വ്യക്തിവൈരാഗ്യത്തിന്റെ പേരില്‍ സ്വകാര്യ സ്‌കൂള്‍ മാനേജര്‍ പുറത്താക്കിയ അധ്യാപികയെ വനിതാ കമ്മീഷന്‍ ഇടപെട്ടിട്ടും ജോലിയില്‍ തിരികെ പ്രവേശിപ്പിച്ചില്ല. കഴിഞ്ഞ ആഗസ്റ്റില്‍ നടത്തിയ സിറ്റിംഗില്‍ അധ്യാപികയെ ജോലിയില്‍ തിരികെ എടുക്കാമെന്നും മുമ്പ് ജോലിചെയ്തവകയില്‍ ലഭിക്കുവാനുള്ള മുഴുവന്‍ തുകയും നല്‍കാമെന്നും സ്‌കൂള്‍ ചെയര്‍മാന്‍ കമ്മീഷനോട് സമ്മതിച്ചതു വെറുംവാക്കായി. ഇതോടെ അധ്യാപികയ്ക്ക് നീതി ലഭിക്കുവാന്‍ സ്‌കൂള്‍ മാനേജ്മെന്റിനെതിരെ സര്‍ക്കാരിന് റിപ്പോര്‍ട്ട് നല്‍കുവാന്‍ ഒരുങ്ങുകയാണ് വനിതാ കമ്മീഷന്‍.

 സംസ്ഥാന സാക്ഷരതാ മിഷന്‍ നടത്തിവരുന്ന നാലാംതരം തുല്യത കോഴ്‌സിന്റെ പത്താം ബാച്ച് പൊതു പരീക്ഷ 26 ന് രാവിലെ 10 മണി മുതല്‍ നടക്കും.  ജില്ലയില്‍ 30 പരീക്ഷാ കേന്ദ്രങ്ങളിലായി 202 പേരാണ് പരീക്ഷ എഴുതുന്നത്.  സമൂഹത്തില്‍ പഠിക്കാന്‍ അവസരം ലഭിക്കാത്തവര്‍ക്ക് സര്‍ക്കാര്‍ അംഗീകൃത നാലാംതരം യോഗ്യത നേടിക്കൊടുക്കുന്നതിനുളള കോഴ്‌സാണ് നാലാംതരം തുല്യത കോഴ്‌സ്.  രാവിലെ 10 മുതല്‍11 വരെ മലയാളം, 11.15 മുതല്‍ 12.15 വരെ നമ്മളും നമുക്കു ചുറ്റും, 12.30 മുതല്‍ 1.30 വരെ ഗണിതം, 2.30 മുതല്‍ 3.30 വരെ ഇംഗ്ലീഷ് വാചാ പരീക്ഷയും നടക്കും.

 ഗവ.വനിതാ കോളേജ് ഓഡിറ്റോറിയത്തിന്റെ പിറകിലുളള മുറിച്ചുമാറ്റിയ  ഉണങ്ങിയ മഴ മരവും ഇന്‍ഡോര്‍ സ്റ്റേഡിയത്തിന്റെ സമീപമുളള മെയ് ഫ്‌ളവര്‍ മരവും  ഡിസംബര്‍ 6 ന് വൈകിട്ട് 3 മണിക്ക് കോളേജ് ഓഫീസ് പരിസരത്ത് ലേലം ചെയ്യും.  കൂടുതല്‍ വിവരങ്ങള്‍ 0497 2746175 എന്ന നമ്പറില്‍ ലഭിക്കും.
പി എന്‍ സി/4456/2017
 

ഐ ടി ഐ ഒഴികെയുള്ള പോസ്റ്റ്‌മെട്രിക്തലത്തില്‍ പഠിക്കുന്ന അര്‍ഹരായമത്സ്യത്തൊഴിലാളികളുടെ മക്കള്‍ക്കുള്ള വിദ്യാഭ്യാസാനുകൂല്യം ലഭിക്കുന്നതിലേക്ക് 2017-18 അധ്യയന വര്‍ഷം മുതല്‍ www.egrantzfisheries.kerala.gov.in എന്ന വെബ്‌സൈറ്റ് വഴി  ഓണ്‍ലൈന്‍ മുഖേനയാണ് അപേക്ഷ സമര്‍പ്പിക്കേണ്ടത്.

   കാസര്‍കോട് അഡീഷണല്‍ ജില്ലാ മജിസ്‌ട്രേറ്റ് (എഡിഎം) ആയി  എന്‍ ദേവിദാസ് ചുമതലയേറ്റു.  ഡെപ്യൂട്ടി കളക്ടര്‍ (ആര്‍ആര്‍) ആയി പ്രവര്‍ത്തിച്ചുവരികയായിരുന്നു. തൃക്കരിപ്പൂര്‍ എളമ്പച്ചി സ്വദേശിയാണ്.  2010 മുതല്‍ കാസര്‍കോട് കളക്ടറേറ്റില്‍ ഡെപ്യൂട്ടികളക്ടറായി സേവനമനുഷ്ഠിച്ച് വരികയായിരുന്നു. കാസര്‍കോട്, കണ്ണൂര്‍, കോഴിക്കോട് ജില്ലകളില്‍ ഇലക്ഷന്‍ വിഭാഗം ഡെപ്യൂട്ടി കളക്ടറായി പ്രവര്‍ത്തിച്ചിരുന്നു. 

