കോട്ടയം: വാഴൂർ ബ്ലോക്ക് പഞ്ചായത്തിന്റെ പരിധിയിലുള്ള കാഞ്ഞിരപ്പള്ളി ജനറൽ ആശുപത്രിയിൽ പ്രവർത്തിക്കുന്ന കാത്ത് ലാബിലെ ഒഴിവിലേക്ക് എക്കോ ടെക്നീഷ്യനെ നിയമിക്കുന്നതിന് വാക്-ഇൻ ഇന്റർവ്യൂ നടത്തും. മാർച്ച് 13ന് ഉച്ചയ്ക്ക് രണ്ട് മുതൽ നാല് വരെ വാഴൂർ ബ്ലോക്ക് പഞ്ചായത്ത് ഓഫീസിലാണ് ഇന്റർവ്യൂ. കാത്ത് ലാബിൽ പ്രവർത്തന പരിചയമുള്ള ഉദ്യോഗാർത്ഥികൾക്ക് അഭിമുഖത്തിൽ പങ്കെടുക്കാം. താത്പര്യമുള്ളവർ വിദ്യാഭ്യാസ യോഗ്യതയും പ്രവൃത്തി പരിചയവും തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം എത്തണം. ഫോൺ: 8281040553.

കോട്ടയം: ഈരാറ്റുപേട്ട ഐ.സി.ഡി.എസ്. പ്രോജക്ടിന്റെ പരിധിയിലുള്ള 145 അങ്കണവാടികളിൽ കണ്ടിജൻസി സാധനങ്ങൾ വിതരണം ചെയ്യുന്നതിന് ടെൻഡർ ക്ഷണിച്ചു. മാർച്ച് 13 ന് ഉച്ചകഴിഞ്ഞ് 2 വരെ ടെൻഡറുകൾ സ്വീകരിക്കും. ഫോൺ: 9188959694, 9495706151.

കോട്ടയം: പള്ളം അഡീഷണൽ ശിശുവികസന ഓഫീസ് പരിധിയിലുള്ള 134 അങ്കണവാടികളിൽ കണ്ടിജൻസി സാധനങ്ങൾ വിതരണം ചെയ്യുന്നതിന് ദർഘാസ് ക്ഷണിച്ചു. മാർച്ച് 21ന് ഉച്ചയ്ക്ക് രണ്ടുവരെ ദർഘാസുകൾ സ്വീകരിക്കും. ഫോൺ: 9961124296.

സംസ്ഥാന സർക്കാരിന്റെ പൊതുമേഖലാ സ്ഥാപനമായ ട്രാവൻകൂർ സിമന്റ്‌സ് ലിമിറ്റഡ്   വൈവിധ്യവത്കരണ പദ്ധതിയുടെ ഭാഗമായി പുതുതായി വികസിപ്പിച്ച 'വേമ്പനാട്' ടൈൽ അഡ്ഹസീവ്, 'വേമ്പനാട്' എൽ. സി. 3, വൈറ്റ് സിമന്റ് എന്നീ ഉത്പന്നങ്ങളുടെ സംസ്ഥാനതല ലോഞ്ചിംഗ് തിങ്കളാഴ്ച (മാർച്ച് 9) . ഉച്ചയ്ക്ക് 12 30ന് കളമശ്ശേരി ജിഞ്ചർ ഹോട്ടലിൽ  വ്യവസായ വകുപ്പ് മന്ത്രി പി രാജീവ്‌ നിർവഹിക്കും.

കോട്ടയം: വാക്കേത്തറ- കപിക്കാട് റോഡിൻ്റെ നിർമാണോദ്ഘാടനം പൊതുമരാമത്ത് - ടൂറിസം വകുപ്പ് മന്ത്രി പി.എ. മുഹമ്മദ് റിയാസ് ഓൺലൈനായി നിർവഹിച്ചു. 

പശ്ചാത്തല - വികസന മേഖലയിൽ സംസ്ഥാനം  വലിയൊരു കുതിപ്പാണ് കരസ്ഥമാക്കിയതെന്ന് മന്ത്രി പറഞ്ഞു. ലെവൽ ക്രോസ് ഒന്നു പോലുമില്ലാത്ത കേരളം എന്ന സ്വപ്ന പദ്ധതി യാഥാർത്ഥ്യമാക്കുന്നതിൻ്റെ പ്രവർത്തനങ്ങൾ ഏറ്റെടുത്ത് വരികയാണെന്നും അദ്ദേഹം കൂട്ടിച്ചേർത്തു. 
മധ്യമുണ്ടാർ തയ്യിൽച്ചിറയിൽ നടന്ന ചടങ്ങിൽ സി.കെ. ആശ എം.എൽ. എ. അധ്യക്ഷത വഹിച്ചു. 

