ഡിസംബര്‍ ഒന്നിന് നടത്താനിരുന്ന  പതിമൂന്നാം പഞ്ചവല്‍സര പദ്ധതിയിലുള്‍പ്പെട്ട  പട്ടികവര്‍ഗ ഉപപദ്ധതികളുടെയും  പട്ടികജാതിക്കാര്‍ക്കായുളള  പ്രത്യേക ഘടക പദ്ധതികളുടെയും നിര്‍വ്വഹണ പുരോഗതി അവലോകന യോഗം   ഡിസംബര്‍ 15 ന് ജില്ലാ ആസൂത്രണസമിതി കോണ്‍ഫറന്‍സ് ഹാളില്‍ നടക്കും.

   ലോക എയ്ഡ്‌സ് ദിനാചരണത്തിന്റെ ഭാഗമായി കാസര്‍കോട് ജനറല്‍ ആശുപത്രിയുടെ ആഭിമുഖ്യത്തില്‍ ഇന്നും നാളെയും(30, ഡിസംബര്‍ 1) വിവിധ പരിപാടികള്‍ സംഘടിപ്പിക്കും. ഇന്ന് രാവിലെ 9.30 ന് ജനറല്‍ ആശുപത്രി പരിസരത്തുനിന്നും എയ്ഡ്‌സ് ദിന ബോധവത്ക്കരണ റാലി എന്‍.എ നെല്ലിക്കുന്ന് എംഎല്‍എ ഫഌഗ് ഓഫ് ചെയ്യും. 10.30 ന് ജനറല്‍ ആശുപത്രിയില്‍ കാന്‍വാസ് ഒരുക്കും. 11ന് മാലിക് ദിനാര്‍ ഇനസ്റ്റിറ്റിയൂട്ട് ഓഫ് നഴ്‌സിംഗില്‍ തെരുവ് നാടകം അരങ്ങേറും. വൈകിട്ട് ആറിന് ജനറല്‍ ആശുപത്രി പരിസരത്ത് നൂറുകണക്കിന് മെഴുക് തിരികള്‍ തെളിയിക്കും. 

   സീതാംഗോളി ഗവ: ഐ.ടി.ഐയില്‍ വെല്‍ഡര്‍ ട്രേഡിലേക്ക് ഇന്‍സ്ട്രക്ടറെ ആവശ്യമുണ്ട്. താല്‍പര്യമുള്ളവര്‍ ഇന്ന് (30) രാവിലെ 11 മണിക്ക് ബാഡൂരിലുളള ഐ.ടി.ഐയുടെ ഓഫിസില്‍ ഒറിജിനല്‍ സര്‍ട്ടിഫിക്കറ്റ് ആയതിന്റെ രണ്ട് പകര്‍പ്പ് സഹിതം കൂടിക്കാഴ്ചയ്ക്ക് ഹാജരാകണം. മെക്കാനിക്കല്‍ എഞ്ചിനീയറിങ്ങില്‍ ബിരുദം , ത്രിവല്‍സര ഡിപ്ലോമ അല്ലെങ്കില്‍ വെല്‍ഡര്‍ ട്രേഡില്‍ എന്‍.ടി.സി.യും മൂന്നു വര്‍ഷത്തെ പ്രവര്‍ത്തി പരിചയവും/എന്‍.എ.സി.യും ഒരുവര്‍ഷത്തെ പ്രവര്‍ത്തിപരിചയവുമാണ് യോഗ്യത. ഫോണ്‍: 04998 245099, 9961519945.
 

    സംക്ഷിപ്ത വോട്ടര്‍ പട്ടിക 2018 ന്റെ അവലോകനയോഗം കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്നു. ഇലക്ഷന്‍ കമ്മിഷന്‍ വോട്ടര്‍ പട്ടിക നിരീക്ഷക സുമന എം മേനോന്‍ വിവിധ രാഷ്ട്രീയപാര്‍ട്ടികളുടെ പ്രതിനിധികളില്‍ നിന്നും തെരഞ്ഞെടുപ്പ് ഉദ്യോഗസ്ഥരില്‍ നിന്നും വിവരങ്ങള്‍ ശേഖരിച്ചു. യോഗത്തില്‍ ജില്ലാ കളക്ടര്‍ ഡോ കെ വാസുകി, ഇലക്ഷന്‍  ഡെപ്യൂട്ടി കളക്ടര്‍ ആര്‍ എസ് ബൈജു തുടങ്ങിയവര്‍ സംബന്ധിച്ചു.
(പി.ആര്‍.പി 1954/2017)
 