കണ്ണൂര്‍ ഗവ.എഞ്ചിനീയറിങ്ങ് കോളേജിലെ ഇലക്ട്രിക്കല്‍ & ഇലക്‌ട്രോണിക്‌സ് എഞ്ചിനീയറിങ്ങ് വിഭാഗത്തിലെ ക്ലാസ് റൂമുകളില്‍ സ്ഥാപിച്ച പ്രൊജക്ടറുകള്‍ റിപ്പയര്‍ ചെയ്യുന്നതിന് ക്വട്ടേഷന്‍ ക്ഷണിച്ചു.  30 ന് രാവിലെ 11 മണി വരെ ക്വട്ടേഷന്‍ സ്വീകരിക്കും.
    സി ഐ സി ഇ ടി യുടെ ബന്ധപ്പെട്ട ഉപകരണങ്ങള്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ഡിസംബര്‍ 4 ന് വൈകിട്ട് 3 മണി വരെ ക്വട്ടേഷന്‍ സ്വീകരിക്കും. ഫോണ്‍: 0497 27802226.
പി എന്‍ സി/4453/2017
 

 മട്ടന്നൂര്‍ ഗവ.പോളിടെക്‌നിക് കോളേജ് കോമ്പൗണ്ടില്‍ ചുറ്റുമതില്‍ നിര്‍മ്മിക്കുന്നതിനായി മരങ്ങള്‍ ലേലം ചെയ്ത്  മുറിച്ചെടുക്കുന്നതിന് ക്വട്ടേഷന്‍ ക്ഷണിച്ചു.  മഹാഗണി, പാറകം, മെയ്ഫ്‌ളവര്‍, മട്ടി മരങ്ങളാണ് ലേലം ചെയ്യുന്നത്.  ക്വട്ടേഷനുകള്‍ 28 ന് രാവിലെ 11 മണി വരെ സ്വീകരിക്കും.
പി എന്‍ സി/4452/2017
 

   കളനാട് വാണിയൂര്‍ വീട്ടില്‍ ബിന്ദുവിന്റെയും ഉണ്ണികൃഷ്ണന്റെയും ആറു ദിവസം പ്രായമുള്ള രണ്ടാമത്തെ കുഞ്ഞിന് ഒരു അപൂര്‍വ്വ നേട്ടം. ജില്ലയിലെ നവജാതശിശുക്കളില്‍ ആദ്യ ആധാര്‍ സ്വന്തമാക്കുകയാണ് ഈ പെണ്‍കുഞ്ഞ്. സംസ്ഥാന ഐടി മിഷന്റെ ഭാഗമായി അക്ഷയ ജില്ലാ പ്രോജക്ട് ഓഫിസിന്റെ നേതൃത്വത്തില്‍ നവജാത ശിശുക്കളുടെ ആധാര്‍ എന്റോള്‍മെന്റിന്റെ ജില്ലാതല ഉദ്ഘാടനം ജില്ലാ കളക്ടര്‍ ജീവന്‍ബാബു.കെ കുഞ്ഞിന്റെ ഫോട്ടോ എടുത്ത് നിര്‍വഹിച്ചതോടെയാണ് ഈ അപൂര്‍വ നേട്ടത്തിന് കുഞ്ഞ് അര്‍ഹയായത്. ചൈല്‍ഡ് എന്റോള്‍മെന്റ് ടാബിലൂടെയാണ് കളക്ടര്‍ ഫോട്ടോ എടുത്തത്. കുഞ്ഞിന്റെ അമ്മയുടെ വിരലടയാളം പതിപ്പിച്ച് മറ്റുവിവരങ്ങളും ചേര്‍ത്തു.

പെരളശ്ശേരി പഞ്ചായത്തിലെ 88 ാം നമ്പര്‍ റേഷന്‍ കടയിലെ വിതരണം ചെയ്യാന്‍ ബാക്കിയുളള റേഷന്‍ കാര്‍ഡുകള്‍ നവംബര്‍ 27 ന് വിതരണം ചെയ്യും.  പഴയ റേഷന്‍ കാര്‍ഡ്, തിരിച്ചറിയല്‍ കാര്‍ഡ് എന്നിവ സഹിതം, കാര്‍ഡുടമയോ കാര്‍ഡില്‍ ഉള്‍പ്പെട്ട അംഗമോ റേഷന്‍കടയില്‍ ഹാജരായി  പുതിയ റേഷന്‍ കാര്‍ഡ് കൈപ്പറ്റേണ്ടതാണ്.     വിതരണ സമയം രാവിലെ 10 മണി മുതല്‍ വൈകിട്ട് 4 വരെ.
പി എന്‍ സി/4451/2017