ജില്ലാ പദ്ധതിയുടെ കരട് പൂര്‍ത്തീകരണത്തിന്റെ ഭാഗമായി ഉപസമിതികള്‍ ഡിസംബര്‍ 21ന് രാവിലെ 10 മുതല്‍ ജില്ലാ ആസൂത്രണ സമിതി മിനി കോണ്‍ഫറന്‍സ് ഹാളില്‍ റിപ്പോര്‍ട്ട് അവതരിപ്പിക്കും. ജില്ലാ ആസൂത്രണ സമിതി അധ്യക്ഷനായ ജില്ലാ പഞ്ചായത്ത് പ്രസിഡന്റ്, ജില്ലാ കളക്ടര്‍  പങ്കെടുക്കും. യോഗത്തില്‍ ഉപസമിതി ചെയര്‍പേഴ്‌സന്‍മാര്‍, വൈസ് ചെയര്‍പേഴ്‌സന്‍മാര്‍, കണ്‍വീനര്‍മാര്‍ എന്നിവര്‍ നിര്‍ബന്ധമായി പങ്കെടുക്കണമെന്ന് ജില്ലാ കളക്ടര്‍ അറിയിച്ചു. 

ഇന്ത്യന്‍ വ്യോമ സേനയില്‍ വിവിധ സാങ്കേതിക വിഭാഗങ്ങളിലേക്ക് അപേക്ഷിക്കാന്‍ അവിവാഹിതരായ പുരുഷന്‍മാര്‍ക്ക് അവസരം. വ്യോമ സേനയിലെ എക്‌സ്, വൈ വിഭാഗങ്ങളിലെ 15ലേറെ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. 1998 ജനുവരി 13നും 2002 ജനുവരി രണ്ടിനുമിടയില്‍ ജനിച്ചവര്‍ക്ക് അപേക്ഷിക്കാം. മാത്‌സ്, ഫിസിക്‌സ് എന്നീ വിഷയങ്ങളില്‍ പ്ലസ്ടു/തത്തുല്യ യോഗ്യത അല്ലെങ്കില്‍ മൂന്ന് വര്‍ഷത്തെ എഞ്ചിനീയറിംഗ് ഡിപ്ലോമയാണ് യോഗ്യത. കോഴ്‌സിന് 50 ശതമാനം മാര്‍ക്കും ഇംഗ്ലീഷിന് പ്രത്യേകമായി 50 ശതമാനം മാര്‍ക്കും ഉണ്ടായിരിക്കണം. 

തിരുവിതാംകൂര്‍ ദേവസ്വം ബോര്‍ഡില്‍ 2017 ഡിസംബര്‍ ആറിലെ വിജ്ഞാപന പ്രകാരം പ്രസിദ്ധീകരിച്ച അസിസ്റ്റന്റ് എഞ്ചിനീയര്‍ (സിവില്‍) തേഡ് ഗ്രേഡ് ഓവര്‍സീയര്‍ (സിവില്‍),  തസ്തികകളുടെ അപേക്ഷ ലഭിക്കേണ്ട  തീയതി 2018 ജനുവരി എട്ടുവരെ ദീര്‍ഘിപ്പിച്ചു.

 പി.എന്‍.എക്‌സ്.5308/17

ഐ.എച്ച്.ആര്‍.ഡി.യുടെ തിരുവനന്തപുരം മെഡിക്കല്‍ കോളേജിനടുത്ത് പുതുപ്പള്ളി ലെയ്‌നിലുള്ള റീജിയണല്‍ സെന്ററില്‍ ജനുവരി ആദ്യവാരം ആരംഭിക്കുന്ന പോസ്റ്റ് ഗ്രാജുവേറ്റ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (ഒരു വര്‍ഷം), ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (ഡി.സി.എ - ആറ് മാസം) & ഡിപ്ലോമ ഇന്‍ ഡാറ്റ എന്‍ട്രി ടെക്‌നിക്‌സ് ആന്റ് ഓഫീസ് ഓട്ടോമേഷന്‍ (ഒരു വര്‍ഷം) എന്നീ കോഴ്‌സുകളിലേക്ക് അപേക്ഷ ക്ഷണിച്ചു. ഡിഗ്രി, പ്ലസ് ടു, എസ്.എസ്.എല്‍.സി എന്നിവയാണ് യഥാക്രമം യോഗ്യതകള്‍. എസ്.സി/എസ്.റ്റി/ഒ.ഇ.സി വിഭാഗക്കാര്‍ക്ക് സര്‍ക്കാര്‍ നിശ്ചയിച്ചിട്ടുള്ള ഫീസ് സൗജന്യം ലഭിക്കും.

