കാസര്‍കോട് അണങ്കൂറില്‍ പ്രവര്‍ത്തിക്കുന്ന സഖി വണ്‍ സ്റ്റോപ്പ് സെന്ററില്‍ ഔദ്യോഗിക ആവശ്യത്തിലേക്കായി ഒരു വര്‍ഷത്തേക്ക് സഞ്ചരിക്കുന്നതിന് ജീപ്പ്, കാര്‍ (ഇലക്ട്രിക്   വാഹനങ്ങള്‍ക്ക് മുന്‍ഗണന) ടെണ്ടര്‍ ക്ഷണിച്ചു. മാര്‍ച്ച് 11 ന് ഉച്ചയ്ക്ക്  12 വരെ ടെണ്ടര്‍ ഫോം വിതരണം ചെയ്യും. 11  ഉച്ചയ്ക്ക് ഒന്ന് വരെ ടെണ്ടര്‍ ഫോം സ്വീകരിക്കും. ഉച്ചക്ക് രണ്ടിന് ടെണ്ടര്‍ തുറക്കും. വിലാസം-
വനിതാ സംരക്ഷണ  ഓഫീസ്,  കാസര്‍കോട് സഖി വണ്‍ സ്റ്റോപ്പ്‌സെന്റര്‍. ഫോണ്‍-  8281999065,9847000302
 

കാസര്‍കോട് ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍  (നാച്ചുറല്‍ സയന്‍സ്) മലയാളം മാധ്യമം (കാറ്റഗറി നം - 602/2024) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട യോഗ്യരായ ഉദ്യോഗാര്‍ത്ഥികള്‍ക്കുള്ള അവസാന ഘട്ട കൂടിക്കാഴച്ച മാര്‍ച്ച് 16 ന് കേരള പബ്ലിക് സര്‍വീസ് കമ്മീഷന്‍ കാസര്‍കോട് ജില്ലാ ഓഫീസില്‍ നടക്കും.  ഫോണ്‍ - 04994 230102.

കാസര്‍കോട് പുലിക്കുന്നിലുള്ള പൊതുമരാമത്ത് വകുപ്പ് സമുച്ഛയത്തിലുള്ള കാന്റീന്‍ മാര്‍ച്ച് 21 മുതല്‍ ഒരു വര്‍ഷത്തേക്ക് പാട്ട വ്യവസ്ഥയില്‍ ഏറ്റെടുത്ത് നടത്തുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ അസിസ്റ്റന്റ്  എ്കസിക്യൂട്ടീവ് എഞ്ചിനീയര്‍, പൊതുമരാമത്ത് വകുപ്പ് കെട്ടിട ഉപ വിഭാഗം കാസര്‍കോട് എന്ന വിലാസത്തില്‍ മാര്‍ച്ച് 16 വൈകുന്നേരം മൂന്നിന് മുമ്പ് ലഭിക്കണം.
വൈകുന്നേരം 3.30 ന് ക്വട്ടേഷന്‍ തുറക്കും.

ആജാനൂര്‍ ഗ്രാമപഞ്ചായത്ത് അജാനൂര്‍, ആനന്ദാശ്രമം കുടുംബാരോഗ്യ കേന്ദ്രങ്ങളിലേക്ക് സ്റ്റാഫ് നിയമനത്തിനായി കൂടിക്കാഴ്ച്ച നടത്തുന്നു. ഡോക്ടര്‍ (1 ഒഴിവ്) കൂടിക്കാഴ്ച്ച  മാര്‍ച്ച് 11 ന് രാവിലെ പത്തിന്. യോഗ്യത- എം.ബി.ബി.എസ് ബിരുദം, കേരള മെഡിക്കല്‍ കൗണ്‍സില്‍ രജിസ്ട്രേഷന്‍. ഡാറ്റ എന്‍ട്രി ഓപ്പറേറ്റര്‍ (രണ്ട് ഒഴിവ്) കൂടിക്കാഴ്ച്ച മാര്‍ച്ച് 11 ന് രാവിലെ 11 ന്. അടിസ്ഥാന യോഗ്യത-  പ്ലസ് ടു ആന്‍ഡ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ്. പാലിയേറ്റീവ് നഴ്സ് (1 ഒഴിവ്) കൂടിക്കാഴ്ച്ച മാര്‍ച്ച് 27ന് രാവിലെ പത്ത്.

