മുഖ്യമന്ത്രിയുടെ നിര്‍ദ്ദേശത്തിന്റെ അടിസ്ഥാനത്തിലുള്ള  കണ്ണൂര്‍ താലൂക്ക്തല പൊതുജന പരിഹാര അദാലത്തില്‍ പരിഗണിക്കുന്നതിനുള്ള അപേക്ഷകള്‍ ഫെബ്രുവരി 15 വരെ കണ്ണൂര്‍ താലൂക്ക് ഓഫീസിലും താലൂക്കിന്റെ പരിധിയിലുള്ള വില്ലേജ് ഓഫീസുകളിലും സ്വീകരിക്കും.  മുഖ്യമന്ത്രിയുടെ ദുരിതാശ്വാസനിധി, എ പി എല്‍, ബിപിഎല്‍ കാര്‍ഡുമായി ബന്ധപ്പെട്ട പരാതികള്‍ ഒഴിച്ച് ഏത് വിഷയത്തിലും പൊതുജനങ്ങള്‍ക്ക് പരാതികള്‍ സമര്‍പ്പിക്കാം.  പരാതിയുടെ വിശദാംശങ്ങള്‍ ഒരു പുറത്തില്‍ ഒതുങ്ങുന്ന രീതിയില്‍ എഴുതി ആവശ്യമായ രേഖകള്‍ സഹിതം സമര്‍പ്പിക്കണം.

അവധിക്കാലം നൈപുണ്യവികസനത്തിനായി പ്രയോജന പ്രദമാക്കുന്നതിന് സംസ്ഥാന പൊതു വിദ്യാഭ്യാസ വകുപ്പും ഉന്നത വിദ്യാഭ്യാസ വകുപ്പും നടപ്പിലാക്കുന്ന സംയുക്ത സംരംഭമായ അഡീഷണല്‍ സ്‌കില്‍ അക്വിസിഷന്‍ പ്രോഗ്രാമിന്റെ (അസാപ്) സമ്മര്‍ സ്‌കില്‍ സ്‌കൂള്‍ നൈപുണ്യവികസന പരിപാടിയിലേക്ക് അപേക്ഷ ക്ഷണിച്ചു. 15-25 വയസ്സ് പ്രായപരിധിയിലുള്ള ആര്‍ക്കും അവരവരുടെ വിദ്യാഭ്യാസ യോഗ്യത അനുസരിച്ച് തൊഴില്‍ നൈപുണ്യ കോഴ്‌സ് തെരഞ്ഞെടുക്കാം.  തൊഴില്‍ നൈപുണ്യം ആര്‍ജിക്കുന്നതിനുള്ള പ്രാക്ടിക്കല്‍, ഇന്റേണ്‍ഷിപ്പ് എന്നിവ ഉള്‍പ്പെട്ട കോഴ്‌സുകളാണ് നല്‍കുന്നത്.

 മലബാര്‍ ദേവസ്വം ബോര്‍ഡ് തലശ്ശേരി അസി.കമ്മീഷണറുടെ അധികാര പരിധിയില്‍പ്പെടുന്ന ക്ഷേത്രങ്ങളിലെ ഭരണാധികാരികള്‍, ക്ഷേത്ര ജീവനക്കാരുടെ 2017 വരെയുള്ള ശമ്പള കുടിശ്ശികക്കും 2018 ലെ അഡ്വാന്‍സിനുമുള്ള അപേക്ഷകള്‍ 15 ന് മുമ്പ് ബന്ധപ്പെട്ട രേഖകള്‍ സഹിതം അസി.കമ്മീഷണറുടെ ഓഫീസില്‍ സമര്‍പ്പിക്കണം.
പി.എന്‍.സി/389/2018

കേന്ദ്ര വനിതാ ശിശു വികസന മന്ത്രാലയത്തിന്റെ പദ്ധതിയും തലശ്ശേരി സോഷ്യല്‍ സര്‍വ്വീസ് സൊസൈറ്റിയുടെ കീഴില്‍ പ്രവര്‍ത്തിക്കുന്നതുമായ ചൈല്‍ഡ്‌ലൈന്‍ പ്രോജക്ടിലേക്ക്  അപേക്ഷ ക്ഷണിച്ചു.  യോഗ്യത: ബിരുദം.  സോഷ്യല്‍വര്‍ക്ക് ബിരുദധാരികള്‍ക്ക് മുന്‍ഗണന.    അപേക്ഷകള്‍ tessstellicherry1966@gmail.com എന്ന മെയില്‍ വിലാസത്തില്‍  7 ന് മുമ്പ് ലഭിക്കണം.  ഫോണ്‍: 0497 2708474.
പി.എന്‍.സി/389/2018

 വനിതാ കമ്മീഷന്‍  ജില്ലാ പഞ്ചായത്തും ലൈബ്രറി കൗണ്‍സിലുമായി സഹകരിച്ച് സംഘടിപ്പിക്കുന്ന സെമിനാറിന്റെ സംസ്ഥാനതല ഉദ്ഘാടനം നാളെ (ഫെബ്രുവരി 6).   സ്ത്രീ സുരക്ഷാ നിയമം സാധ്യതകളും വെല്ലുവിളികളും എന്ന വിഷയത്തെ കേന്ദ്രീകരിച്ച് രാവിലെ 9.30 മുതല്‍ ആസൂത്രണ സമിതി ഹാളില്‍ ഹരിത കേരള മിഷന്‍ വൈസ് ചെയര്‍പേഴ്‌സണ്‍ ഡോ ടിഎന്‍ സീമ ഉദ്ഘാടനം ചെയ്യും.  മേയര്‍ ഇപി ലത അധ്യക്ഷയാകും. 

        ജില്ലയിലെ പെരിയ ജവഹര്‍ നവോദയ വിദ്യാലയത്തില്‍ 2018-19 അധ്യയനവര്‍ഷത്തില്‍ ആറാം ക്ലാസിലേക്ക്  ഈ മാസം 10 ന് നടത്താനിരുന്ന  പ്രവേശനപരീക്ഷ ചില സാങ്കേതിക കാരണങ്ങളാല്‍ മാറ്റി.  പുതുക്കിയ തീയതി പിന്നീട് അറിയിക്കും.
 

ഹരിതകേരളം മിഷന്റെ ഭാഗമായി പരിസ്ഥിതി ജലസംരക്ഷണവുമായി ബന്ധപ്പെട്ട് മുഖ്യമന്ത്രി പിണറായി വിജയന് സ്‌കൂള്‍ വിദ്യാര്‍ഥികളെഴുതിയ കത്തുകളില്‍ സംസ്ഥാനതലത്തില്‍ ഹൈസ്‌കൂള്‍ വിഭാഗത്തില്‍ രണ്ടും മൂന്നും സ്ഥാനങ്ങള്‍ ജില്ലയിലെ വിദ്യാര്‍ഥികള്‍ക്ക്. കരിവെള്ളൂര്‍ എ.വി.എസ് ഗവ. ഹയര്‍ സെക്കന്ററി സ്‌കൂളിലെ എട്ടാം ക്ലാസ് വിദ്യാര്‍ഥി മിഴി വി.പി രണ്ടാം സ്ഥാനവും പാട്യം ഗവ. ഹയര്‍ സെക്കന്ററി സ്‌കൂളിലെ എട്ടാം ക്ലാസ് വിദ്യാര്‍ഥി എസ് അമല്‍ കിഷോര്‍ മൂന്നാം സ്ഥാനവും നേടി. കരിവെള്ളൂര്‍ എ.വി.എസ് ഗവ.