കോട്ടയം: വനിതാ ശിശുവികസന വകുപ്പിനു കീഴിലെ വൈക്കം ശിശുവികസന പദ്ധതി ഓഫീസിന്റെ പരിധിയിലുള്ള 141 അങ്കണവാടികൾക്ക് പ്രീ-സ്‌കൂൾ എഡ്യൂക്കേഷൻ കിറ്റ് വിതരണം ചെയ്യുന്നതിന് റീ-ടെൻഡർ ക്ഷണിച്ചു. മാർച്ച് 12-ന്  ഉച്ചകഴിഞ്ഞ് രണ്ടുവരെ ടെൻഡർ സ്വീകരിക്കും. ഫോൺ: 04829-225156.

  സംസ്ഥാന സർക്കാരിന്റെ ഔദ്യോഗിക ഓൺലൈൻ സേവനദാതാക്കളായ അക്ഷയയുടെ സംരംഭകരാകാൻ മാര്‍ച്ച് 19 വരെ അപേക്ഷ സമര്‍പ്പിക്കാം. ജില്ലയിലെ 70 സ്ഥലങ്ങളിലേക്കാണ് അക്ഷയ  സംരംഭകരെ തിരഞ്ഞെടുക്കുന്നത്. പൊതുവിഭാഗത്തില്‍ 64 സ്ഥലങ്ങളിലേക്കും പട്ടികജാതി വിഭാഗത്തിൽ രണ്ട്, പട്ടികവര്‍ഗ വിഭാഗത്തിൽ നാല് സ്ഥലങ്ങളിലേക്കുമാണ് അപേക്ഷ ക്ഷണിക്കുന്നത്. അപേക്ഷ സമർപ്പിക്കേണ്ട വെബ് സൈറ്റ്:  https://lbsedp.lbscentre.in/akshaya26/ കൂടുതൽ വിവരങ്ങൾക്ക് ബന്ധപ്പെടാവുന്ന നമ്പർ 0487 2386809.

കേരള സ്റ്റേറ്റ് റൂട്രോണിക്സ‌് സർട്ടിഫിക്കറ്റോട് കൂടി തിരുവനന്തപുരം, ആറ്റിങ്ങൽ അംഗീകൃത പഠനകേന്ദ്രങ്ങളിലേക്ക് ഒരു വർഷം ദൈർഘ്യമുള്ള പ്രൊഫഷണൽ ഡിപ്ലോമ ഇൻ ഹോസ്‌പിറ്റൽ അഡ്‌മിനിസ്ട്രേഷൻ കോഴ്സിലേക്ക് ഇൻറ്റേൺഷിപ്പോടുകൂടി റഗുലർ, പാർട്ട് ടൈം ബാച്ചുകളിലേക്ക് പ്ലസ് ടു കഴിഞ്ഞവരിൽ നിന്നും അപേക്ഷ ക്ഷണിച്ചു. കൂടുതൽ വിവരങ്ങൾക്ക്: 7994926081.
 

നാദാപുരം മണ്ഡലത്തിലെ നാദാപുരം -തൂണേരി റോഡിന്റെ പ്രവൃത്തി ഉദ്ഘാടനം  പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ്‌ റിയാസ് ഓൺലൈനായി ഉദ്ഘാടനം ചെയ്തു. ഇ കെ വിജയൻ എം.എൽ.എ അധ്യക്ഷനായി. പൊതുമരാമത്ത് വകുപ്പ് റിന്യൂവൽ പ്രോഗ്രാമിൽ ഉൾപെടുത്തി നാദാപുരം മുതൽ തൂണേരി വരെയുള്ള 4.100 കിലോമീറ്റർ റോഡാണ് 4.5 കോടി രൂപ വിനിയോഗിച്ച് നവീകരിക്കുന്നത്. അഴുക്കുചാലുകൾ, ഹാർഡ് ഷോൾഡർ, റോഡ് സുരക്ഷാ ബോർഡുകൾ, റോഡ് മാർക്കിങ് എന്നിവ പദ്ധതിയുടെ ഭാഗമായി ഒരുക്കും. 

കോട്ടയം: കെൽട്രോണിൽ വിവിധ മാധ്യമ കോഴ്സുകളിലേക്ക് അപേക്ഷ ക്ഷണിച്ചു. ഏതെങ്കിലും വിഷയത്തിൽ ബിരുദമുള്ളവർക്കും പ്ലസ് ടു വിജയിച്ചവർക്കും അപേക്ഷിക്കാം. പ്രിന്റ് മീഡിയ, ടെലിവിഷൻ ജേർണലിസം, ഡിജിറ്റൽ മീഡിയ, വാർത്താ അവതരണം, ആങ്കറിംഗ്, പബ്ലിക് റിലേഷൻ, അഡ്വർടൈസിംഗ്, ആർട്ടിഫിഷ്യൽ ഇന്റലിജൻസ് അധിഷ്ടിത കണ്ടന്റ് നിർമാണം, വീഡിയോ ക്യാമറാ പരിശീലനം, വീഡിയോ എഡിറ്റിംഗ് തുടങ്ങിയ മേഖലകളിൽ സമഗ്ര പരിശീലനം നൽകും. തിരുവനന്തപുരം, കോഴിക്കോട്, പാലക്കാട് ജില്ലകളിലെ കെൽട്രോൺ പരിശീലന കേന്ദ്രങ്ങളിലേക്കാണ് പ്രവേശനം. മാർച്ച് 16ന് മുൻപായി അപേക്ഷകൾ നൽകണം. ഫോൺ: 9544958182.