കേരള മീഡിയ അക്കാദമിയുടെ ഇന്‍സ്റ്റിറ്റ്യൂട്ട് ഓഫ് കമ്മ്യൂണിക്കേഷനില്‍ 2024-25 ബാച്ചില്‍ പഠനം പൂര്‍ത്തിയാക്കിയ വിദ്യാര്‍ത്ഥികളുടെ ബിരുദദാന സമ്മേളനവും സര്‍ട്ടിഫിക്കറ്റ് വിതരണവും മാര്‍ച്ച് 11ന്  രാവിലെ 11ന് നടക്കും. കാക്കനാടുള്ള അക്കാദമി ക്യാമ്പസ്സില്‍ സംഘടിപ്പിക്കുന്ന ചടങ്ങില്‍ ജേര്‍ണലിസം ആന്‍ഡ് കമ്മ്യൂണിക്കേഷന്‍, പബ്ലിക്ക് റിലേഷന്‍സ് ആന്‍ഡ് അഡ്വര്‍ടൈസിങ്ങ്, ടെലിവിഷന്‍ ജേര്‍ണലിസം വിഷയങ്ങളില്‍ പി.ജി. ഡിപ്ലോമ പൂര്‍ത്തിയാക്കിയ വിദ്യാര്‍ത്ഥികളാണ് ബിരുദം ഏറ്റുവാങ്ങുന്നത്. ചടങ്ങില്‍ ഡിജിറ്റല്‍ യൂണിവേഴ്സിറ്റി വൈസ് ചാന്‍സലര്‍ ഡോ.സജി ഗോപിനാഥ് ബിരുദദാനവും സര്‍ട്ടിഫിക്കറ്റ് വിതരണം നിര്‍വ്വഹിക്കും.

ലോക ഗ്ലോക്കോമ വാരാചരണത്തിന്റെ ജില്ലാതല ഉദ്ഘാടനം കാഞ്ഞങ്ങാട് ദേശീയാരോഗ്യ ദൗത്യം കോണ്‍ഫറന്‍സ് ഹാളില്‍ ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ.അജയ് രാജന്‍ നിര്‍വഹിച്ചു. ചടങ്ങില്‍ ജില്ലാ ഒഫ്താല്‍മിക്  കോര്‍ഡിനേറ്റര്‍  കവിത.പി അധ്യക്ഷത വഹിച്ചു. ദേശീയ ആരോഗ്യ ദൗത്യം ജൂനിയര്‍ കണ്‍സല്‍ട്ടന്റ് കമല്‍ കെ. ജോസ്, ജില്ലാ ആര്‍.ബി.എസ്.കെ കോഓര്‍ഡിനേറ്റര്‍ നിജിത കെ എന്നിവര്‍ സംസാരിച്ചു. ജില്ലാ എഡ്യൂക്കേഷന്‍ ആന്‍ഡ് മീഡിയ ഓഫീസര്‍ അബ്ദുള്‍ ലത്തീഫ് മഠത്തില്‍ സ്വാഗതവും ഡെപ്യൂട്ടി ജില്ലാ എഡ്യൂക്കേഷന്‍ ആന്‍ഡ് മീഡിയ ഓഫീസര്‍ പി.പി ഹസീബ് നന്ദിയും പറഞ്ഞു.

കോട്ടയം: ആര്‍ത്തവ ശുചിത്വവും പാരിസ്ഥിതിക സുസ്ഥിരതയും  ലക്ഷ്യമിട്ട് ഹരിത കേരളം മിഷന്‍ ബ്രഹ്‌മമംഗലം എച്ച്.എസ്.എസില്‍ ഇനിസിനറേറ്റര്‍ സ്ഥാപിച്ചു. ഉറവിടമാലിന്യ സംസ്‌കരണ ശാസ്ത്രീയമാലിന്യ  സംസ്‌കരണ രീതികള്‍ക്ക് പ്രചാരം നല്‍കുന്നതിന്റെ ഭാഗമായാണ് ഇന്‍സിനറേറ്റര്‍, മെന്‍സ്ട്രുവല്‍ കപ്പ് എന്നിവയുടെ വിതരണം പ്രോത്സാഹിപ്പിക്കുന്നത്.

അത്യാധുനിക ഇലക്ട്രോണിക്സ്, ഇലക്ട്രിക് മൊബിലിറ്റി മേഖലകളിൽ കേരളത്തെ ആഗോളതലത്തിൽ അടയാളപ്പെടുത്താൻ ലക്ഷ്യമിട്ട് തിരുവനന്തപുരം ട്രെസ്റ്റ് റിസർച്ച് പാർക്കിൽ ട്രെസ്റ്റ് അക്കാദമി പ്രവർത്തനമാരംഭിക്കുന്നു.

സംസ്ഥാനത്തെ പ്രാഥമിക സഹകരണ സംഘങ്ങളെ വലിയ സാമ്പത്തിക ഇടപാടുകൾ നടത്തുന്ന മികച്ച തലത്തിലേക്ക് വളർത്താൻ കഴിഞ്ഞതായി സഹകരണ വകുപ്പ് മന്ത്രി വി. എൻ. വാസവൻ.