സര്‍ക്കാര്‍/സ്വാശ്രയ കോളേജുകളിലെ പ്രൊഫഷണല്‍ ഡിപ്ലോമ ഇന്‍ ഫാര്‍മസി, ഹെല്‍ത്ത് ഇന്‍സ്‌പെക്ടര്‍ മറ്റു പാരാമെഡിക്കല്‍ കോഴ്‌സുകളില്‍ ഒഴിവുളള സീറ്റുകളിലേക്ക് പ്രവേശനത്തിന് എല്‍.ബി.എസ് സെന്റര്‍ ജില്ലാ ഫെസിലിറ്റേഷന്‍ സെന്ററുകളില്‍ നവംബര്‍ 30ന് രാവിലെ 10 മണിക്ക് സ്‌പോട്ട് അലോട്ട്‌മെന്റ് നടത്തും.  മുന്‍ അലോട്ട്‌മെന്റുകളില്‍ പാരാമെഡിക്കല്‍ കോഴ്‌സുകള്‍ക്ക് പ്രവേശനം ലഭിച്ച അപേക്ഷകരെ ഇതില്‍ പരിഗണിക്കില്ല.

അലോട്ട്‌മെന്റ് ലഭിക്കുന്നവര്‍ അന്നുതന്നെ നിര്‍ദ്ദിഷ്ട ഫീസ് അടയ്ക്കണം.  അലോട്ട്‌മെന്റ് ലഭിച്ചവര്‍ അതത് കോളേജുകളില്‍ ഡിസംബര്‍ ഒന്നിന് വൈകുന്നേരം അഞ്ച് മണിയ്ക്കകം പ്രവേശനം നേടണം.

സംസ്ഥാന വൈദ്യുതി റെഗുലേറ്ററി കമ്മീഷന്‍ 2017 ജൂണ്‍ 20ല്‍ പുറപ്പെടുവിച്ച സംസ്ഥാന വൈദ്യുതി ബോര്‍ഡിന്റെ 2013 -14 ട്രൂയിംഗ് അപ്പ് ഉത്തരവില്‍ കെ.എസ്.ഇ.ബി ലിമിറ്റഡ് സമര്‍പ്പിച്ച റിവ്യൂ പെറ്റിഷനിന്‍ മേല്‍ 29ന് നടത്താനിരുന്ന പബ്ലിക് ഹിയറിംഗ് ഡിസംബര്‍ 12 ലേക്ക് മാറ്റിയതായി സെക്രട്ടറി അറിയിച്ചു.  രാവിലെ 11ന് കമ്മീഷന്‍ ഓഫീസിലാണ് ഹിയറിംഗ്.  പെറ്റിഷന്‍ കമ്മീഷന്റെ വെബ്‌സൈറ്റില്‍ (www.erckerala.org) ലഭ്യമാണ്.  പബ്ലിക് ഹിയറിംഗില്‍ പൊതുജനങ്ങള്‍ക്കും താത്പര്യമുളളവര്‍ക്കും പങ്കെടുക്കാം.

പി.എന്‍.എക്‌സ്.5051/17

കേരള സര്‍ക്കാരിന്റെ കീഴിലുള്ള തിരുവനന്തപുരത്തെ കേരള സംസ്ഥാന ഇന്‍ഷ്വറന്‍സ് വകുപ്പില്‍ ഡയറക്ടര്‍ തസ്തികയിലേയ്ക്ക് ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് പൊതുമേഖല ഇന്‍ഷുറന്‍സ് കമ്പനികളിലെ സീനിയര്‍ ഡിവിഷണല്‍ മാനേജര്‍ റാങ്കിലോ/ഉയര്‍ന്ന റാങ്കിലോ ജോലി ചെയ്യുന്നവരില്‍ നിന്നും അപേക്ഷ ക്ഷണിച്ചു. വിശദവിവരങ്ങളും അപേക്ഷാഫോമിന്റെ മാതൃകയും www.finance.kerala.gov.in ല്‍ ലഭിക്കും.

