പത്തനംതിട്ട ജില്ലയില്‍ വിദ്യാഭ്യാസ വകുപ്പില്‍ എച്ച്.. എസ്. എ (മാത്തമാറ്റിക്‌സ്) (കാറ്റഗറി നമ്പര്‍ 661/12)  ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കായുളള ഒറ്റത്തവണ പ്രമാണ പരിശോധന നവംബര്‍ 23, 28, 29 തീയതികളില്‍ രാവിലെ 10ന് പത്തനംതിട്ട ജില്ലാ പി.എസ്.സി ഓഫീസില്‍ നടത്തും.  ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ പത്തനംതിട്ട ജില്ലാ പി.എസ്.സി ഓഫീസില്‍ നേരിട്ട് ഹാജരായി ഒറ്റത്തവണ പ്രമാണ പരിശോധന പൂര്‍ത്തിയാക്കണം.  ഫോണ്‍: 0468 2222665.

പി.എന്‍.എക്‌സ്.4985/17

ഭാരതീയ സുഗന്ധവിള ഗവേഷണ കേന്ദ്രത്തില്‍ സയന്‍സ് വിഷയങ്ങളില്‍ പി.എച്ച്.ഡി ചെയ്യുന്നതിന് ഫെല്ലോഷിപ്പ് അര്‍ഹത നേടിയ വിദ്യാര്‍ത്ഥികളില്‍ നിന്നും ഓണ്‍ലൈന്‍ അപേക്ഷകള്‍ ക്ഷണിച്ചു.  അപേക്ഷകള്‍ സ്വീകരിക്കുന്ന അവസാന തീയതി ഡിസംബര്‍ എട്ട്.  വെബ്‌സൈറ്റ് www.spices.res.in

പി.എന്‍.എക്‌സ്.4984/17

വിത്ത് മുതല്‍ വിപണി വരെയുള്ള ഹോര്‍ട്ടിക്കള്‍ച്ചര്‍ മേഖലയുടെ സമഗ്ര വികസനത്തിനായി സംസ്ഥാന ഹോര്‍ട്ടിക്കള്‍ച്ചര്‍ മിഷന്‍ കേരള നടപ്പിലാക്കുന്ന മിഷന്‍ ഫോര്‍ ഇന്റഗ്രേറ്റഡ് ഡെവലപ്‌മെന്റ് ഓഫ് ഹോര്‍ട്ടിക്കള്‍ച്ചര്‍ പദ്ധതികളുടെ വിവിധ ഘടകങ്ങളിലേക്ക് പ്രോജക്ടുകള്‍ ക്ഷണിച്ചു.

* ടെന്‍ഡര്‍ നടപടികള്‍ പൂര്‍ത്തിയായി

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി 4775 സ്‌കൂളുകളില്‍ 45000 ക്ലാസ്മുറികള്‍ ഹൈടെക്കാക്കുന്നതിനുള്ള ടെണ്ടര്‍ നടപടികള്‍ പൂര്‍ത്തിയായി. ഇതനുസരിച്ച് 60250 ലാപ്‌ടോപ്പുകളും 43750 പ്രൊജക്ടറുകള്‍ക്കുമുള്ള സപ്ലൈ ഓര്‍ഡര്‍ നല്‍കാന്‍ കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ഡയറക്ടര്‍ ബോര്‍ഡ് തീരുമാനമനുസരിച്ച് നല്‍കിക്കഴിഞ്ഞുവെന്നും കൈറ്റ് എക്‌സിക്യൂട്ടീവ് ഡയറക്ടര്‍ അറിയിച്ചു.

    ശബരിമല തീര്‍ഥാടനം  പ്രമാണിച്ച് ഇന്ന് (24ന്) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    സ്വദേശി മെഡിക്കല്‍സ് പത്തനംതിട്ട, എം.ജി.മെഡിക്കല്‍സ് കോഴഞ്ചേരി, ദീപ മെഡിക്കല്‍സ് എലിയറയ്ക്കല്‍ കോന്നി, കെ. കെ.ഡ്രഗ് ഹൗസ് അടൂര്‍, നീതി മെഡിക്കല്‍ സ്റ്റോര്‍ കുളനട, ഭാരത് മെഡിക്കല്‍സ് കുറ്റപ്പുഴ കിഴക്കന്‍ മുത്തൂര്‍, ജോഷ്ലി മെഡിക്കല്‍ സ്റ്റോര്‍ അങ്ങാടി റാന്നി, പടിഞ്ഞാറെ മണ്ണില്‍ മെഡിക്കല്‍സ് റാന്നി പെരുനാട്.                                                                                    (26/17)
 