കേന്ദ്ര സര്‍ക്കാരിന്റേയും എംപ്ലോയ്‌മെന്റ് വകുപ്പിന്റെയും സംയുക്ത സംരംഭമായ മോഡല്‍ കരിയര്‍ സെന്ററിന്റെയും  സംസ്ഥാന സഹകരണ യൂണിയന്റെ കീഴിലുള്ള കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിന്റെയും (കിക്മ)  സംയുക്ത ആഭിമുഖ്യത്തില്‍ ഡിസംബര്‍ 15 ന് രാവിലെ 9.30 മുതല്‍ തിരുവനന്തപുരം നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് ക്യാമ്പസില്‍ സൗജന്യ ജോബ് ഫെയര്‍ സംഘടിപ്പിക്കും. എസ്.എസ്.എല്‍.സിയോ അതിന് മുകളിലോ വിദ്യാഭ്യാസ യോഗ്യതയുള്ളവര്‍ക്ക് പങ്കെടുക്കാം. താത്പര്യമുളളവര്‍ ഡിസംബര്‍ 14 ന് ഉച്ചയ്ക്ക് 12 മണിക്ക് മുമ്പ് www.ncs.gov.in ല്‍ പേര് രജിസ്റ്റര്‍ ചെയ്യണം.

കൊച്ചി: സര്‍വ്വേ ആന്റ് ലാന്‍ഡ് റെക്കോര്‍ഡ്‌സ് വകുപ്പില്‍ സര്‍വ്വേയര്‍ ഗ്രേഡ് 2 (കാറ്റഗറി നമ്പര്‍ 415/2015) തസ്തികയുടെ തെരഞ്ഞെടുപ്പിനായി ഡിസംബര്‍ ഏഴിന് പ്രസിദ്ധീകരിച്ച സാധ്യതാ പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായുളള ഒടത്തവണ വെരിഫിക്കേഷന്‍ ഡിസംബര്‍ 15, 18, 19, 20, 21, 2018 ജനുവരി മൂന്ന്, നാല് തീയതികളില്‍ പി.എസ്.സി യുടെ എറണാകുളം മേഖലാ ഓഫീസില്‍ നടത്തും.  ഉദ്യോഗാര്‍ഥികള്‍ ലഭിച്ചിട്ടുളള എസ്.എം.എസ്, പ്രൊഫൈല്‍ മെസേജ് എന്നിവ പരിശോധിച്ച് അതത് ദിവസങ്ങളില്‍  പി.എസ്.സി ഓഫീസില്‍ ഹാജരാകണം.

കേരള ഖാദി ഗ്രാമവ്യവസായ ബോര്‍ഡ്, ഖാദി കമ്മീഷന്‍ അംഗീകൃത ഖാദി സ്ഥാപനങ്ങളുമായി ചേര്‍ന്ന് നടത്തിയ ഓണം-ബക്രീദ് ഖാദി മേളയുടെ സ്വര്‍ണസമ്മാന പദ്ധതിയുടെ നറുക്കെടുപ്പില്‍ വിജയികളായവര്‍ക്കുള്ള സമ്മാനം ഡിസംബര്‍ 18 ന് രാവിലെ 11 ന് കണ്ണൂര്‍ ടൗണ്‍ സര്‍വീസ് സഹകരണ ബാങ്ക് ഓഡിറ്റോറിയത്തില്‍ ഖാദി ബോര്‍ഡ് വൈസ് ചെയര്‍മാന്‍ എം.വി.ബാലകൃഷ്ണന്‍ മാസ്റ്റര്‍ വിതരണം ചെയ്യും. ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് ചടങ്ങില്‍ അധ്യക്ഷത വഹിക്കും. സമ്മാനാര്‍ഹരായവര്‍ കൂപ്പണുമായി ഖാദി ബോര്‍ഡുമായോ ജില്ലാ ഓഫീസുകളുമായോ ബന്ധപ്പെടണം.

 പി.എന്‍.എക്‌സ്.5305/17

കൊച്ചി: മാതാപിതാക്കള്‍ മരണപ്പെട്ട മത്സ്യത്തൊഴിലാളികളുടെ മക്കള്‍ക്ക് ഉന്നതവിദ്യാഭ്യാസം ഉറപ്പാക്കുന്നതിനായി നടപ്പാക്കുന്ന പദ്ധതിയിലേക്കുളള അപേക്ഷകള്‍ അതത് മത്സ്യഭവനുകളില്‍ ഡിസംബര്‍ 18 വരെ സ്വീകരിക്കും. വിശദ വിവരങ്ങള്‍ ഓഫീസ് പ്രവൃത്തി സമയങ്ങളില്‍ 0484-2394476 എന്ന ഫോണ്‍ നമ്പറില്‍ ലഭിക്കും.