സംസ്ഥാനത്തെ ഹരിതകർമ്മസേന അംഗങ്ങൾക്കായി കുടുംബശ്രീ നടപ്പിലാക്കുന്ന ഏകീകൃത യൂണിഫോം പദ്ധതിക്ക് തുടക്കമായി. പദ്ധതിയുടെ സംസ്ഥാനതല വിതരണോദ്ഘാടനം ഷൊർണൂർ നഗരസഭ ടൗൺ ഹാളിൽ തദ്ദേശ സ്വയംഭരണ എക്സ്സൈസ് പാർലമെന്ററി കാര്യ വകുപ്പ് മന്ത്രി എം.ബി. രാജേഷ് നിർവ്വഹിച്ചു. 

മാലിന്യ നിർമ്മാർജ്ജന രംഗത്ത് വിപ്ലവകരമായ മാറ്റങ്ങൾ കൊണ്ടുവന്ന ഹരിതകർമ്മസേനയുടെ ആത്മവിശ്വാസം വർദ്ധിപ്പിക്കാൻ ഈ മാറ്റം സഹായിക്കുമെന്നും 'കേരളത്തിന്റെ ശുചിത്വ സൈന്യം' എന്ന് വിശേഷപ്പിക്കാൻ അർഹരാണ് ഹരിതകർമ സേനാംഗങ്ങളെന്നും മന്ത്രി പറഞ്ഞു.

ഗവ. മോയന്‍ മോഡല്‍ ഗേള്‍സ് ഹയര്‍ സെക്കന്‍ഡറി സ്‌കൂള്‍ വാര്‍ഷികാഘോഷമായ ' ECHO2K26 ' -നോടനുബന്ധിച്ച് സ്‌കൂള്‍ പത്രം 'നിറവ് 2K26' പ്രകാശനം ചെയ്തു. ജില്ലാ ഇന്‍ഫര്‍മേഷന്‍ ഓഫീസര്‍ പ്രിയ കെ ഉണ്ണികൃഷ്ണന് പത്രം കൈമാറിക്കൊണ്ടാണ് പ്രകാശന കര്‍മ്മം നിര്‍വഹിച്ചത്.

സ്‌കൂളിലെ പ്രധാനാധ്യാപികമാരായ പി.പി പ്രീജ, ജി.എ ശ്രീജ, പിടിഎ പ്രസിഡന്റ്  എം. അരവിന്ദാക്ഷന്‍, എസ ്എം സി ചെയര്‍പേഴ്‌സണ്‍ ബി.ദിവ്യ, സീനിയര്‍ അസിസ്റ്റന്റ് കെ. കെ ലതിക എന്നിവര്‍ സന്നിഹിതരായി.

മേലാമുറി-പുടൂര്‍- കോട്ടായി റോഡ് ശാസ്ത്രിനഗറില്‍ കലുങ്ക് നിര്‍മ്മാണ പ്രവൃത്തി നടക്കുന്നതിനാല്‍ ഇന്ന്(മാര്‍ച്ച് 13)മുതല്‍ വാഹനങ്ങള്‍ക്ക് നിയന്ത്രണമുണ്ടാവുമെന്ന് പൊതുമരാമത്ത് റോഡ് വിഭാഗം (നം. ഒന്ന്) അസി. എഞ്ചിനീയര്‍ അറിയിച്ചു.

 
അഞ്ചുരുളി ഉന്നതിയിലേക്കുള്ള റോഡിന്റെ നിര്‍മ്മാണം ഉടന്‍ പൂര്‍ത്തിയാക്കാനുള്ള നടപടി സ്വീകരിക്കുമെന്ന് ജലവിഭവ വകുപ്പ് മന്ത്രി റോഷി അഗസ്റ്റിന്‍. അഞ്ചുരുളി ഉന്നതി കമ്മ്യൂണിറ്റി ഹാളില്‍ നടന്ന റോഡ് നിര്‍മ്മാണ ഉദ്ഘാടന ചടങ്ങില്‍ സംസാരിക്കുകയായിരുന്നു മന്ത്രി.

