പൊതുവിദ്യാലയങ്ങളുടെ മികവുകളും അനുഭവങ്ങളും പങ്കുവെയ്ക്കുന്ന കൈറ്റിന്റെ വിദ്യാഭ്യാസ റിയാലിറ്റി ഷോയായ ഹരിതവിദ്യാലയത്തിന്റെ സ്വിച്ച് ഓണ്‍ കര്‍മ്മം തിരുവനന്തപുരം ചിത്രാജ്ഞലി സ്റ്റുഡിയോയില്‍ വിദ്യാഭ്യാസ മന്ത്രി പ്രൊഫ സി രവീന്ദ്രനാഥ് നിര്‍വഹിച്ചു. 

     മത്സ്യഗ്രാമാടിസ്ഥാനത്തില്‍ ജില്ലയില്‍ 35 കമ്മ്യൂണിറ്റി മോട്ടിവേറ്റര്‍ മാരെ കരാര്‍ വ്യവസ്ഥയില്‍ നിയമിക്കുന്നു. മത്സ്യത്തൊഴിലാളികളുടെ മക്കളും ഏതെങ്കിലും വിഷയത്തില്‍ അംഗീകൃത ബിരുദമുള്ളവരും 22നും 45നും മധ്യേ പ്രായമുള്ളവരുമായ ഉദ്യോഗാര്‍ത്ഥികള്‍ക്ക് അപേക്ഷിക്കാം. എം എസ് ഓഫീസ്, /കെജിടിഎ/ വേര്‍ഡ് പ്രോസസിംഗ്/ പി ജി ഡി സി എ എന്നിവ അധിക യോഗ്യതയായി പരിഗണിക്കും. അപേക്ഷകള്‍ ഡിസംബര്‍ 5ന് മുമ്പ് കമലേശ്വരത്തുള്ള ഫിഷറീസ് ഡെപ്യൂട്ടി ഡയറക്ടര്‍ക്ക് സമര്‍പ്പിക്കേണ്ടതാണ്. 
(പി.ആര്‍.പി 1948/2017)
 

 
വെങ്ങാനൂര്‍ ചാവടിനടയില്‍ പ്രവര്‍ത്തിക്കുന്ന പട്ടിക ജാതി വികസന വകുപ്പിന്റെ പെണ്‍കുട്ടികള്‍ക്കുള്ള പ്രീ മെട്രിക് ഹോസ്റ്റലില്‍ കരാര്‍ അടിസ്ഥാനത്തില്‍ മേട്രണ്‍ കം ടൂട്ടറെ നിയമിക്കുന്നതിന് അപേക്ഷ ക്ഷണിച്ചു. ബിരുദവും ബി എഡുമാണ് യോഗ്യത. പ്രവൃത്തി സമയം വൈകിട്ട് 4 മണിമുതല്‍ രാവിലെ 8 മണിവരെ. 2018 മാര്‍ച്ച് 31 വരെയാണ് നിയമനം  താല്‍പര്യമുള്ളവര്‍ ഡിസംബര്‍ 4ന് ബയോഡാറ്റയും ബന്ധപ്പെട്ട സര്‍ട്ടിഫിക്കറ്റുകളുടെ  പകര്‍പ്പുകളും സഹിതം അപേക്ഷ അതിയന്നൂര്‍ ബ്‌ളോക്ക് പട്ടികജാതി വികസന ഓഫീസര്‍ക്ക് സമര്‍പ്പിക്കണമെന്ന് പട്ടികജാതി വികസന ഓഫീസര്‍ അറിയിച്ചു.
(പി.ആര്‍.പി 1946/2017)
 

     മീസില്‍സ് റൂബെല്ല ക്യാമ്പയിന്‍ അവസാനിക്കാന്‍ ഇനി മൂന്നു നാള്‍കൂടി. കുത്തി വെപ്പെടുക്കാന്‍ ശേഷിക്കുന്നത് 46172 കുട്ടികള്‍ മാത്രം. അവര്‍ക്ക് കൂടി ഈ മാരകരോഗങ്ങള്‍ക്കെതിരെയുള്ള വാക്‌സിന്റെ പരിരക്ഷ നല്‍കാന്‍ രക്ഷിതാക്കള്‍് മുന്നോട്ട് വരുമെന്ന് തന്നെ വിശ്വസിക്കുന്നതായി സബ്കളക്ടര്‍ ഡോ ദിവ്യ എസ് അയ്യര്‍.

    ജില്ലയില്‍ പ്രവര്‍ത്തിക്കുന്ന ക്വാറികള്‍,ക്രഷറുകള്‍,അനുബന്ധ സ്ഥാപനങ്ങള്‍ എന്നിവയുടെ പ്രവര്‍ത്തനത്തെ സംബന്ധിച്ച് വിപുലമായി അന്വേഷിക്കുമെന്ന് ജില്ലാ കളക്ടര്‍ ഡോ കെ വാസുകി പറഞ്ഞു. എല്‍ ആര്‍ ഡെപ്യൂട്ടി കളക്ടര്‍ വി വിനോദിന്റെ നേതൃത്വത്തിലുള്ള സംഘമാണ് അന്വേഷിക്കുക.