കേരള സര്‍ക്കാര്‍ സ്ഥാപനമായ കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോട് കൂടി തിരുവനന്തപുരം ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരുവര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് ഇന്റ്റേണ്‍ഷിപ്പോടുകൂടി റഗുലര്‍, പാര്‍ട്ട് ടൈം ബാച്ചുകളിലേക്ക് +2 കഴിഞ്ഞവരില്‍ നിന്നും അപേക്ഷ ക്ഷണിച്ചു. വിശദവിവരങ്ങള്‍ക്ക് 7994926081

കേരള സർക്കാരിൻ്റെ പൊതുമേഖല സ്ഥാപനമായ കെൽട്രോൺ അധ്യയന വർഷത്തേക്കുള്ള വിവിധ മാധ്യമ കോഴ്‌സുകളിലേക്ക് അപേക്ഷ ക്ഷണിച്ചു. ബിരുദം നേടിയവർക്കും പ്ലസ് ടു കഴിഞ്ഞവർക്കും അപേക്ഷിക്കാവുന്ന കോഴ്‌സുകളാണ് ഒരുക്കിയിരിക്കുന്നത്.

നെടുപുഴ ഗവൺമെന്റ് വനിത പോളിടെക്നിക് കോളേജിലെ വിദ്യാർത്ഥി യൂണിയൻ 'ആലിൻ 2026' ന്റെയും ആർട്സ് ഫെസ്റ്റിവലിൻ്റെയും ഉദ്ഘാടനം റവന്യൂ, ഭവന നിർമാണ വകുപ്പ് മന്ത്രി അഡ്വ. കെ രാജൻ നിർവഹിച്ചു. കോളേജ് ഓഡിറ്റോറിയത്തിൽ നടന്ന ചടങ്ങിൽ കോളേജ് യൂണിയൻ ചെയർപേഴ്സൺ കെ. നക്ഷത്ര അധ്യക്ഷത വഹിച്ചു. കോളേജ് പ്രിൻസിപ്പാൾ ഡോ.കെ. കെ ശ്രീകല സ്വാഗതവും ആർട്സ് ക്ലബ് സെക്രട്ടറി കെ. നയ്മ നന്ദിയും പറഞ്ഞു.

വിയ്യൂർ സെൻട്രൽ ആൻഡ് കറക്ഷണൽ ഹോമിലെ കന്നുകാലി ഫാമിലെ രണ്ട് എണ്ണം മൂരികളെ പരസ്യമായി ലേലം ചെയ്യുന്നു. ലേലം മാർച്ച് 18ന് പകൽ 11 മണിക്ക് വിയ്യൂർ സെൻട്രൽ ആൻഡ് കറക്ഷണൽ ഹോമിൽ നടക്കും. ലേലത്തിൽ പങ്കെടുക്കാൻ ആഗ്രഹിക്കുന്ന വ്യക്തികൾ ലേലം ആരംഭിക്കുന്ന സമയത്തിന് ഒരു മണിക്കൂർ മുൻപായി ലേല സ്ഥലത്ത് എത്തിച്ചേരണം.
ഫോൺ : 9020599991

ചേളന്നൂർ ഗ്രാമപഞ്ചായത്തിലെ മൂന്ന് റോഡുകളുടെ ഉദ്ഘാടനം വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ നിർവഹിച്ചു. 8/4 മുതുവാട്ട് താഴം റോഡ്, ഉമ്മൻകൊത്തിയിൽ കനാൽ നടപ്പാത, 7/6 കല്ലുംപുറത്ത് താഴം റോഡ് എന്നിവയാണ് മന്ത്രി നാടിന് സമർപ്പിച്ചത്. മുഖ്യമന്ത്രിയുടെ തദ്ദേശ റോഡ് പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവിട്ടാണ് 8/4 മുതുവാട്ട് താഴം റോഡ് നവീകരിച്ചത്. എംഎൽഎ ആസ്തി വികസന ഫണ്ടിൽനിന്ന് ഏഴ് ലക്ഷം രൂപ ചെലവഴിച്ചാണ് ഉമ്മൻകൊത്തിയിൽ കനാൽ നടപ്പാത നിർമാണം. 1.39 കോടി രൂപ ചെലവിട്ടാണ് 7/6 കല്ലുംപുറത്ത് താഴം റോഡ് നിർമാണം പൂർത്തീകരിച്ചത്.