    ഇന്ന് (24ന്) പത്തനംതിട്ട ഗസ്റ്റ് ഹൗസില്‍ നടത്താന്‍ നിശ്ചയിച്ചിരുന്ന പത്തനംതിട്ട ജില്ലയിലെ നോട്ടറിമാരുടെ രജിസ്റ്റര്‍ പരിശോധന രാവിലെ 10 മുതല്‍ മൂന്നര വരെ അടൂര്‍ പി.ഡബ്ല്യു.ഡി റസ്റ്റ് ഹൗസില്‍ നടത്തുമെന്ന് നിയമ സെക്രട്ടറി അറിയിച്ചു.
                                          (പിഎന്‍പി 3143/17)

    ജില്ലാ എംപ്ലോയ്മെന്‍റ് എക്സ്ചേഞ്ചിന്‍റെ ആഭിമുഖ്യത്തില്‍ സ്വയംതൊഴില്‍ സംരംഭകര്‍ക്കായി ബോധവത്ക്കരണ ശില്പശാല നടത്തും. ഈ മാസം 27ന് രാവിലെ 10ന് പത്തനംതിട്ട ഠൗണ്‍ ഹാളില്‍ ശില്പശാല ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി ഉദ്ഘാടനം ചെയ്യും. കെസ്റു, മള്‍ട്ടിപര്‍പ്പസ് സര്‍വീസ് സെന്‍റേഴ്സ്/ജോബ്  ക്ലബ്, ശരണ്യ, കൈവല്യ എന്നീ സ്വയം തൊഴില്‍ സംരംഭങ്ങളെക്കുറിച്ച് ബോധവത്ക്കരണം നല്‍കും. പങ്കെടുക്കാന്‍ താത്പര്യമുള്ളവര്‍ രാവിലെ 9.30ന് എത്തി രജിസ്റ്റര്‍ ചെയ്യണമെന്ന് ജില്ലാ എംപ്ലോയ്മെന്‍റ് ഓഫീസര്‍ അറിയിച്ചു. ഫോണ്‍: 0468 2222745.                    (പിഎന്‍പി 3142/17)

    കോന്നി താലൂക്കില്‍ തണ്ണിത്തോട് വില്ലേജില്‍ 10173 തണ്ടപ്പേരില്‍ സര്‍വെ നമ്പര്‍ 119/280-1ല്‍പ്പെട്ട 1.21 ആര്‍ വസ്തു 2018 ജനുവരി അഞ്ചിന് 11.30ന് വില്ലേജ് ഓഫീസില്‍ ലേലം ചെയ്യും.                                      (പിഎന്‍പി 3141/17)

    അടൂര്‍ ഗവണ്‍മെന്‍റ് പോളിടെക്നിക്ക് കോളേജില്‍ ആര്‍ക്കിടെക്ചറര്‍ വിഭാഗത്തില്‍ ഗസ്റ്റ് ലക്ചററുടെ രണ്ട് ഒഴിവുണ്ട്. 60 ശതമാനം മാര്‍ക്കോടെ ആര്‍ക്കിടെക്ചററിലുള്ള ബിരുദമാണ് യോഗ്യത. എം.ടെക്, അധ്യാപന പരിചയം എന്നിവയുള്ളവര്‍ക്ക് വെയിറ്റേജ് ഉണ്ടായിരിക്കും. താത്പര്യമുള്ളവര്‍ ഈ മാസം 29ന് രാവിലെ 11ന് കോളേജില്‍ നടക്കുന്ന കൂടിക്കാഴ്ചയില്‍ അസല്‍ സര്‍ട്ടിഫിക്കറ്റുകള്‍ സഹിതം പങ്കെടുക്കണമെന്ന് പ്രിന്‍സിപ്പാള്‍ അറിയിച്ചു. കൂടുതല്‍ വിവരങ്ങള്‍ക്ക്  ഫോണ്‍: 04734 231776.                     (പിഎന്‍പി 3140/17)

    സംസ്ഥാന ചരക്ക് സേവന നികുതി വകുപ്പ് സര്‍ക്കാര്‍ വകുപ്പുകള്‍ക്കും പൊതുമേഖലാ സ്ഥാപനങ്ങള്‍ക്കും ജി.എസ്.ടി അവബോധം നല്‍കുന്നതിന് നാളെ (25ന്) രാവിലെ 10.30 ന് പത്തനംതിട്ട അബാന്‍ ആഡിറ്റോറിയത്തില്‍ ക്ലാസ് നടത്തും. ബന്ധപ്പെട്ട വകുപ്പ് മേധാവികള്‍ക്ക് പ്രതിനിധികളെ പങ്കെടുപ്പിക്കാമെന്ന് ചരക്ക് സേവന നികുതി വകുപ്പ്    ഡെപ്യൂട്ടി കമ്മീഷണര്‍ ഇസ്സുദീന്‍ അറിയിച്ചു. ഫോണ്‍: 0468 2325088. 
                                          (പിഎന്‍പി 3139/17)