വടക്കഞ്ചേരി ഗവ. കമ്യൂണിറ്റി കോളേജില്‍ നെട്ടൂര്‍ ടെക്നിക്കല്‍ ട്രെയിനിങ് ഫൗണ്ടേഷന്റെ നേതൃത്വത്തില്‍ ആരംഭിക്കുന്ന സൗജന്യ സര്‍ട്ടിഫിക്കറ്റ് പ്രോഗ്രാം ഇന്‍ പ്രിസിഷന്‍ മെഷിനിസ്റ്റ് കോഴ്സിലേക്ക് അപേക്ഷിക്കാം. എസ്എസ്എല്‍സി, പ്ലസ്ടു യോഗ്യതയുള്ള  ഏപ്രില്‍ ഒന്നിന് 17 വയസ് പൂര്‍ത്തിയായതും 23 വയസ് കവിയാത്തവര്‍ക്കുമാണ് അവസരം. അപേക്ഷകള്‍ മാര്‍ച്ച് 31 ന് വൈകീട്ട് അഞ്ചിനകം ജില്ലാ പട്ടികജാതി വികസന ഓഫീസിലോ, വടക്കഞ്ചേരി കമ്യൂണിറ്റി കോളേജിലോ നല്‍കണം. ഫോണ്‍: 9747172107, 9995526395

പാലക്കാട്, ജി.ബി.റോഡ്, എരുമക്കാരസ്ട്രീറ്റില്‍ പ്രവര്‍ത്തിക്കുന്ന കയര്‍ഫെഡ് ഷോറൂമില്‍ റംസാന്‍ വിപണനമേള മാര്‍ച്ച് 31 വരെ. കയര്‍ പ്രൊഡക്ട്സ്, മാട്രസ്, കയര്‍ മാറ്റിങ്, മാറ്റ്സ് തുടങ്ങിയ ഉത്പന്നങ്ങള്‍ 20 മുതല്‍ 50 ശതമാനം വരെ ഡിസ്‌ക്കൗണ്ട് ലഭിക്കും. കൂടുതല്‍ വിവരങ്ങള്‍ക്ക് 9939066693

 
ഇടുക്കി ജില്ലയിലെ 24 ഡാമുകളില്‍ മത്സ്യ കൃഷി സജീവമാക്കിയിട്ടുള്ള നാല് ഡാമുകളിലെ ഫാമുകള്‍ പ്രവര്‍ത്തനസജ്ജമാകുന്നതോടെ മത്സ്യ ഉത്പാദനം ഗണ്യമായി വര്‍ധിപ്പിക്കാനാകുമെന്ന് ഫിഷറീസ്- സാംസ്‌കാരിക- യുവജനകാര്യ വകുപ്പ് മന്ത്രി സജി ചെറിയാന്‍. ഇതുവഴി കൂടുതല്‍ ഡാമുകളിലേക്ക് മത്സ്യക്കുഞ്ഞുങ്ങളെ നിക്ഷേപിക്കുവാന്‍ സാധിക്കും. ഫിഷറീസ് വകുപ്പിന്റെ കീഴില്‍ വെള്ളത്തൂവല്‍ പഞ്ചായത്തില്‍ നിര്‍മ്മിച്ച ചെങ്കുളം മള്‍ട്ടി സ്പീഷീസ് മത്സ്യവിത്ത് ഫാമിന്റെ ഉദ്ഘാടനം ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു മന്ത്രി.

കേരള സര്‍ക്കാര്‍ സ്ഥാപനമായ കെല്‍ട്രോണിന്റെ കോട്ടയം നോളജ് സെന്ററില്‍ ഡാറ്റാ അനാലിസിസ് ആന്‍ഡ് മെഷീന്‍ ലേണിംഗ്, പൈത്തണ്‍ ഫുള്‍സ്റ്റാക്ക് വിത്ത് എ ഐ  എന്നീ കോഴ്സുകളിലേക്ക് പ്രവേശനം ആരംഭിച്ചു. മിതമായ ഫീസ് ഓണ്‍ലൈന്‍ ഓഫ്‌ലൈന്‍ ക്ലാസുകള്‍ തിരഞ്ഞെടുക്കുവാനുള്ള സൗകര്യം എന്നിവ ഈ കോഴ്സുകളുടെ സവിശേഷതയാണ്. യോഗ്യത : പ്ലസ്ടു.