കര്‍ഷക തൊഴിലാളി ക്ഷേമനിധി ബോര്‍ഡില്‍ അംഗങ്ങളായവര്‍ക്ക് ഡിസംബര്‍ ഒന്ന് മുതല്‍ 2018 മെയ് 31 വരെ കുടിശ്ശിക അടച്ച് അംഗത്വം പുനസ്ഥാപിക്കാം. 2007 ജനുവരി നാല് മുതല്‍ കുടിശ്ശിക വരുത്തിയവര്‍ വര്‍ഷം ഒന്നിന് 10 രൂപ പലിശ ചേര്‍ത്ത് കുടിശ്ശിക അടയ്ക്കണം. 

    വെണ്ണിക്കുളം ഗവണ്‍മെന്‍റ് പോളിടെക്നിക്ക് കോളേജിലെ പ്രധാനമന്ത്രി കൗശല്‍ വികാസ് യോജന സ്കീമില്‍ ഓട്ടോമോട്ടീവ് എന്‍ജിന്‍ റിപ്പയര്‍ ടെക്നീഷ്യന്‍ ലെവല്‍ 4, അസിസ്റ്റന്‍റ് സര്‍വെയര്‍ എന്നീ ഹ്രസ്വകാല കോഴ്സിലേക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഡിസംബര്‍ 10. താത്പര്യമുള്ളവര്‍ കണ്ടിന്യുയിംഗ് എഡ്യുക്കേഷന്‍ സെല്ലുമായി ബന്ധപ്പെടണം. ഫോണ്‍: 0469 2651428. 
                                            (പിഎന്‍പി 3206/17)
 

    മൃഗസംരക്ഷണ വകുപ്പില്‍ ജില്ലയിലേക്ക് രാത്രികാല മൃഗചികിത്സാ സേവനം നല്‍കുന്നതിനായി കരാര്‍ വ്യവസ്ഥയില്‍ വെറ്ററിനറി സര്‍ജډാരെ നിയമിക്കുന്നു. താത്പര്യമുള്ള രജിസ്ട്രേഡ് വെറ്ററിനറി സര്‍ജډാര്‍ ഡിസംബര്‍ നാലിന് രാവിലെ 11ന് പത്തനംതിട്ട മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ മൃഗസംരക്ഷണ ഓഫീസില്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്ക് എത്തണം. ഫോണ്‍: 0468 2322762.                  (പിഎന്‍പി 3205)

    സംസ്ഥാനത്തെ സിനിമ തിയേറ്റര്‍ മേഖലയിലെ തൊഴിലാളികളുടെയും സ്റ്റോണ്‍ ബ്രോക്കിംഗ്/ക്രഷിംഗ്, കണ്‍സ്ട്രക്ഷന്‍ ഓഫ് മെയിന്‍റനന്‍സ് ഓഫ് റോഡ്സ് ആന്‍ഡ് ബില്‍ഡിംഗ് ഓപ്പറേഷന്‍സ് തൊഴില്‍ മേഖലയിലെ തൊഴിലാളികളുടെയും  മിനിമം വേതനം പുതുക്കി നിശ്ചയിക്കുന്നതിനുള്ള ഉപസമിതിയുടെ തെളിവെടുപ്പ് യോഗം ഡിസംബര്‍ അഞ്ചിന് രാവിലെ 10.30ന് തിരുവനന്തപുരം തൊഴില്‍ ഭവന്‍ നാലാം നിലയിലുള്ള മിനിമം വേതന ഉപ ദേശകസമിതിയുടെ കാര്യാലയത്തില്‍ നടക്കും. ജില്ലയില്‍ നിന്നും ഈ മേഖലകളുമായി ബന്ധപ്പെട്ട്  പ്രവര്‍ത്തിക്കുന്ന തൊഴിലുടമ-തൊഴിലാളി പ്രതിനിധികള്‍ക്ക് പങ്കെടുക്കാം.
                                           (പിഎന്‍പി 3204/17) 

