ഹോമിയോ മരുന്നുകള്‍ ഉപയോഗിക്കുന്ന കുട്ടികളില്‍ മിസില്‍സ് - റുബെല്ല വാക്‌സിന്‍ കുത്തിവെപ്പ് നടത്തിയാല്‍ യാതൊരു ദൂഷ്യഫലങ്ങളും ഉണ്ടാവില്ലെന്ന് ജില്ലാ മെഡിക്കല്‍ ഓഫീസര്‍ (ഹോമിയോ) ഡോ. എല്‍. ഷീബാബീഗം പറഞ്ഞു.  ഹോമിയോ സ്ഥാപനങ്ങളില്‍ എത്തുന്നവരെ ഡോക്ടര്‍മാര്‍ കുത്തിവെപ്പ് നടത്തുന്നതിനുള്ള ബോധവല്‍ക്കരണം നടത്തണമെന്നും മെഡിക്കല്‍ ഓഫീസര്‍ (ഹോമിയോ) പറഞ്ഞു.

    മിസില്‍സ് - റുബെല്ല കുത്തിവെപ്പ് ആയുര്‍വ്വേദ മരുന്നുകള്‍ ഉപയോഗിക്കുന്നവരും നിര്‍ബ്ന്ധമായും എടുക്കണം.  ആയുര്‍വ്വേദ ഡോക്ടര്‍മാര്‍ തങ്ങളെ സമീപിക്കുന്ന രോഗികള്‍ക്ക് കുത്തിവെപ്പ് എടുക്കുന്നതിന് നിര്‍ദ്ദേശം നല്‍കണം. വീഴ്ച വരുത്തുന്ന ഡോക്ടര്‍മാര്‍ക്കെതിരെ നടപടി സ്വീകരിക്കുമെന്ന് ഇന്ത്യന്‍ സിസ്റ്റംസ് ഓഫ് മെഡിസിന്‍ ജില്ലാ മെഡിക്കല്‍ ഓഫീസര്‍ ഡോ. ലിന്‍സി പി. മഞ്ഞളി അറിയിച്ചു.

 
    സാമ്പത്തിക സഹായത്തിന് അപേക്ഷ സമര്‍പ്പിച്ചിട്ടില്ലാത്ത രണ്ടാം ലോകമഹായുദ്ധ സേനാനികള്‍ / വിധവകള്‍ പ്രതിമാസം സാമ്പത്തിക സഹായം ലഭിക്കുന്നതിനുവേണ്ടി ജില്ലാ സൈനിക ക്ഷേമ ഓഫീസുമായി ബന്ധപ്പെടണം. ഫോണ്‍ 0483 2734932.

തിരൂര്‍ സീതി സാഹിബ്  മെമ്മോറിയല്‍ പോളിടെക്‌നിക്ക് കോളേജ് ഫസ്റ്റ് ഷിഫ്റ്റ് പാര്‍ട്ട് ടൈം ഡിപ്ലോമ കോഴ്‌സുകളിലേക്കുള്ള റാങ്ക് ലിസ്റ്റ്  പ്രസിദ്ധീകരിച്ചു.  പ്രവേശനം ആഗ്രഹിക്കുന്ന വിദ്യാര്‍ത്ഥികള്‍ ടി.സി, സി.സി ഉള്‍പ്പെടെ അസ്സല്‍ സര്‍ട്ടിഫിക്കറ്റുകള്‍ സഹിതം നവംബര്‍ 22ന്  രാവിലെ 10 ന്  കോളേജില്‍ എത്തണം.  കൗണ്‍സിലിങ് സമയത്ത് 3500 രൂപയും കോഴ്‌സ് ആരംഭിക്കുന്ന മുറക്ക് 11350 രൂപയും അടക്കണം.