പി.എന്‍.എക്‌സ്.5050/17

ലാന്റ് റവന്യൂ വകുപ്പില്‍ 2014 ജനുവരി ഒന്നുമുതല്‍  2015 ഡിസംബര്‍ 31 വരെ  നിയമിതരായ എല്‍.ഡി.സി/വി.എ മാരുടെ സംസ്ഥാനതല അന്തിമ സീനിയോറിറ്റി ലിസ്റ്റ് പ്രസിദ്ധീകരിച്ചു.  എല്ലാ ജില്ലാ കളക്ട്രേറ്റുകളിലും, റവന്യൂ ഡിവിഷണല്‍ ആഫീസുകളിലും, താലൂക്ക് ആഫീസുകളിലും, www.clr.kerala.gov.in എന്ന വെബ്‌സൈറ്റിലും  പരിശോധനയ്ക്ക് ലഭ്യമാണ്.   ലിസ്റ്റ് സംബന്ധിച്ചുള്ള അക്ഷേപങ്ങള്‍ കെ.എസ് ആന്റ് എസ്.എസ്.ആര്‍ ഭാഗം രണ്ട് ചട്ടം 27  ബി യിലെ വ്യവസ്ഥകള്‍ക്ക് വിധേയമായി, ഉത്തരവ് തീയതി മുതല്‍ ആറ് മാസത്തിനുള്ളില്‍ ബന്ധപ്പെട്ട ഓഫീസ് മേധാവി മുഖേന സര്‍ക്കാരില്‍ സമര്‍പ്പിക്കണം.

പി.എന്‍.എക്‌സ്.5049/17

ജസ്റ്റിസ് പി.എന്‍ രവീന്ദ്രന്‍ പ്രസിഡന്റായി ഏഴംഗ റൂള്‍ കമ്മിറ്റി പുന:സംഘടിപ്പിച്ച് ഹൈക്കോടതി വിജ്ഞാപനം പുറപ്പെടുവിച്ചു.

പി.എന്‍.എക്‌സ്.5048/17

വിദേശ രാജ്യങ്ങളില്‍ നിന്നും എം.ഡി.ഫിസിഷ്യന്‍ മെഡിക്കല്‍ ബിരുദം നേടിയ ഡോക്ടര്‍മാര്‍ രജിസ്‌ട്രേഷന്‍ സര്‍ട്ടിഫിക്കറ്റില്‍ എം.ഡി.ഫിസിഷ്യന്‍ (ഇന്ത്യയിലെ എം.ബി.ബി.എസിനു തത്തുല്യം) ചേര്‍ത്തിട്ടുണ്ടോ എന്ന് ഉറപ്പുവരുത്തണമെന്നും ബോര്‍ഡിലും അപ്രകാരമേ പ്രദര്‍ശിപ്പിക്കാവൂ എന്നും  ട്രാവന്‍കൂര്‍ -കൊച്ചിന്‍ മെഡിക്കല്‍ കൗണ്‍സില്‍സ് രജിസ്ട്രാര്‍ അറിയിച്ചു.   വിരുദ്ധമായി പ്രവര്‍ത്തിക്കുന്ന ഡോക്ടര്‍മാര്‍ക്കെതിരെ അച്ചടക്ക നടപടി സ്വീകരിക്കും.

* അവയവദാതാക്കള്‍ക്കും കുടുംബാംഗങ്ങള്‍ക്കും കേരളത്തിന്റെ ആദരം

സര്‍ക്കാര്‍ മെഡിക്കല്‍ കോളേജുകളിലെ അവയവം മാറ്റിവെക്കല്‍ ശസ്ത്രക്രിയാ സൗകര്യങ്ങള്‍ വിപുലപ്പെടുത്തുമെന്ന് മുഖ്യമന്ത്രി പിണറായി വിജയന്‍ അറിയിച്ചു. 'മൃതസഞ്ജീവനി' പദ്ധതിയുടെ ഭാഗമായി അവയവദാതാക്കളെ അനുസ്മരിക്കാനും കുടുംബാംഗങ്ങളെ ആദരിക്കാനും സംഘടിപ്പിച്ച ചടങ്ങ് ഉദ്ഘാടനം ചെയ്തുസംസാരിക്കുകയായിരുന്നു അദ്ദേഹം. 