സെമിനാർ മാർച്ച് 17ന്

ജില്ലാ ലൈബ്രറി കൗൺസിൽ സംഘടിപ്പിക്കുന്ന ഏകദിന സെമിനാർ മാർച്ച് 17ന് രാവിലെ പത്തുമണിക്ക് കണ്ണൂർ ശിക്ഷക് സദനിൽ നടക്കും. മുൻമന്ത്രി ഇ.പി ജയരാജൻ സെമിനാർ ഉദ്ഘാടനം ചെയ്യും. മതം, ഭരണകൂടം, ഭരണഘടന എന്ന വിഷയത്തിൽ മുൻമന്ത്രി മുല്ലക്കര രത്നാകരൻ, ഭരണഘടന പിന്നിട്ട 76 വർഷങ്ങൾ എന്ന വിഷയത്തിൽ ഡോ. ടി.എസ് ശ്യാംകുമാർ എന്നിവർ വിഷയാവതരണം നടത്തും. ജില്ലാതല വായനാമത്സരം, സർഗോത്സവം എന്നിവയിൽ വിജയിച്ചവർക്കുള്ള സമ്മാന വിതരണം പരിപാടിയിൽ നടക്കും. 

സൈഡ് വീലുള്ള സ്‌കൂട്ടർ, ഇലക്ടോണിക് വീൽചെയർ വിതരണം

കോട്ടയം: ക്ഷിരവികസന വകുപ്പിനു കീഴില്‍ ഈരയില്‍ക്കടവില്‍ പ്രവര്‍ത്തിക്കുന്ന ക്ഷീരപരിശീലന കേന്ദ്രത്തില്‍ മാര്‍ച്ച് 11 മുതല്‍ 24 വരെ ക്ഷീരോല്‍പ്പന്ന നിര്‍മാണ പരിശീലന പരിപാടി നടത്തും. താല്‍പര്യമുള്ളവര്‍ മാര്‍ച്ച് 11ന് രാവിലെ 10ന്  ക്ഷീരപരിശീലന കേന്ദ്രത്തിലെത്തി 135 രൂപ നല്‍കി രജിസ്റ്റര്‍ ചെയ്യണം. ഫോണ്‍: 0481-2302223, 9446533317.

കണ്ണൂർ സർവകലാശാല പാലയാട് ഡോ. ജാനകി അമ്മാൾ ക്യാമ്പസിൽ നിർമിച്ച സ്‌കൂൾ ഓഫ് ലീഗൽ സ്റ്റഡീസിന്റെയും വനിതാ ഹോസ്റ്റലിന്റെയും മറ്റ് വികസന പ്രവർത്തനങ്ങളുടെയും ഉദ്ഘാടനം മാർച്ച് 14ന് വൈകീട്ട് മൂന്ന് മണിക്ക് മുഖ്യമന്ത്രി പിണറായി വിജയൻ നിർവഹിക്കും. നിയമസഭാ സ്പീക്കർ അഡ്വ. എ.എൻ ഷംസീർ അധ്യക്ഷനാകും. 

വികസന കണ്ണൂർ നിയോജക മണ്ഡലത്തിന്റെ ഭാവി പ്രവർത്തനങ്ങൾക്കു ദിശാബോധം നൽകാൻ ലക്ഷ്യമിട്ടുള്ള വികസന സെമിനാർ മാർച്ച് 14 ശനിയാഴ്ച രാവിലെ 10.30 മുതൽ കണ്ണൂർ ജില്ലാ പഞ്ചായത്ത് ഹാളിൽ നടക്കുമെന്ന് രജിസ്ട്രേഷൻ, മ്യൂസിയം, പുരാവസ്തു, പുരാരേഖാ വകുപ്പ് മന്ത്രി രാമചന്ദ്രൻ കടന്നപ്പള്ളി വാർത്താസമ്മേളനത്തിൽ അറിയിച്ചു. മുൻ വ്യവസായ വകുപ്പ് മന്ത്രി ഇ. പി. ജയരാജൻ സെമിനാർ ഉദ്ഘാടനം ചെയ്യും. മന്ത്രി രാമചന്ദ്രൻ കടന്നപ്പള്ളി  അധ്യക്ഷത വഹിക്കും.

അറ്റകുറ്റപ്പണി  പുരോഗമിക്കുന്ന പാപ്പിനിശ്ശേരി മേൽപ്പാലം  കെ വി സുമേഷ് എം.എൽ.എ, പൊതുമരാമത്ത് വകുപ്പ് ചീഫ് എൻജിനീയർ അജിത്ത് രാമചന്ദ്രൻ എന്നിവരുടെ നേതൃത്വത്തിലുള്ള സംഘം സന്ദർശിച്ചു. ആദ്യം കണക്കാക്കിയതിലും ഇരട്ടിയിലധികം കേടുപാടുകൾ പരിശോധനയിൽ കണ്ടെത്തിയതായി ഉദ്യോഗസ്ഥർ അറിയിച്ചു. അതിനാൽ  കൂടുതൽ സൂക്ഷ്മമായ അറ്റകുറ്റപ്പണി ആവശ്യമാണെന്നും ചീഫ് എൻജിനീയർ പറഞ്ഞു.