അരുവിക്കര ജലശുദ്ധീകരണശാലയില്‍  നിന്നും വെള്ളയമ്പലത്തേക്കുള്ള കാസ്റ്റ് അയണ്‍ പൈപ്പിലെ ചോര്‍ച്ച പരിഹരിക്കുന്നതിന്  പമ്പിംഗ് നിര്‍ത്തിവെയ്ക്കുന്നതിനാല്‍ നാളെ( നവം 30) ഉച്ചയ്ക്ക് 2 മുതല്‍ രാത്രി 10 മണിവരെ  വെള്ളയമ്പലം, ശാസ്തമംഗലം, വഴുതയ്ക്കാട്,തൈക്കാട്, പാളയം, വലിയശാല, തമ്പാനൂര്‍, സ്റ്റാച്യു, ആയുര്‍വേദകോളേജ്, പട്ടം, പ്‌ളാമൂട്, മുറിഞ്ഞപാലം, കുമാരപുരം,വഞ്ചിയൂര്‍, പേട്ട, ചാക്ക, പാറ്റൂര്‍,കരിക്കകം, ബേക്കറി ജംഗ്ഷന്‍, പുളിമൂട്, ശംഖുമുഖംസ വേളി, പൗണ്ട്കടവ്, ഒരുവാതില്‍ കോട്ട, ആനയറ എന്നിവിടങ്ങളില്‍ ജലവിതരണം തടസ്സപ്പെടുമെന്ന് എക്‌സിക്യുട്ടീവ് എന്‍ജിനീയര്‍ അറിയിച്ചു.
(പി.ആര്‍.പി 1953/2017)

ക്രിസ്തുമസ് പുതുവത്സരാഘോഷങ്ങളോടനുബന്ധിച്ച് ജില്ലയില്‍ എക്‌സൈസ് വകുപ്പിന്റെ എന്‍ഫോഴ്‌സ്‌മെന്റ് പ്രവര്‍ത്തനം കൂടുതല്‍ ശക്തമാക്കിയതായി ഡെപ്യൂട്ടി എക്‌സൈസ് കമ്മിഷണര്‍ കെ ചന്ദ്രപാലന്‍ അറിയിച്ചു. 
    ഡിസംബര്‍ അഞ്ചു മുതല്‍ 2018 ജനുവരി 05 വരെ സ്‌പെഷ്യല്‍ എന്‍ഫോഴ്‌സ്‌മെന്റ് ഡ്രൈവ് കാലമായി കണക്കാക്കിയാണ് പ്രവര്‍ത്തനം. ഇതിന്റെ ഭാഗമായി ദിവസം  മുഴുവന്‍ പ്രവര്‍ത്തിക്കുന്ന കണ്‍ട്രോള്‍ റൂം ജില്ലാ ആസ്ഥാനത്ത് പ്രവര്‍ത്തനമാരംഭിച്ചിട്ടുണ്ട്.  ബാര്‍ ഹോട്ടലുകള്‍, ബിയര്‍ പാര്‍ലറുകള്‍, കള്ളുഷാപ്പുകള്‍,ആയുര്‍വേദ ഡിസ്‌പെന്‍സറികല്‍ തുടങ്ങി ലൈസന്‍സുള്ള സ്ഥാപനങ്ങളെ പ്രത്യേകമായി നിരീക്ഷിക്കും.

ഡിഫന്‍സ് സെക്യൂരിറ്റി കോര്‍പ്‌സ്( സി എസ് സി)യില്‍ നിന്നും വിരമിച്ച  തിരുവനന്തപുരം ജില്ലക്കാരായ വിമുക്ത ഭടന്മാരുടേയും വിധവകളുടെയും കൊറിജണ്ടം, പി പിഒ എന്നിവ  ഡി എസ് സി റെക്കോര്‍ഡ്‌സ് ഓഫീസില്‍ നിന്നും ജില്ലാ സൈനിക ക്ഷേമ ഓഫീസില്‍ ലഭിച്ചതായി ജില്ലാ സൈനിക ക്ഷേമ ഓഫീസര്‍ അറിയിച്ചു. വിവരങ്ങള്‍ നോട്ടീസ് ബോര്‍ഡില്‍ പ്രദര്‍ശിപ്പിച്ചിട്ടുണ്ട്. ബന്ധപ്പെട്ടവര്‍ രേഖകള്‍ സഹിതം നേരിട്ടെത്തി കൈപ്പറ്റണം. ഫോണ്‍ 2472748
(പി.ആര്‍.പി 1951/2017)