന തൊഴിലാളികള്‍ക്കായി തൊഴില്‍ വകുപ്പ് നടപ്പിലാക്കിയ ആവാസ് പദ്ധതിയുടെ നോഡല്‍ ഓഫീസര്‍, തൊഴില്‍ വകുപ്പിന്റെ ഈസ് ഓഫ് ഡൂയിംഗ് ബിസിനസിന്റെ നോഡല്‍ ഓഫീസര്‍, കള്ള് വ്യവസായ തൊഴിലാളി ക്ഷേമനിധി ബോര്‍ഡ് സി.ഇ.ഒ., അസംഘടിത തൊഴിലാളി സാമൂഹ്യ സുരക്ഷാ ബോര്‍ഡ് സി.ഇ.ഒ., എന്നീ നിലകളില്‍ സേവനമനുഷ്ഠിച്ചു വരുന്നു.

പി.എന്‍.എക്‌സ്.536/18

ചുള്ളിയാര്‍ റിസര്‍വോയറിലെ എക്കല്‍ നീക്കം ചെയ്യുന്ന നടപടികള്‍ക്ക് തുടക്കമായി. ഇതിനു മുന്നോടിയായുള്ള സാമ്പിള്‍ ശേഖരണം ആരംഭിച്ചു. എക്കല്‍ നീക്കം ചെയ്യുന്നതോടെ റിസര്‍വോയറിന്റെ സംഭരണശേഷി പുനസ്ഥാപിക്കാനാവും. ചുള്ളിയാറിലെ സാമ്പിള്‍ ശേഖരണം ഒരു മാസത്തില്‍ പൂര്‍ത്തിയാക്കും. ഇതോടൊപ്പം മംഗലം ഡാമിലെ എക്കല്‍ നീക്കുന്നതിനുള്ള നടപടികളും ആരംഭിക്കും. 

    ത്രിതല സംവിധാനത്തില്‍ പ്രവര്‍ത്തിക്കുന്ന സഹകരണ ബാങ്കുകളെ ഏകീകരിച്ച് സംസ്ഥാന സര്‍ക്കാര്‍ രൂപീകരിക്കാന്‍ ഉദ്ദേശിക്കുന്ന കേരള ബാങ്കുമായി ബന്ധപ്പെട്ട് ഉയര്‍ന്നുവരുന്ന ആശങ്കകള്‍ ദൂരീകരിക്കാന്‍ ജനങ്ങളും സഹകാരികളുമായി വിശദമായ ചര്‍ച്ചകളും കൂടിയാലോചനകളും നടക്കേണ്ടതുണ്ടെന്ന് പ്രതിപക്ഷ നേതാവ് രമേശ് ചെന്നിത്തല അഭിപ്രായപ്പെട്ടു. എട്ടാമത് സഹകരണ കോണ്‍ഗ്രസില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. 

വൈവിധ്യങ്ങളിലൂടെ മുന്നോട്ട് എന്ന പ്രമേയവുമായി എട്ടാമത് സഹകരണ കോണ്‍ഗ്രസിന് പ്രഢോജ്വല തുടക്കം. അടിസ്ഥാന ജനവിഭാഗങ്ങളുടെ ജീവല്‍പ്രശ്‌നങ്ങളില്‍ താങ്ങും തണലുമായി മുന്നേറുന്ന സഹകരണ പ്രസ്ഥാനം, പ്രതിസന്ധികളും വെല്ലുവിളികളും അതിജീവിച്ച് മുന്നോട്ടു കുതിക്കുമെന്ന പ്രഖ്യാപനമായി മാറി മുണ്ടയാട് ഇന്‍ഡോര്‍ സ്റ്റേഡിയത്തില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്ത സഹകരണ കോണ്‍ഗ്രസ്.

സഹകരണ മേഖലയുടെ വിശ്വാസ്യതയെന്ന ഏറ്റവും വലിയ മൂലധനത്തെ തകര്‍ക്കാനുള്ള ശ്രമമാണ് നോട്ട് നിരോധനവുമായി ബന്ധപ്പെട്ട് ഉണ്ടായതെന്ന് മുഖ്യമന്ത്രി പിണറായി വിജയന്‍ പറഞ്ഞു. എട്ടാമത് കേരള സഹകരണ കോണ്‍ഗ്രസ് കണ്ണൂര്‍ മുണ്ടയാട് ഇന്റോര്‍ സ്‌റ്റേഡിയത്തില്‍ ഉദ്ഘാടനം ചെയത് സംസാരിക്കുകയായിരുന്നു അദ്ദേഹം. 

കിറ്റ്‌സ് തിരുവനന്തപുരം, തലശ്ശേരി സെന്ററുകളില്‍ അക്കാദമിക് അസിസ്റ്റന്റ്/റിസര്‍ച്ച് അസോസിയേറ്റ് താല്‍ക്കാലിക തസ്തികയിലേക്ക് കരാറടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  60 ശതമാനം മാര്‍ക്കില്‍ കുറയാതെ അംഗീകൃത യൂണിവേഴ്‌സിറ്റിയില്‍ നിന്ന് ടൂറിസത്തില്‍ ബിരുദാനന്തര ബിരുദവും, അയാട്ട സര്‍ട്ടിഫിക്കറ്റുമാണ് അക്കാഡമിക് അസിസ്റ്റന്റിന്റെ യോഗ്യത.  60 ശതമാനം മാര്‍ക്കില്‍ കുറയാതെ അംഗീകൃത യൂണിവേഴ്‌സിറ്റിയില്‍ നിന്നും ടൂറിസത്തില്‍ ബിരുദാനന്തര ബിരുദമാണ് റിസര്‍ച്ച് അസോസിയേറ്റിന്റെ യോഗ്യത.  എം.ഫില്‍/പി.എച്ച്.ഡി അഭിലഷണീയം.  2018 ജനുവരി ഒന്നിന് 36 വയസ് കവിയരുത്.  വിശദമായ ബയോഡാറ്റ, സര്‍ട്ടിഫിക്കറ്റിന്റെ

ചൈനയില്‍ നടന്ന യു.എന്‍.ഡബ്ല്യു.റ്റി.ഒ യുടെ 22-ാമത് ജനറല്‍ അസംബ്ലി യോഗത്തില്‍ സംസ്ഥാന ടൂറിസം വകുപ്പിന് കീഴിലുള്ള കിറ്റ്‌സിനെ ദക്ഷിണേഷ്യന്‍ മേഖലയിലെ അഫിലിയേറ്റഡ് അംഗങ്ങളുടെ വൈസ് പ്രസിഡന്റായും ബോര്‍ഡ് അംഗമായും തിരഞ്ഞെടുത്തതായി ഡയറക്ടര്‍ അറിയിച്ചു.  2013, 2015 വര്‍ഷങ്ങളിലും ഈ അഗീകാരം കിറ്റ്‌സിന് ലഭിച്ചിരുന്നു.  ലോക ടൂറിസം സംഘടനയില്‍ 158 രാജ്യങ്ങളില്‍ നിന്നുള്ള അംഗങ്ങളും 500 അഫിലിയേറ്റഡ് അംഗങ്ങളുമുണ്ട്.  

പി.എന്‍.എക്‌സ്.533/18