യുവാക്കളെയും വിദ്യാര്‍ത്ഥികളെയും ലഹരി ഉപയോഗത്തില്‍ നിന്ന് മോചിപ്പിക്കുന്നതിന് എന്‍. സി. സി കൂടുതല്‍ പദ്ധതികളും പരിശീലന പരിപാടികളും ആവിഷ്‌കരിക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. തിരുവനന്തപുരം സെന്‍ട്രല്‍ സ്‌റ്റേഡിയത്തില്‍ നടന്ന എന്‍. സി. സി വാര്‍ഷികാഘോഷം ഉദ്ഘാടനം ചെയ്യുകയായിരുന്നു. 

വിദ്യാഭ്യാസ വകുപ്പിന് കീഴിലുള്ള കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) കലാലയ മികവുകള്‍ കണ്ടെത്താനും പങ്ക് വയ്ക്കുന്നതിനുമായി സംഘടിപ്പിക്കുന്ന ഹരിതവിദ്യാലയം വിദ്യാഭ്യാസ റിയാലിറ്റി ഷോയുടെ സ്വിച്ച് ഓണ്‍ കര്‍മ്മം വിദ്യാഭ്യാസ വകുപ്പുമന്ത്രി പ്രെഫ. സി. രവീന്ദ്രനാഥ് ഇന്ന് (നവംബര്‍ 28) രാവിലെ 9.30 ന് തിരുവല്ലം കെ.എസ്.എഫ്.ഡി.സിയുടെ ചിത്രാഞ്ജലി സ്റ്റുഡിയോയില്‍ നിര്‍വഹിക്കും.  ഡിസംബര്‍ നാലുമുതലാണ് ഹരിതവിദ്യാലയം ദൂരദര്‍ശനിലും വിക്ടേഴ്‌സ് ചാനലിലും സംപ്രേഷണം ആരംഭിക്കുന്നത്.

പി.എന്‍.എക്‌സ്.5044/17

സംസ്ഥാന സഹകരണ യൂണിയന്‍ നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റല്‍ (കിക്മ) സൗജന്യമായി നടത്തുന്ന മൂന്ന് മാസത്തെ ജൂനിയര്‍ മാര്‍ക്കറ്റിംഗ് അസോസിയേറ്റ്, അക്കൗണ്ടിംഗ് അസിസ്റ്റന്റ് വിത്ത് ടാലി, അക്കൗണ്ടിംഗ് എന്നീ റസിഡന്‍ഷ്യല്‍ കോഴ്‌സുകളിലേക്ക് നവംബര്‍ 29ന് രാവിലെ 11ന് കിക്മ ക്യാമ്പസില്‍ ഇന്റര്‍വ്യൂ നടത്തും.  പ്ലസ്ടു ആണ് അടിസ്ഥാന യോഗ്യത.  18നും 35നും മധ്യേ പ്രായമുളളവര്‍ക്ക് പങ്കെടുക്കാം.  അപേക്ഷകള്‍ കിക്മ വെബ്‌സൈറ്റിലും (www.kicmakerala.in) നെയ്യാര്‍ഡാമിലുളള കിക്മ ഓഫീസിലും ലഭിക്കും.  നേരത്തെ അപേക്ഷ സമര്‍പ്പിക്കാത്ത മേല്‍ പറഞ്ഞ യോഗ്യതയുളള വിദ്യാര്‍ത്ഥികള്‍ക്കും  ഇന