ലോക പൈതൃക വാരാഘോഷത്തോടനുബന്ധച്ച് ആര്‍ക്കൈവ്‌സ് വകുപ്പിന്റെ നേതൃത്വത്തില്‍ തിരുവനന്തപുരത്ത് കോട്ടയ്ക്കകം ഗവണ്‍മെന്റ് ആശുപത്രിയുടെ സമീപത്തെ സെന്‍ട്രല്‍ ആര്‍ക്കൈവ്‌സില്‍ നടത്തുന്ന അപൂര്‍വ്വ ചരിത്ര രേഖകളുടെയും പുസ്തകങ്ങളുടെയും പ്രദര്‍ശനം ഡിസംബര്‍ ഒന്നു വരെ നീട്ടി.  വകുപ്പിന്റെ പ്രസിദ്ധീകരണങ്ങള്‍ ഇവിടെ വില്‍പനയ്ക്കുണ്ട്.  1881, 1888 വര്‍ഷങ്ങളിലെ ഒന്നാം പാഠപുസ്തകം മുതല്‍ അപൂര്‍വ്വ പാഠപുസ്തകങ്ങള്‍, പലതരം ഗസറ്റുകള്‍, സെറ്റില്‍മെന്റ് രജിസ്റ്ററുകള്‍ എന്നിവയും തൃപ്പടിദാനം തുടങ്ങിയ അപൂര്‍വ്വ രേഖകളം പ്രദര്‍ശനത്തിലുണ്ട്.  തുറമുഖ, പുരാരേഖ, പുരാവസ്തു, മ്യൂസിയം വകുപ്പ് മന്ത്രി രാമചന്ദ്രന്‍ കടന്നപ്പള്ളി പ്രദ

കേരള നിയമസഭയുടെ സബോര്‍ഡിനേറ്റ് ലെജിസ്ലേഷന്‍ സമിതി, 1986 ലെ കേരള പ്രാചീന സ്മാരക പുരാവസ്തു സങ്കേത പുരാവശിഷ്ട ആക്ടിന്റെ കീഴില്‍ പുറപ്പെടുവിച്ച എസ്.ആര്‍.ഒ കള്‍ പഠനവിധേയമാക്കുന്നതിന് എറണാകുളം തൃപ്പൂണിത്തുറ ഹില്‍ പാലസില്‍ ഇന്ന് (നവംബര്‍29) രാവിലെ 11 ന് യോഗം ചേരും.  ആക്ടിലെ വ്യവസ്ഥകള്‍ നടപ്പിലാക്കുന്നത് സംബന്ധിച്ച് ജില്ലയിലെ പുരാവസ്തു വകുപ്പ് ഉദ്യോഗസ്ഥരില്‍ നിന്നും തെളിവെടുക്കും.  തുടര്‍ന്ന് തൃപ്പൂണിത്തുറ ഹില്‍ പാലസും അനുബന്ധ പ്രദേശങ്ങളും സന്ദര്‍ശിക്കും.   

പി.എന്‍.എക്‌സ്.5070/17

കേരള കോസ്റ്റല്‍ സോണ്‍ മാനേജ്‌മെന്റ് അതോറിട്ടിയും പരിസ്ഥിതി കാലാവസ്ഥാ വ്യതിയാന വകുപ്പും കോസ്റ്റല്‍ സോണ്‍ ജില്ലാതല കമ്മറ്റികള്‍ക്കായി ഏകദിന പരിശീലന പരിപാടി ഇന്ന് (നവംബര്‍ 29) നടത്തും.  തൈക്കാട് ഗവണ്‍മെന്റ് ഗസ്റ്റ് ഹൗസിലെ കോണ്‍ഫറന്‍സ് ഹാളില്‍ നടക്കുന്ന പരിപാടി പരിസ്ഥിതി വകുപ്പ് അഡീഷണല്‍ ചീഫ് സെക്രട്ടറി ജെയിംസ് വര്‍ഗ്ഗീസ് ഉദ്ഘാടനം ചെയ്യും.  കേരള കോസ്റ്റല്‍ സോണ്‍ മാനേജ്‌മെന്റ് അതോറിറ്റിയിലെ വിദഗ്ധര്‍ ക്ലാസുകളെടുക്കും.  

പി.എന്‍.എക്‌സ്.5069/17

പൊതുവിദ്യാലയങ്ങളിലെ വിവിധ മേഖലകളിലെ മികവുകള്‍ അവതരിപ്പിക്കുന്നതിനായി കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്- ഐടി@സ്‌കൂള്‍) സംഘടിപ്പിക്കുന്ന 'ഹരിതവിദ്യാലയം' വിദ്യാഭ്യാസ റിയാലിറ്റിഷോയുടെ മുദ്രാഗാനം മുഖ്യമന്ത്രി  പിണറായി വിജയന്‍ പ്രകാശനം ചെയ്തു. 

ഓണ്‍ലൈന്‍ അപേക്ഷയില്‍നിന്നും തിരഞ്ഞെടുത്ത 100 സ്‌കൂളുകളാണ് ഹരിതവിദ്യാലയം വിദ്യാഭ്യാസ റിയാലിറ്റിഷോയില്‍ പങ്കെടുക്കുന്നത്.  ഒന്നാം സമ്മാനം 15 ലക്ഷം രൂപ, രണ്ടാം സമ്മാനം 10 ലക്ഷം രൂപ, മൂന്നാം സമ്മാനം 5 ലക്ഷം രൂപ.  അവസാന റൗണ്ടിലെത്തുന്ന മറ്റു സ്‌കൂളുകള്‍ക്ക് 1.5 ലക്ഷം രൂപ വീതം ലഭിക്കും.