ജില്ലാ പ്ലാനിങ് ഓഫീസില്‍  പ്രോജക്ട് അസോസിയേറ്റ്, ഡാറ്റാ എന്‍ട്രി ഓപ്പറേറ്റര്‍ തസ്തികകളിലേക്ക് നാല് മാസത്തേക്ക് കരാറടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  പ്രോജക്ട് അസോസിയേറ്റര്‍ക്ക് ബിരുദവും മലയാള ഭാഷയില്‍ പ്രാവീണ്യവും എഡിറ്റ് ചെയ്യുന്നതിനുള്ള കഴിവും, മലയാളം - ഇംഗ്ലീഷ് തര്‍ജ്ജമ ചെയ്യാനുള്ള കഴിവ്, കംപ്യൂട്ടര്‍ പരിജ്ഞാനം, ഇംഗ്ലീഷ്, മലയാളം ടൈപ്പിങ് പ്രാവീണ്യം, മലയാളം/ഇംഗ്ലീഷ് പി.ജി അഭികാമ്യം എന്നിവയാണ് യോഗ്യതകള്‍. വേതനം പ്രതിമാസം 25000 രൂപ.  

ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ എടരിക്കോട് പാറയില്‍ ടവര്‍ ഓഡിറ്റോറിയത്തില്‍ വ്യവസായ സംരംഭകര്‍ക്കായി നടത്തിയ ഏകദിന നിക്ഷേമ സംഗമം പി.കെ. അബ്ദുറബ്ബ് എം.എല്‍.എ ഉദ്ഘാടനം ചെയ്തു.  വേങ്ങര ബ്ലോക്ക് പഞ്ചായത്ത് പ്രസിഡന്റ് പി.കെ മുഹമ്മദ് അസുലു, ജില്ലാ വ്യവസായ കേന്ദ്രം ജനറല്‍ മാനേജര്‍ ടി. അബ്ദുല്‍ വഹാബ്, എടരിക്കോട് ഗ്രാമ പഞ്ചായത്ത് പ്രസിഡന്റ് വി.ടി. സുബൈര്‍ തങ്ങള്‍, വൈസ് പ്രസിഡന്റ് റംല പൂക്കയില്‍ തുടങ്ങിയവര്‍ പങ്കെടുത്തു.

മങ്കട ഗവ.കോളേജില്‍ കൊമേഴ്‌സ് ആന്‍ഡ് മാനേജ്‌മെന്റ് സ്റ്റഡീസില്‍  അതിഥി അദ്ധ്യാപകരെ  നിയമിക്കുന്നു.  55 ശതമാനം മാര്‍ക്കില്‍ കുറയാത്ത എം.ബി.എ ബിരുദവും യു.ജി.സി നിഷ്‌കര്‍ഷിക്കുന്ന യോഗ്യതയുമുള്ള,  കോളേജ് വിദ്യാഭ്യാസ ഉപ ഡയറക്ടറേറ്റുകളില്‍ രജിസ്റ്റര്‍ ചെയ്തിട്ടുള്ളവര്‍ അസ്സല്‍ രേഖകളും പകര്‍പ്പും സഹിതം  നവംബര്‍ 23ന് രാവിലെ 10.30 ന് കോളേജില്‍ എത്തണം. നെറ്റ്   യോഗ്യതയുള്ളവരുടെ അഭാവത്തില്‍ മറ്റുള്ളവരേയും പരിഗണിക്കും. ഫോണ്‍: 04933-202135.

മഞ്ചേരി മെഡിക്കല്‍ കോളേജിലെ എസ്.ബി.എം.ആര്‍ യൂണിറ്റിലേക്ക് ഓഫീസ് അസി. കം ഡാറ്റാ എന്‍ട്രി ഓപ്പറേറ്ററെ കരാറടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  നിയമന കാലാവധി ഒരു വര്‍ഷം. ബിരുദം, കമ്പ്യൂട്ടര്‍ പരിജ്ഞാനം എന്നിവയാണ് യോഗ്യതകള്‍.  കംപ്യൂട്ടര്‍ പരിജ്ഞാനവുമായി ബന്ധപ്പെട്ട വിഷയത്തില്‍ ഡിഗ്രി/പി.ജി ഉള്ളവര്‍ക്കും മലയാളം ടൈപ്പിങ് അറിയുന്നവര്‍ക്കും മുന്‍ഗണ നല്‍കും.  താല്‍പര്യമുള്ളവര്‍  അസ്സല്‍ രേഖകളും പകര്‍പ്പുകളും സഹിതം നവംബര്‍ 24ന് രാവിലെ 11ന് മെഡിക്കല്‍ കോളേജ് പ്രിന്‍സിപ്പല്‍ ഓഫീസില്‍ എത്തണം.  ഫോണ്‍  0483 2766056.