പാണക്കാട് വില്ലേജ് പരിധിയിലെ ആധാരം കംപ്യൂട്ടറൈസ് ചെയ്യുന്നതിന് ഭൂവുടമകള്‍ നിശ്ചിത മാതൃകയിലുള്ള അപേക്ഷ, ആധാരം, നികുതി രസീതിന്റെ പകര്‍പ്പ് എന്നിവ പാണക്കാട് വില്ലേജ് ഓഫീസില്‍ ഹാജരാക്കണം. ഡിസംബര്‍ 25നകം അധാരം ഹാജരാക്കത്തവര്‍ക്ക് കൈവശ സര്‍ട്ടിഫിക്കറ്റ്, നികുതി രസീത്, ഭൂമി സംബന്ധിച്ച മറ്റ് സര്‍ട്ടിഫിക്കറ്റുകള്‍ നല്‍കുകയില്ലെന്ന് വില്ലേജ് ഓഫീസര്‍ അറിയിച്ചു.

കേന്ദ്ര വനിതാ - ശിശു വികസന മന്ത്രാലയത്തിന്റെ  പദ്ധതിയായ ചൈല്‍ഡ്‌ലൈന്‍ മലപ്പുറം പൊന്നാനി സപ്പോര്‍ട്ട് യൂണിറ്റിലേക്ക്  ഉദ്യോഗാര്‍ഥികളെ ആവശ്യമുണ്ട്. ബിരുദമാണ് യോഗ്യത. ബയോഡാറ്റ അയക്കേണ്ട വിലാസം: childlinemalappuramsupport@gmail.com  മൊബൈല്‍: 9847194374, 9995039776

മലപ്പുറം ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ സ്വയം തൊഴില്‍ വിഭാഗത്തിന്റെ ആഭിമുഖ്യത്തില്‍ നവംബര്‍ 25ന് രാവിലെ 10ന് മാറഞ്ചേരി ഐ.ടി.ഐയില്‍ സ്വയം തൊഴില്‍ ബോധവത്ക്കരണ ശില്‍പശാല സംഘടിപ്പിക്കുന്നു. പങ്കെടുക്കാന്‍ താല്‍പര്യമുള്ളവര്‍ മാറഞ്ചേരി ഐ.ടി.ഐയില്‍ ഹാജരാകണം .

എംപ്ലോയ്‌മെന്റ് എക്‌സ്‌ചേഞ്ചില്‍ 2018 - 19 വര്‍ഷത്തെ സീനിയോറിറ്റി ലിസ്റ്റ് തയ്യാറാക്കുന്നതിനാല്‍ രജിസ്‌ട്രേഷന്‍, പുതുക്കല്‍ , സര്‍ട്ടിഫിക്കറ്റ് ചേര്‍ക്കല്‍ എന്നിവ  ഡിസംബര്‍ 20 വരെ ഉണ്ടായിരിക്കുന്നതല്ല . ഇവ ഉദ്യോഗാര്‍ത്ഥികള്‍ക്ക് ഓണ്‍ലൈനായി നടത്താവുന്നതാണ്. സെപ്തംബര്‍, ഒക്‌ടോബര്‍ കാലയളവിലെ പുതുക്കല്‍ രേഖപ്പെടുത്തിയ കാര്‍ഡുകള്‍ 2018 ഫെബ്രുവരി വരെയും നവംബര്‍ , ഡിസംബര്‍ കാലയളവിലെ പുതുക്കല്‍ രേഖപ്പെടുത്തിയ കാര്‍ഡുകള്‍ 2018 മാര്‍ച്ച് 31 വരെയും പുതുക്കാന്‍ അവസരമുണ്ടായിരിക്കും .

തോട്ടു മുക്കം - കുഴിനക്കിപ്പാറ പാലം പുതുക്കി പണിയുന്നതിനാല്‍ ഇതുവഴിയുളള ഗതാഗതം പണിതീരും വരെ നിരോധിച്ചതായി പൊതുമരാമത്ത് എക്‌സി . എഞ്ചിനീയര്‍ അറിയിച്ചു . വാഹനങ്ങള്‍ അരീക്കോട് - വടക്കുമുറി വഴി വെറ്റിലപ്പാറ - എടക്കാട്ടുപറമ്പ് - തോട്ടുമുക്കം - പനമ്പിലാവ് വഴി പോകണം.

അനധികൃത പുഴമണല്‍കടത്തുമായി ബന്ധപ്പെട്ട് സര്‍ക്കാരിലേക്ക് കണ്ടുകെട്ടിയ കെ എല്‍ 10 എ എം 7197 നമ്പര്‍ ടിപ്പര്‍ നാളെ (നവംബര്‍ 23)് സിവില്‍ സ്റ്റേഷനില്‍ ലേലം ചെയ്യും

കേരള വനിതാകമ്മീഷന്‍ അദാലത്ത് ഈ മാസം 25ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും .

പിന്നാക്ക വിഭാഗ വികസന വകുപ്പ് നടപ്പാക്കിവരുന്ന പരമ്പരാഗത കരകൗശല വിദഗ്ധര്‍ക്ക് പണിയായുധങ്ങള്‍ക്കുള്ള ധനസഹായ പദ്ധതിയുടെ  കോഴിക്കോട് , കണ്ണൂര്‍ ,കാസര്‍ഗോഡ് മലപ്പുറം ,വയനാട് , പാലക്കാട് , തൃശൂര്‍ ജില്ലകളിലെ അപേക്ഷകരുടെ മുന്‍ഗണനാലിസ്റ്റ് ംംം.യലററ.സലൃമഹമ.ഴീ്.ശി എന്ന വെബ് സൈറ്റില്‍ പ്രസിദ്ധീകരിച്ചിട്ടുണ്ട്.  ആക്ഷേപങ്ങള്‍ ഉണ്ടെങ്കില്‍ 15 ദിവസങ്ങള്‍ക്കകം മേഖലാ ഡെപ്യൂട്ടി ഡയറക്ടര്‍ , പിന്നാക്ക വിഭാഗ വികസന വകുപ്പ് , കോഴിക്കോട് , സിവില്‍ സ്റ്റേഷന്‍ പി. ഒ കോഴിക്കോട് വിലാസത്തില്‍ രേഖാമൂലം അറിയിക്കണം .

         പൊന്നാനി നഗരസഭയിലെ അഴീക്കല്‍ വാര്‍ഡില്‍ ഉപതെരഞ്ഞെടുപ്പിന് മുന്നോടിയായി പ്രസിദ്ധീകരിച്ച അന്തിമ വോട്ടര്‍പട്ടിക സംസ്ഥാന തെരഞ്ഞെടുപ്പു കമ്മീഷണര്‍     വി.ഭാസ്‌കരന്‍ റദ്ദാക്കി. വോട്ടര്‍ രജിസ്‌ട്രേഷന്‍ ചട്ടങ്ങളിലെ നടപടിക്രമങ്ങള്‍ പാലിക്കാതെ ഇലക്ടറല്‍ രജിസ്‌ട്രേഷന്‍ ആഫീസറായ പൊന്നാനി നഗരസഭാ സെക്രട്ടറി പട്ടികയില്‍ സമ്മതിദായകരുടെ പേര് ഉല്‍പ്പെടുത്തുകയും ഒഴിവാക്കുകയും ചെയ്ത സാഹചര്യത്തിലാണ് കമ്മീഷന്‍    നടപടി സ്വീകരിച്ചത്.