സംസ്ഥാന ശിശുക്ഷേമ സമിതയുടെ കീഴില്‍ മലപ്പുറത്ത് പ്രവര്‍ത്തിക്കുന്ന ശിശു പരിപാലന കേന്ദ്രത്തിനെ ജുവനൈല്‍ ജസ്റ്റിസ് ആക്ട് പ്രകാരം ദത്തെടുക്കല്‍ കേന്ദ്രമായി ഉയര്‍ത്തി സര്‍ക്കാര്‍ ലൈസന്‍സ് ലഭ്യമാക്കി.

* ഉദ്ഘാടനം ഡിസംബര്‍ ആറിന് മുഖ്യമന്ത്രി നിര്‍വഹിക്കും

ദേവസ്വം റിക്രൂട്ട്‌മെന്റ് ബോര്‍ഡിന്റെ നിയമനനടപടികള്‍ ത്വരിതവും സുതാര്യവുമാക്കാനുള്ള ഓണ്‍ലൈന്‍ റിക്രൂട്ട്‌മെന്റ് മാനേജ്‌മെന്റ് സോഫ്ട്‌വെയറായ 'ദേവജാലിക'യുടെ ഉദ്ഘാടനം ഡിസംബര്‍ ആറിന് മുഖ്യമന്ത്രി പിണറായി വിജയന്‍ നിര്‍വഹിക്കും. 

ലോക എയ്ഡ്‌സ് ദിനാചരണത്തിന്റെ സംസ്ഥാനതല ഉദ്ഘാടനം ഡിസംബര്‍ ഒന്നിന് വി.ജെ.ടി ഹാളില്‍ ആരോഗ്യമന്ത്രി കെ.കെ. ശൈലജ ടീച്ചര്‍ നിര്‍വഹിക്കും. അവാര്‍ഡുകളും മന്ത്രി സമ്മാനിക്കും.

സര്‍ഗാലയ അന്താരാഷ്ട്ര കലാ കരകൗശലമേളയുടെ മുന്നോടിയായുള്ള 'കരകൗശല പൈതൃകയാത്ര'യുടെ ഫ്‌ളാഗ് ഓഫ് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ ഇന്ന് (നവംബര്‍ 29) നിര്‍വഹിക്കും. തൊഴില്‍-എക്‌സൈസ് മന്ത്രി ടി.പി. രാമകൃഷ്ണന്‍ സംബന്ധിക്കും. സെക്രട്ടേറിയറ്റിന് മുന്‍വശത്താണ് ചടങ്ങ്.  കേരളത്തിലെ തിരഞ്ഞെടുത്ത പരമ്പരാഗത കരകൗശല ഗ്രാമങ്ങളിലൂടെയാണ് റോഡ് ഷോ സംഘടിപ്പിക്കുന്നത്.

പാര്‍ലമെന്റിന്റെ ശീതകാല സമ്മേളനത്തിന് മുന്നോടിയായി മുഖ്യമന്ത്രി പിണറായി വിജയന്റെ അദ്ധ്യക്ഷതയില്‍ തിരുവനന്തപുരം തൈക്കാട് ഗസ്റ്റ് ഹൗസില്‍ എം. പിമാരുടെ യോഗം ചേര്‍ന്നു. കേന്ദ്ര സര്‍ക്കാരിന്റെ ശ്രദ്ധയില്‍പെടുത്തേണ്ട വിവിധ വിഷയങ്ങള്‍ യോഗം ചര്‍ച്ച ചെയ്തു. രാജ്യസഭാ ഉപാദ്ധ്യക്ഷന്‍ പ്രൊഫ. പി. ജെ. കുര്യന്‍ സന്നിഹിതനായിരുന്നു. 

വി.വി. ഷാജിയെ പത്തനംതിട്ട, കോട്ടയം, എറണാകുളം റവന്യൂ ജില്ലകളില്‍ ഉള്‍പ്പെട്ട പ്രദേശത്തേക്കും ജി. അനിതയെ കൊട്ടാരക്കര താലൂക്ക് പ്രദേശത്തേക്കും ടി.ജെ വര്‍ക്കിയെ കേരള സംസ്ഥാനത്തെ മുഴുവന്‍ പ്രദേശത്തേക്കും ഗ്രേസി ജോണിനെ തിരുവനന്തപുരം റവന്യൂ ജില്ലയില്‍ ഉള്‍പ്പെട്ട മുഴുവന്‍ പ്രദേശത്തേക്കും വിജയന്‍ കണ്ണോത്തിനെ കോഴിക്കോട് റവന്യൂ ജില്ലയില്‍ ഉള്‍പ്പെട്ട വടകര താലൂക്ക് പ്രദേശത്തേക്കും എസ്. ഗിരിജയെ തിരുവനന്തപുരം റവന്യൂ ജില്ലയില്‍ ഉള്‍പ്പെട്ട മുഴുവന്‍ പ്രദേശത്തേക്കും എസ്. പ്രസാദിനെ മാവേലിക്കര താലൂക്ക് പ്രദേശത്തേക്കും നോട്ടറിയായി അഞ്ചു വര്‍ഷത്തേക്കു കൂടി പുനര്‍ നിയമിച്ച് സര്‍ക്കാര്‍ ഉത്തരവായി