    ജില്ലയിലെ പച്ചക്കറി കൃഷി മേഖലയില്‍ ഉണ്ടാകുന്ന വിവിധ പ്രശ്നങ്ങള്‍ക്ക് പരിഹാരം കാണുന്നതിന്‍റെ ഭാഗമായി മള്‍ട്ടി ഡിസിപ്ലിനറി ഡയഗണോസ്റ്റിക് ടീം സന്ദര്‍ശനം നടത്തി. കേരള കാര്‍ഷിക സര്‍വകലാശാലയിലെ ഡോ.സാം ടി.കുറുന്തോട്ടിക്കല്‍, ഡോ.ഉമാ മഹേശ്വരന്‍, കൃഷി ഡെപ്യൂട്ടി ഡയറക്ടര്‍ സുജ ജോര്‍ജ് എന്നിവരുടെ നേതൃത്വത്തിലായിരുന്നു സന്ദര്‍ശനം. കൃഷി അസിസ്റ്റന്‍റ് ഡയറക്ടര്‍ ജോയ്സി കെ.കോശി, കൃഷി ആഫീസര്‍മാരായ ശ്യാം കുമാര്‍, എസ്.പുഷ്പ, എസ്.ആദില, സുഗതകുമാരി എന്നിവരും ഫീല്‍ഡ് അസിസ്റ്റന്‍റുമാരും സംഘത്തോടൊപ്പമുണ്ടായിരുന്നു. 

കേരള സര്‍ക്കാരിന്റെ നിയന്ത്രണത്തിലുള്ള എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി തിരുവനന്തപുരം കേന്ദ്രത്തില്‍ എസ്.എസ്.എല്‍.സി പാസായ വിദ്യാര്‍ത്ഥികള്‍ക്ക് ഡേറ്റാ എന്‍ട്രി ആന്റ് ഓഫീസ് ഓട്ടോമേഷന്‍ (ഇംഗ്ലീഷ് ആന്റ് മലയാളം) (സമയം 10-12), പ്ലസ്ടു കൊമേഴ്‌സ്/ബി.കോം/ജെ.ഡി.സി./എച്ച്.ഡി.സി പാസായ വിദ്യാര്‍ത്ഥികള്‍ക്ക് റ്റാലി (സമയം 10-12) കോഴ്‌സുകളിലേക്ക് അപേക്ഷ ക്ഷണിച്ചു. കോഴ്‌സുകള്‍ ഡിസംബര്‍ ആദ്യവാരം ആരംഭിക്കും.

സംസ്ഥാന പിന്നോക്ക വിഭാഗ വികസന കോര്‍പറേഷന്‍റെ(കെഎസ്ബിസിഡിസി) സ്കോളര്‍ഷിപ്പ് വിതരണവും സംരംഭകത്വ പരിശീലനവും ഇന്ന് (30ന്) രാവിലെ 10ന് പഴകുളം പാസ് ഓഡിറ്റോറിയത്തില്‍ ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്യും. കെഎസ്ബിസിഡിസി ഡയറക്ടര്‍ എ.പി. ജയന്‍ അധ്യക്ഷത വഹിക്കും. വായ്പാ വിതരണം പള്ളിക്കല്‍ ഗ്രാമപഞ്ചായത്ത് പ്രസിഡന്‍റ് ജി. പ്രസന്നകുമാരി നിര്‍വഹിക്കും. പള്ളിക്കല്‍ ഗ്രാമപഞ്ചായത്ത് അംഗം എസ്. അഖില്‍, കെഎസ്ബിസിഡിസി അസിസ്റ്റന്‍റ് ജനറല്‍ മാനേജര്‍ ജി. സജിത്ത്,  അസിസ്റ്റന്‍റ് മാനേജര്‍ ബി. സിനിമോള്‍ എന്നിവര്‍ പ്രസംഗിക്കും. കോട്ടയം ബിക്സ് ഡയറക്ടര്‍ തോമസ് സഖറിയാ സംരംഭകത്വ പരിശീലനം നയിക്കും.